دنیا کی وزنی ترین خاتون ایمان عبدالعاطی دبئی کے اسپتال میں انتقال کرگئیں

جدت ویب ڈیسک :مصر سے تعلق رکھنے والی دنیا کی وزنی ترین خاتون ایمان عبدالعاطی دبئی کے اسپتال میں انتقال کرگئیں۔اسپتال سے جاری بیان کے مطابق ایمان دل کے مرض میں مبتلا تھی جب کہ اس کے گردوں نے بھی کام چھوڑ دیا تھا جو موت کی وجہ بنا اور مقامی وقت کے مطابق صبح 4 بجکر 35 منٹ پر وہ چل بسیں۔دبئی کے اسپتال میں 20 ڈاکٹروں پر مشتمل ایک ٹیم ایمان کے علاج پر مامور تھی اور وقفے وقفے سے مختلف ٹیسٹ کے ذریعے ایمان کی صحت کے بارے میں ان کے اہل خانہ کو آگاہ کیا جاتا رہا۔ایمان کے لواحقین نے اسپتال کی جانب سے علاج معالجے کی سہولیات پر اطمینان کا اظہار کیا تاہم اس سے قبل بھارت میں علاج کے دوران انہوں نے کچھ شکایات کی تھیںتاہم وہ جانبر نہ ہوسکیں 500 کلو وزنی ایمان کا بھارت میں علاج جاری تھا جس کے بعد 4 مئی 2017 کو اسے علاج کی غرض سے دبئی کے برجیل اسپتال میں داخل کیا گیا۔

Leave a Reply

Your email address will not be published.