Zara Noor Abbas Pakistani Actress
Zara Noor Abbas Pakistani Actress

خالہ! اب پہلے جیسا کچھ نہیں رہے گا: زارا نور کا سنبل شاہد کیلئے پیغام

کراچی جدت ویب ڈیسک:پاکستان شوبز انڈسٹری کی معروف اداکارہ اور اسماء عباس کی بیٹی زارا نور عباس نے اپنی مرحومہ خالہ سنبل شاہد کی یادگار ویڈیو سوشل میڈیا پر شیئر کردی۔

زارا نور عباس نے سماجی رابطے کی ویب سائٹ انسٹاگرام پر اپنی مرحومہ خالہ سنبل شاہد کی ایک یادگار ویڈیو شیئر کی ہے جس میں وہ اپنی خوبصورت آواز میں گلوکاری کرتی نظر آرہی ہیں۔انسٹاگرام پر شیئر کی گئی ویڈیو میں سنبل شاہد سڑک پر موجود ہیں جبکہ یہ ویڈیو وفاقی دارالحکومت اسلام آباد کی لگ رہی ہے۔

اداکارہ نے ویڈیو کو ایک جذباتی کیپشن دیتے ہوئے لکھا کہ ’اب پہلے جیسا کچھ بھی نہیں رہے گا۔اْنہوں نے سنبل شاہد سے مخاطب ہوتے ہوئے لکھا کہ ’آپ ہمیں چھوڑ کر چلی گئی ہیں اور ہم یہاں ٹوٹ کر رہ گئے ہیں۔زارا نور عباس کی پوسٹ پر شوبز ستاروں کی بڑی تعداد سنبل شاہد کی مغفرت کے لیے دْعاگو ہے۔

واضح رہے کہ گزشتہ ایک ماہ سے عالمی وبا کورونا کا مقابلہ کرنے والی پاکستان کی نامور اداکارہ سنبل شاہد انتقال کر گئیں وہ اداکارہ بشری انصاری اور اسما عباس کی بہن تھیں۔سنبل شاہد کو ایک ماہ پہلے کورونا ہوا تھا اور بشریٰ انصاری اور اسما عباس نے عوام سے اپنی بہن کی صحتیابی کیلئے کئی بار دعاؤں کی درخواست بھی کی تھی۔

Leave a Reply

Your email address will not be published.