Abhijeet Shinde Suicide

کئی بالی وڈ اسٹارز کے ساتھ جلوہ گر ہونے والے ڈانسر نے خودکشی کرلی

ممبئی جدت ویب ڈیسک :بالی وڈ کے مشہور ریپر اور ڈانسر ابھیجیت شندے نے گلے میں پھندا ڈال کر خود کشی کرلی۔بھارتی میڈیا رپورٹس کے مطابق ڈانسر ابھیجیت شندے ممبئی میں رہائش پذیر تھے جہاں انہوں نے اپنے گھر میں پنکھے سے لٹک کر زندگی کا خاتمہ کیا۔پولیس کے مطابق لاش کے پاس سے ایک خط بھی ملا ہے جس میں ڈانسر نے بینک اکاؤنٹس بیٹی کے نام منتقل کرنے کا کہا ہے۔پولیس کے مطابق ڈانسر گھریلو معاملات کی وجہ سے ذہنی تناؤ کا شکار تھا جبکہ اہلیہ سے علیحدگی کے بعد متعدد بار بیٹی سے ملنے کی کوشش بھی کی تھی جس میں انہیں ناکامی کا سامنا کرنا پڑا تھا۔پولیس نے ابھیجیت شندے کی خودکشی کی وجوہات کے تعین کے لیے تحقیقات شروع کردی ہیں۔دوسری جانب ابھیجیت کی اہلیہ کا کہنا تھا کہ وہ ڈپریشن کا شکار رہتے تھے۔ابھیجیت شندے مشہور ڈانسر اور ریپر تھے جنہوں نے بالی وڈ کے صف اول کے اداکاروں کے ساتھ فلموں میں کام کیا جس میں اجے دیوگن، رنبیر کپور، رنویر سنگھ سمیت کئی شامل ہیں

Leave a Reply

Your email address will not be published.