پریس ڈے پر صحافیوں کےلئے فلیٹس کا تحفہ

باکو جدت ویب ڈیسک آذربائیجان میں منائے جانے والے نیشنل پریس ڈے کے موقع پر حکومت نے 255 صحافیوں کو ان کی خدمات کے صلے میں فلیٹس دیے ہیں۔برطانوی نشریاتی ادارے کے مطابق 1875 میں اسی روز آذربائیجانی زبان کا پہلا اخبار آکنجا شائع ہوا تھا۔رپورٹ کے مطابق آذربائیجان کے سابق صدر حیدر آلیا نے نیشنل پریس ڈے 2010 میں منانا شروع کیا تھا۔ رواں سال ان کے بیٹے اور موجودہ صدر الہم آلیا نے اس دن صحافیوں کو مفت فلیٹس دینے، پریس کے فروغ کے لیے مالی معاونت اور مزید صحافیوں کے لیے فلیٹس بنانے کے لیے رقم کا اعلان کیا۔ایک تقریب میں خطاب کرتے ہوئے ان کا کہنا تھا کہ آذربائیجان میں اظہار رائے کی آزادی کا پورا خیال رکھا جاتا ہے اور میڈیا پر کسی قسم کی پابندی نہیں ہے۔دوسری جانب امریکہ میں قائم میڈیا کے لیے کام کرنے والی تنظیم فریڈم ہاوس کے خیالات کچھ اس کے منافی ہیں، اس تنظیم کا کہنا تھا کہ آذربائیجان میں میڈیا آزاد نہیں ہے۔واضح رہے کہ آذربائیجان میں ایک کمرے کے فلیٹ کی قیمت 50 ہزار ڈالر ہے اوریہ پہلی بار نہیں ہے کہ صحافیوں کو نوازا گیا ہے۔ حکومت نے صحافیوں کے لیے فلیٹس کا اعلان پہلی بار 2013 میں کیا تھا۔

Leave a Reply

Your email address will not be published.