جی ایچ کیو میں یومِ دفاع کی مرکزی تقریب کے مہمان خصوصی وزیراعظم ہونگے, وزیر اطلاعات فواد چوہدری

اسلام آباد جدت ویب ڈیسک :::سماجی رابطے کی سائٹ ٹوئٹر پر اپنے بیان میں وزیر اطلاعات فواد چوہدری نےبتایا کہ وزیراعظم عمران خان پاک فوج کے ہیڈ کوارٹر (جی ایچ کیو) میں یوم دفاع کی مرکزی تقریب میں بطور مہمان خصوصی شریک ہوں گے۔فواد چوہدری نے اپنی ٹوئٹ میں یوم دفاع کا عنوان ’ہمیں پیار ہے پاکستان سے‘ بھی تحریر کیا۔ وفاقی وزیر اطلاعات فواد چوہدری کے مطابق وزیراعظم عمران خان یوم دفاع کے حوالے سے جی ایچ کیو میں ہونے والی مرکزی تقریب میں شرکت کریں گے۔  واضح رہے کہ اس بار پاک فوج کی جانب سے یوم دفاع ’ ہمیں پیار ہے پاکستان سے‘ کے عنوان سے منایا جارہا ہے اور اس سلسلے میں آرمی چیف جنرل قمر جاوید باجوہ نے کورکمانڈرز کانفرنس کے دوران فیلڈ فارمیشنز کو شہدا کے لواحقین کے پاس ان کے علاقوں تک پہنچنے اور انہیں زبردست خراج تحسین پیش کرنے کی ہدایت کی ہے۔

Leave a Reply

Your email address will not be published.