Tom Cruise

ٹام کروز بدترین اداکارہ کا گولڈن ریسبیری ایوارڈ لے اڑے

لاس اینجلس جدت ویب ڈیسک :ہولی وڈ اداکار گیری اولڈ مین ’بہترین اداکار‘ بن کر فلمی دنیا کا اعلیٰ ترین ایوارڈ آسکر جیتنے میں کامیاب ہوگئے، وہیں ایکشن ہیرو ٹام کروز بدترین اداکار کا گولڈن ریسبیری ایوارڈ لے اڑے۔ امریکا میں ہر سال ہونے والے ’گولڈن ریسبیری ایوارڈز‘ تقریب میں ایکشن ہیرو ٹام کروز نے سب کو پیچھے چھوڑتے ہوئے بدترین اداکار کا ایوارڈ اپنے نام کرلیا۔اس ایوارڈ میں زیادہ تر ان فلموں کو نامزد کیا جاتا ہے، جنہیں آسکر اکیڈمی نظر انداز کردیتی ہے، تاہم آسکر کے لیے نامزد فلموں کو بھی نامزد کیا جاتا ہے۔38 ویں گولڈن ریسبیری ایوارڈز کی نامزدگیوں کا اعلان 27 جنوری 2018 کو کیا گیا تھا، جب کہ تقریب کا انعقاد 3 مارچ کو امریکا میں کیا گیا۔ٹام کروز نے گزشتہ برس ریلیز ہونے والی اپنی فلم ’دی ممی‘ میں اداکاری دکھانے پر ’بدترین اداکار‘ کا ایوارڈ اپنے نام کیا۔بولی وڈ پگی چوپس کی فلم ’بے واچ‘ بدترین فلم بننے سے بال بال بچ گئی اور ’بدترین فلم‘ کا ایوارڈ ’دی ایموجی مووی‘ لے اڑی۔اس سے زیادہ حیرانی کی بات یہ ہے کہ گولڈن ریسبیری اکیڈمی نے ’بدترین اداکارہ‘ کا ایوارڈ بھی مرد اداکار ٹائلر پیری کو دیا۔اس میں حیرانگی کی کوئی بات نہیں کیوں کہ ٹائلر پیری کو 2017 میں ریلیز ہونے والی ان کی فلم ’بو 2: اے میڈا ہیلووین‘ میں ایک عورت کا کردار ادا کرنے پر دیا گیا۔

Leave a Reply

Your email address will not be published.