#MahmoodQureshi #PalestinianAmbassador #AhmedJawadAmin

نہتے فلسطینیوں پر اسرائیلی جارحیت کی شدید مذمت کرتے ہیں:محمود قریشی

اسلام آباد:جدت ویب ڈیسک: وزیر خارجہ شاہ محمود قریشی سے فلسطینی سفیر احمد جواد امین نے ملاقات کی، دونوں رہنماں نے فلسطین میں امن و امان کی بگڑتی ہوئی صورتحال پر تبادلہ خیال کیا۔
فلسطینی سفیر نے مشکل گھڑی میں پاکستان کی بھرپور حمایت اور اظہار یکجہتی پر وزیر خارجہ شاہ محمود قریشی کا شکریہ کیا۔ فلسطینی سفیر نے فلسطین میں جاری جارحیت کے خاتمے کیلئے وزیراعظم عمران خان کی کاوشوں کی تعریف کی۔ احمد جواد امین نے کشیدگی میں کمی کیلئے عمران خان اور شاہ محمود قریشی کی سفارتی کاوشوں کو سراہا۔شاہ محمود قریشی نے معصوم فلسطینیوں کی شہادتوں پر فلسطینی سفیر سے تعزیت کا اظہار کیا۔ اس موقع پر وزیر خارجہ کا کہنا تھا کہ نہتے فلسطینیوں پر اسرائیلی جارحیت کی شدید مذمت کرتے ہیں۔ اسرائیلی بربریت رکوانے کیلئے اہم مسلم ممالک اور عالمی برادری سے رابطے جاری ہیں۔ وزیراعظم نے فلسطینی صدر محمود عباس اور میں نے فلسطینی ہم منصب سے رابطہ کیا۔وزیراعظم اور میں نے حق خود ارادیت کی جدوجہد میں پاکستان کی مکمل حمایت کا یقین دلایا۔

 

 

Leave a Reply

Your email address will not be published.