Arifa Siddiqui Mother Passed Away
Arifa Siddiqui Mother Passed Away

معروف اداکارہ عارفہ صدیقی کی والدہ طلعت صدیقی انتقال کرگئیں

کراچی:جدت ویب ڈیسک: پاکستان کی معروف اداکارہ و گلوکارہ عارفہ صدیقی کی والدہ طلعت صدیقی انتقال کرگئیں۔ اداکارہ طلعت صدیقی پاکستان کی معروف گلوکارہ فریحہ پرویز کی خالہ اور اداکارہ عارفہ صدیقی کی والدہ تھیں۔

فریحہ پرویز نے فیس بک پر طلعت صدیقی کے انتقال کی افسوسناک خبر شیئر کرتے ہوئے بتایا ”میری خالہ طلعت صدیقی صاحبہ آج انتقال کرگئیں، اللہ انہیں جنت الفردوس میں اعلیٰ مقام عطا کرے۔

“اداکارہ طلعت صدیقی پاکستانی فلموں کے سنہرے دور کی ایک ناقابل فراموش اداکارہ تھیں جو اپنی پروقار شخصیت، دھیمے لہجے اور مخصوص آواز کے لیے الگ پہچان رکھتی تھیں۔ طلعت صدیقی نے اپنے کیریئر کا آغاز ریڈیو پاکستان کراچی سے کیا تھا۔

ان کی پہلی فلم ”ہمیں بھی جینے دو“(1963) تھی جس میں بطور گلوکارہ متعارف ہوئیں۔ جب کہ بطور اداکارہ پہلی فلم ”میخانہ“(1964) تھی۔ طلعت صدیقی نے 70 کے قریب فلموں میں کام کیا لیکن کسی فلم میں وہ روایتی ہیروئن کے طور پر نظر نہیں آئیں۔

Leave a Reply

Your email address will not be published.