تحریک انصاف کی رہنما ناز بلوچ پیپلزپارٹی میں شامل

کراچی جدت ویب ڈیسک پاکستان تحریک انصاف کی رہنما ناز بلوچ پاکستان پیپلزپارٹی میں شامل ہوگئی ہیں۔ اتوار کو وزیراعلیٰ سندھ مراد علی شاہ، فریال تالپور سمیت دیگر رہنماؤں کے ہمراہ پی پی میڈیا سیل میں پریس کانفرنس کے دوران پاکستان تحریک انصاف کی رہنما ناز بلوچ نے پاکستان پیپلزپارٹی میں باقاعدہ شمولیت کا اعلان کیا۔پریس کانفرنس کے دوران ناز بلوچ کا کہنا تھا کہ ایسا محسوس ہورہا ہے کہ اپنے گھر واپس آگئی ہوں، سندھ میں پی ٹی آئی کا ورکر پارٹی چھوڑرہا ہے، عمران خان کی سندھ اور کراچی پر کوئی توجہ نہیں ہے، تحریک انصاف کی ساری توجہ صرف پنجاب پر ہے تاہم میں سندھ کی بیٹی ہوں۔ انہوں نے کہا کہ پی ٹی آئی دھرنے میں میری بہت کوششیں ہیں تاہم تحریک انصاف پر کوئی کیچڑاچھالنا نہیں چاہتی جب کہ تبدیلی کا نعرہ لگاتے لگاتے خود پی ٹی آئی تبدیل ہوگئی۔وزیراعلیٰ سندھ مراد علی شاہ کا کہنا تھا کہ نازبلوچ کو پارٹی میں خوش آمدید کہتے ہیں، انکی شمولیت سے پیپلز پارٹی مضبوط ہوگی جبکہ ناز بلوچ اور میرے والد ایک ساتھ اسمبلی میں تھے۔ انہوں نے کہا کہ پی ایس114 میں پیپلز پارٹی نے کامیابی حاصل کی ہے جبکہ آئندہ انتخابات میں ہم کراچی میں بھی اکثریت حاصل کریں گے۔ ایک سوال پر ناز بلوچ نے الزام لگایا کہ تحریک انصاف میں خواتین کی رائے کو اہمیت نہیں دی جاتی۔انہوں نے اپنے والد عبداللہ بلوچ اور ذوالفقار علی بھٹو کی کئی سالہ سیاسی رفاقت کا حوالہ دیتے ہوئے کہا کہ بلاول بھٹو زرداری نوجوانوں کی صحیح ترجمانی کررہے ہیں ¾ وہ اپنی والدہ کے قتل کے باوجود ملک واپس آئے اور پارٹی کی قیادت سنبھالی۔

Leave a Reply

Your email address will not be published.