Polio Workers Killed in Afghanistan
Polio Workers Killed in Afghanistan

افغانستان میں دہشت گردوں کا حملہ‘ 5پولیو ورکرز کو بیدردی سے قتل کردیا گیا

کابل: جدت ویب ڈیسک:افغانستان کے شہر جلال آباد میں مختلف مقامات پر مسلح افراد نے فائرنگ کرکے 5 پولیو ورکز کو قتل اور 3 کو زخمی کردیا۔

جنگ زدہ افغانستان کے صوبے ننگرہار میں پولیو مہم کا آغاز گزشتہ روز ہوا تھا تاہم آج دوسرے روز جلال آباد میں تین مقامات پر مسلح افراد نے پولیو ورکز کی ٹیموں پر اندھا دھند فائرنگ کردی۔

ننگرہار میں پولیو مہم کے انچارج ڈاکٹر جان محمد نے میڈیا کو بتایا کہ جلال آباد میں نامعلوم مسلح افراد کی فائرنگ سے مجموعی طور پر 5 پولیو ورکز ہلاک اور 3 زخمی ہوگئے۔

ہلاک اور زخمی ہونے والے مرد اہلکار تھے۔رواں برس مارچ میں جلال آباد میں ہی مسلح افراد نے 3 خاتون پولیو ورکز کو فائرنگ کرکے ہلاک کردیا تھا جس کے بعد پولیو مہم معطل کردی گئی تھی اور اب دوبارہ شروع کی گئی تھی۔

افغانستان سے طالبان اور امریکا کے درمیان امن معاہدے کے تحت دیر سے سہی لیکن غیرملکی فوجیوں کے انخلا کا آغاز ہوگیا ہے جب کہ طالبان اور افغان حکومت کے درمیان دوحہ میں مذاکرات کسی نتیجے پر پہنچے بغیر ختم ہوگئے تاہم امن و امان کی صورت حال اب بھی مخدوش ہے۔

Leave a Reply

Your email address will not be published.