صبا قمر کے بعد نمرا خان بھی’’’باغی‘‘ بن گئیں

لاہور جدت ویب ڈیسک پاکستانی اداکارہ نمرا خان بھی صبا قمر کے ڈرامے ’باغی‘ کی کاسٹ کا حصہ بن گئیں۔اداکارہ نمرا خان ’باغی‘ ڈرامے میں صبا قمر، عثمان خالد بٹ، سرمد کھوسٹ اور علی کاظمی کے ساتھ کام کرتی نظر آئیں گی۔وہ آخری مرتبہ یاسر نواز کی فلم ’مہرالنسائ وی لب یو‘ میں کام کرتی نظر آئیں تھی۔اپنے ایک انٹرویو میں نمراکا کہنا تھا کہ نینا کاشف نے مجھ سے اس کردار کے لیے رابطہ کیا، وہ مجھے صبا کے ساتھ کئی مرتبہ دیکھ چکی ہیں، اس لیے انہوں نے مجھے اس کردار کی آفر کی، کیوں کہ ان کے خیال میں ہم ایک دوسرے سے مشابہت رکھتے ہیں۔اس ڈرامے میں نمرا خان قندیل بلوچ کی چھوٹی بہن کا کردار کرتی نظر آئیں گی۔نمرا خان نے بتایا کہ اس ڈرامے کی زیادہ تر شوٹنگ گاؤں میں ہوئی، ڈرامے میں پنجابی انداز نبھانا ضروری تھا۔’باغی‘ کے علاوہ نمرا خان اس وقت ’الف‘ اور ’انسان‘ نامی ڈراموں میں کام کررہی ہیں۔ان کا قندیل بلوچ کے حوالے سے مزید کہنا تھا کہ ’ہر کوئی قندیل بلوچ کے بارے میں جانتا ہے، لوگ انہیں مزید جانتا چاہتے ہیں، وہ کون تھیں اور انہیں کیوں مارا گیا۔’’باغی‘‘ کی ریلیز تاریخ کا تو اب تک اعلان نہیں کیا گیا تاہم نمرا خان کے مطابق یہ جلد نشر کیا جائے گا۔

Leave a Reply

Your email address will not be published.