ہندوستان مسلمانوں کا ملک نہیں ،گڈو راجپوت

نئی دہلی جدت ویب ڈیسک مقبوضہ کشمیر میں امرناتھ یاتریوں پر حملے کے بعد انتہائ پسند ہندو مسلمانوں کیخلاف سخت بیان بازی کا سلسلہ جاری رکھے ہوئے ہیں۔ اب بھارتیہ جنتا پارٹی âبی جے پیá کے ایک ممبر اسمبلی گڈو راجپوت نے مسلمانوں کیخلاف ایک نفرت انگیز ویڈیو بیان دیا ہے جس میں انہوں نے اس تمام واقعے کا ذمہ دار مسلمانوں کو قرار دیتے انھیں ہندوستان سے نکالنے کی دھمکی دیدی ہے۔بی جے پی کے ممبر اسمبلی برج بھوشن عرف گڈو راجپوت نے فیس بک لائیو ویڈیو کے ذریعے اپنے متنازع بیان میں کہا کہ ہندوستان مسلمانوں کا ملک نہیں ہے۔ اگر 100 کروڑ ہندو اکھٹے ہو گئے تو 20 کروڑ مسلمانوں کو ملک سے بھگا دیں گے۔ انہوں نے اپنے مطالبات میں کہا کہ مسلمانوں کو ناصرف حج پر جانے سے روکا جائے بلکہ حج سبسڈی بھی ختم ہونی چاہیے۔ اس کے علاوہ ان کی ریزرویشن کو بھی ختم کیا جائے کیونکہ مسلمان اب اقلیت میں نہیں ہیں، مگر انہیں ریزرویشن کا فائدہ مل رہا ہے۔ بی جے پی کے لیڈر کا کہنا تھا کہ ہندوستان میں رام مندر ضرور بن کر رہے گا۔ اگر مسلمانوں نے مندر بنانے میں رکاوٹ پیدا کی تو ہم انھیں بھی مکہ اور مدینہ نہیں جانے دیں گے۔

Leave a Reply

Your email address will not be published.