ٹیکساس میں طوفان ہاروی کی تباہ کاریوں کا سلسلہ جاری ،کرفیو نافذ

جدت ویب ڈیسک :ریاست ٹیکساس کے شہر ہیوسٹن میں سمندری طوفان کی تباہ کاریاں جاری ہیں اور ہیوسٹن میں مزید 3 افراد ہلاک ہوگئے جس کے بعد ہلاکتوں کی تعداد 18 ہوگئی، لوگوں کو محفوظ مقامات پر پہنچانے کے لئے کشتیوں کی مدد لی جارہی ہے اور رضا کار پانی میں پھنسے لوگوں کو محفوظ مقام پر پہنچانے کا کام انجام دے رہے ہیں۔شہر میں 2 فٹ سے زائد بارش ریکارڈ کی گئی ہے جس کے بعد گلیاں سڑکیں انڈر پاسز سب پانی میں ڈوبے ہیں۔ کئی مقامات پر 10 فٹ تک پانی جمع ہے اور مسلسل بارش کے باعث اس میں مزید اضافے کا خدشہ ظاہر کیا جارہا ہےدوسری جانب طوفان ہاروی کی وجہ سے کیمیکل پلانٹ میں دھماکے کا خدشہ ہے جس کے پیش نظر ارد گرد کی آبادی کو خالی کرالیا گیا ہے۔سمندری طوفان سے متاثر امریکی شہر ہیوسٹن میں رات کو کرفیو نافذ کردیا گیا ہے اور میئر کا کہنا ہے کہ چوری، ڈکیتی، لوٹ مار اور رات کے وقت ڈرائیونگ کے واقعات کی روک تھام کے لئے کرفیو نافذ کیا گیا ہے۔

 

Leave a Reply

Your email address will not be published.