Maryam Nawaz

ن لیگ کے نئے صدر کا فیصلہ ہوگیا، قرعہ فال کس کے نام نکلا‘ جانئے

اسلام آباد جدت ویب ڈیسک مسلم لیگ ن نے وزیراعلیٰ پنجاب میاں شہبازشریف کو پارٹی صدر بنانے کیلئے ہوم ورک مکمل کرلیا ہے۔سابق وزیراعظم میاں نوازشریف نے میاں شہبازشریف کو پارٹی صدر بنانے کیلئے اپنی اہلیہ کلثوم نواز اور صاحبزادی مرےم نواز کو بھی اعتماد میں لے لیا۔میاں شہبازشریف کو پارٹی صدر بنانے کے لئے کل بروز منگل باضابطہ اعلان کرنے کا فیصلہ بھی کرلیا گیا۔مصدقہ ذرائع کے مطابق میاں نوازشریف مسلم لیگ ن کی سربراہی کیلئے میاں شہبازشریف کا نام حتمی کرانے میں کامیاب ہوگئے ہیں۔میاں نوازشریف کو اس سلسلے میں سب سے زیادہ اپنی صاحبزادی مریم نواز کی طرف سے مزاحمت کا سامنا تھا لیکن میاں نوازشریف نے نہ صرف مریم نواز کو راضی کرلیا ہے بلکہ اپنی اہلیہ محترمہ کلثوم نواز شریف کو بھی قائل کرلیا ہے۔میاں نوازشریف نے وزیراعلیٰ پنجاب میاں شہبازشریف کو پارٹی سربراہ بنانے کیلئے پارٹی کے سینئر رہنماؤں سے مشاورت کی تھی۔زیادہ تر سینئر رہنماؤں کا مشورہ یہی تھا کہ پارٹی کو ٹوٹ پھوٹ سے بچانے کیلئے میاں شہبازشریف کو پارٹی صدر نامزد کردیا جائے تاکہ مسلم لیگ ن کے اندر چوہدری نثار علی خان کی شکل میں پیدا ہونے والی بغاوت کو دبایا جاسکے۔ذرائع کا کہنا ہے کہ میاں نوازشریف نے اپنے چھوٹے بھائی کی نامزدگی کے ذریعے کئی مسائل سے چھٹکارا حاصل کرنے کی ترغیب کی ہے۔میاں نوازشریف اور پارٹی کے سینئر رہنماؤں کو خدشہ ہے کہ میاں شہبازشریف ایل ڈی اے کرپشن کیس کی نظر ہونے والے ہیں اس لئے انکو پارٹی صدربنا کر پارٹی میںموجود ان لوگوں کا منہ بند کردیا جائے جو طویل عرصہ سے میاں شہبازشریف کیلئے لابنگ کرتے رہے ہیں۔ایل ڈی اے کرپشن کی زد میں آنے کے بعد میاں شہباز شریف سے از خود ہی جان چھوٹ جائے گی اور مریم نواز کے راستے کا آخری کانٹا بھی صاف ہوجائے گا۔ذرائع کے مطابق مسلم لیگن بروز منگل27 فروری کو میاں شہبازشریف کو پارٹی کا سربراہ بنانے کا اعلان کرنے کا ارادہ رکھتی ہے،اس سلسلے میں تمام ہوم ورک مکمل کرلیا گیا ہے۔

Leave a Reply

Your email address will not be published.