گورنر سندھ عمران اسماعیل کی مزار قائد پر حاضری

کراچی جدت ویب ڈیسک ::گورنر سندھ عمران اسماعیل کا کہنا ہے کہ صوبے کی ترقی اور خوشحالی کے لیے تمام تر اقدامات کروں گا,گورنر سندھ عمران اسماعیل کی مزار قائد پر حاضری ، دعا اور فاتحہ خوانی کی گئیمیڈیا سے بات کرتے کہا کہ ملک کی بہتری کے لیے سب کو ساتھ لے کر چلوں گا ، کراچی کو امن کا گہوارہ اور روشنی کا شہر بنائیں گے   ۔تفصیلات کے مطابق گورنر سندھ عمران اسماعیل نے مزار قائد پرحاضری دی، پھولوں کی چادر چڑھائی اور فاتحہ خوانی کی۔مزار قائد پرحاضری کے بعد میڈیا سے گفتگو کرتے ہوئے گورنرسندھ عمران اسماعیل نے کہا کہ سب سے پہلےحل طلب مسئلہ پانی کا ہے۔گورنرسندھ کا کہنا تھا کہ پانی کے مسئلے پروزیراعظم سے بھی بات ہوئی ہے، گرین لائن و دیگر رکے ہوئے میگا پروجیکٹ کو دوبارہ شروع کریں گے۔عمران اسماعیل کا یہ بھی کہنا تھا کہ صوبے کی ترقی اور خوشحالی کے لیے تمام تر اقدامات کروں گا، صوبے کے وسیع تر مفاد میں تمام جماعتوں کوساتھ لے کرچلوں گا۔گورنرسندھ کا مزید کہنا تھا کہ قائد اوراقبال کے خواب کی تعبیرکے لیے کام کریں گے۔  یاد رہے کہ گزشتہ روز پاکستان تحریک انصاف کے رہنما عمران اسماعیل نے بطور گورنرسندھ عہدے کا حلف اٹھایا تھا۔

Leave a Reply

Your email address will not be published.