کس شہر میں کتنے مسافر؟؟ایک دلچسپ معلوماتی رپورٹ

کراچی جدت ریسرچ ڈیسک:سفر…انسانی زندگی کا اہم پہلو ہے،ہر انسان کا کم و بیش اس سے واستہ پڑتاہے…سفر سے مراد ہے کہ وہ جگہ جہاں آپ نے سکونت اختیار کر رکھی ہو وہاں سے کسی دوسرے مقام پر جانا، سفر کئی طرح کے ہوتے ہیں، کچھ تو روز مرہ کی بنیاد پر یعنی تعلیم کے حصول کی غرض سے گھر سے نکلنا،دفتر کام کی غرض سے جانا وغیرہ وغیرہ اور کچھ کئی دنوں پر بھی مشتمل ہوتے ہیں کاروبار کی غرض سے بیرونی ملک جانا، سیر و سایاحت کی غرض سے ملک و بیرون ملک سفر کرنا ان کے لئے سواریاں بھی مختلف استعمال کی جاتی ہیں، بعض صورتوں میں آپ اپنی ذاتی سواری گاڑی وغیرہ کے ذریعے فاصلہ طے کرکے دوسرے مقام پر پہنچ جاتے ہیں جبکہ بعض صورتوں میں آپ ریل اور ہوائی جہاز پر بھی سفر کرتے ہیں ۔ گزشتہ دنوں یورو مونیٹر انٹرنیشنل نے اپنی ایک رپورٹ جاری کی جو 2016ء کے دوران مخلتف ممالک کے مختلف شہروں میں بذریعہ جہاز آنے والے مسافروں کی تعداد پر مشتمل ہے، جس سے اندازہ لگایا جاسکتا ہے کہ گزشتہ سال کس ملک میں کتنے سیاح و دیگر مسافر آئے۔ سب سے کم درجہ یعنی 10ویں نمبر پر ملائیشیا کے شہر کوالا لمپور کو رکھا گیا ہے جہاں 12.3ملین یعنی ایک کروڑ تئیس لاکھ مسافر آئے جبکہ اس فہرست میں چائنا کے شہر شینزہن ہے جہاں آنے والے مسافروں کی تعداد 12.6ملین یعنی ایک کروڑ چھبیس لاکھ تھی، نیو یارک امریکہ آنے والے مسافروں کی تعداد 12.7ملین رہی جبکہ پیرس فرانس کا سفر کرنے والوں کی تعداد14.9ملین تھی اسی طرح دبئی متحدہ عرب امارات کا سفر 14.9ملین مسافروں نے کیا جبکہ چین ہی کے شہر مکائو آنے والے مسافروں کی تعداد 15.4ملین تھی سنگا پور اس دوڑ میں چوتھے نمبر پر رہا جہاں آنے والے مسافروں کی تعداد 16.6ملین تھی اور لندن کا سفر کرنے والے مسافر 19.2ملین کی تعداد میں تھے، تھائی لینڈ کےشہر بنکاک کا سفر 21.3ملین یعنی دو کروڑ تیرہ لاکھ مسافروں نے کیا اور یہ شہر اس فہرست میں دوسرے پر نمبر رہا جبکہ پہلے نمبر پر ہانک کانگ رہا جہاں 2016ء میں سیر و سیاحت کی غرض سے آنے والے مسافروں کی تعداد دنیا کے کسی بھی شہر سے زیادہ یعنی 26.6ملین رہی جو کہ دو کروڑ چھیاسٹھ لاکھ بنتی ہے۔ امید ہے آپ کو رپورٹ پسند آئی ہوگی، اپنے دوستوں سے بھی شیئر کیجئے اور مزید اچھی اچھی پوسٹیں دیکھنے کیلئے ہمارے پیج کا وزٹ کیجئے۔

 

Leave a Reply

Your email address will not be published.