کراچی میں دہشت گردی کا خدشہ‘الرٹ جاری

کراچی جدت ویب ڈیسک قانون نافذ کرنے والے اداروں نے کراچی قائم جیلوں،حساس مقامات و تنصیبات اور سرکاری اداروں میں کالعدم تحریک طالبان پاکستان کی جانب سے ایک بڑی دہشت گردی کی منصبوبہ بندی کا خدشہ ظاہرکیاہے۔جس کے باعث سیکیورٹی اداروں کو مذکورہ حساس مقامات پر سیکیورٹی سخت کرنے کی سفارش کی گئی ہیں۔ قانون نافذ کرنے والے اداروں نے کراچی پولیس اور سیکیورٹی اداروں کو ایک خط ارسال کیا ہے جس میں خدشہ ظاہر کیا گیا ہے کہ سینٹرل جیل سے فرار ہونے والے کالعدم تنظیم کے دو خطرناک دہشتگردوں کے فرار ہونے کے بعد کالعدم تحریک طالبان پاکستان کے دہشتگردوں نے کراچی میں قائم جیلوں میں حملے کرنے کا ارادہ رکھتی ہے اور دہشتگردی پھیلانے کے لیے 3دہشتگردوں کو تیار کیا گیا ہے جبکہ یہ بھی خدشہ ظاہر کیا جارہا ہے کہ دہشتگرد باردو سے بھری گاڑی کے ذریعے حساس مقامات و تنصیبات اور سرکاری دفاتر پر بھی حملہ کرسکتے ہیں۔قانون نافذ کرنے والے اداروں نے پولیس اور سیکیورٹی اداروں سے سفارش کی ہے وہ مذکورہ مقامات پر سیکیورٹی سخت اور پیٹرولنگ میں اضافہ کریں تاکہ دہشت گرد اپنے ہدف میں کامیاب نہیں ہوسکیں۔

Leave a Reply

Your email address will not be published.