آئندہ 72 گھنٹے میں ورلڈ الیون کے کھلاڑیوں کے ناموں کا اعلان کردیا جائے گا، چیرٔمین پی سی بی

جدت ویب ڈیسک :لاہور میں پریس کانفرنس کرتے ہوئے چیرمین پی سی بی نجم سیٹھی کا کہنا تھا کہ ستمبر کے دوسرے ہفتے ورلڈ الیون پاکستان کا دورہ کرے گی جب کہ اکتوبر کے آخر میں سری لنکن ٹیم پاکستان آئے گی۔چیرمین پی سی بی کا کہنا تھا کہ آئندہ 72 گھنٹے میں ورلڈ الیون کے کھلاڑیوں کے ناموں کا اعلان کردیا جائے گا۔ چیرمین پی سی بی کے مطابق ویسٹ انڈیز کی ٹیم بھی نومبر میں پاکستان آئے گی اور مہمان ٹیم 3 ٹی ٹوئنٹی میچز کی سیریز کھیلے گی۔چیرمین پی سی بی نے کہا کہ کراچی اور لاہور کی بحث میں نہ پڑیں، جو لوگ پاکستان آرہے ہیں انہیں آنے دیں، خواہش ہے کہ پی ایس ایل کے لئے لاہور کے بعد کراچی جائیں اور اس سلسلے میں کراچی جاؤں گا جہاں وزیراعلیٰ، کورکمانڈر اور ڈی جی رینجرز سے ملاقات ہوگی۔نجم سیٹھی کے مطابق پاکستان میں انٹرنیشنل کرکٹ کے لیے مثبت جواب مل رہا ہے اور سری لنکا کی ٹیم نے پاکستان آنے کی خواہش کا اظہار کیا تھا۔چیرمین پی سی بی کا کہنا ہے کہ نومبرکے شروع میں ڈومیسٹک ٹی 20 کا انعقاد ہوگا۔نجم سیٹھی کا کہنا تھا کہ ویسٹ انڈین کرکٹ بورڈ اور سی پی ایل سے بات ہوچکی ہے وہ دورہ پاکستان پر خوش ہیں۔چیرمین پی سی بی نے کہا کہ پاکستان سپر لیگ اور انٹرنیشنل کرکٹ کو پاکستان لانا ہدف تھا جب کہ سری لنکا کو دورہ پاکستان کے لئے منانا بہت مشکل تھا لیکن لنکن بورڈ نے دلیری کے ساتھ فیصلہ کیا کہ وہ پاکستان آئیں گے

Leave a Reply

Your email address will not be published.