کراچی میں بڑے بیوٹی پارلر زخواتین کی کھال اتارنے لگے

کراچی جدت ویب ڈیسک شہر کراچی میں چلنے والے بڑے بڑے بیوٹی پارلر عام صارف کی کھال اتارنے میں مصروف‘ ناقص میٹریل کے استعمال کی وجہ سے شکایت روز کا معمول بن گئی‘ دلہن میک اپ کے نام پر سفید پوش طبقے سے لاکھوں روپے کی لوٹ مار‘ ٹیکس نادہندہ ہونے کے باوجود انکم ٹیکس کی خاموشی معنی خیز‘ تفصیلات کے مطابق کراچی میں چلنے والے بڑے بیوٹی پارلر جن میں کاشی بیوٹی پارلر طارق روڈ‘ بھابھیز بیوٹی پارلر‘ ماہ روز بیوٹی پارلر‘ نجلاس بیوٹی پارلر‘ اے وان بیوٹی پارلر اور شگفتہ اعجاز بیوٹی پارلر سے متعلق ایک سروے میں یہ بات سامنے آئی ہے کہ مذکورہ بیوٹی پارلر میں عام صارف اور سفید پوش طبقے کو لوٹنے کا سلسلہ جاری ہے‘ یومیہ لاکھوں روپے بٹورنے والے یہ بیوٹی پارلر ٹیکس کی چوری میں بھی ملوث ہیں‘ کم آمدن ظاہر کرکے انکم ٹیکس آفیسرز کے ساتھ ملی بھگت کرکے قومی خزانے کو نقصان پہنچانے کے مرتکب بھی پائے گئے ہیں‘ ناقص میٹریل کے استعمال کی وجہ سے صارف اس بات کی شکایت کررہے ہیں کہ ان بیوٹی پارلرز میں جانے کے بعد چہرے کے جلدی امراض ‘ بال خوراور عورتوں میں گنج پن کی بیماریوں نے جنم لینا شروع کردیا ہے‘ بہتر امیج دکھانے کے لئے صرف پارلر میں شو شا کرکے اور متوسط طبقے کو متاثر کرکے ان سے میک اپ پیکج کے نام پر بھاری رقوم وصول کی جارہی ہیں‘ محکمہ ہیلتھ کی غفلت اور ملی بھگت کی وجہ سے ان پارلرز میں دیسی کریموں اور دیسی ٹریٹمنٹ کا استعمال عام سے بات ہوکر رہ گئی ہے‘ وقتی طور پر افادہ پانے والے صارف بعد میں مہلق بیماریوں کا شکار ہورہے ہیں‘ مشہور و معروف بیوٹی پارلروں میں انکم ٹیکس افسران سے بھی تعلقات بنا رکھے ہیں اور اپنی کوتاہیوں اور غلطیوں کو چھپانے میں کسی حد تک کامیاب ہوچکے ہیں‘ ایک اندازے کے مطابق بڑے بڑے نام رکھنے والے یہ بیوٹی پارلر حکومت پاکستان کو ٹیک کی مد میں کروڑوں روپے کا چونا لگا رہے ہیں‘ عام صارف کی شکایت کے مطابق ماہ روز بیوٹی پارلر‘ کاشی بیوٹی پارلر‘ بھابھیز بیوٹی پارلر‘ نجلاز بیوٹی پارلر‘ ایوان بیوٹی پارلر اور شگفتہ اعجاز بیوٹی پارلر کو فوری طور پر بند کرکے محکمہ ہیلتھ کے ملوث عملے اور انکم ٹیکس کے ملوث افسران کے خلاف سخت ترین کارروائی کا مطالبہ کیا ہے۔

Leave a Reply

Your email address will not be published.