موبائل کمپنی نے اسمارٹ فونز کی نئی سیریز متعارف کروا دی

کراچی جدت ویب ڈیسک VIVOموبائل کمپنی نے ایک رنگا رنگ تقریب کے دوران اپنے اسمارٹ فونز کی نئی سیریز V5s, Y53, Y55s پاکستانی صارفین کے لئے متعارف کروا دی۔ اس تعارفی تقریب میں موبائل بزنس سے وابستہ کراچی کے تمام ڈسٹری بیوٹرز کے علاوہ دیگر بزنس کمیونیٹی، حکومتی نمائندوں اور شوبز سے وابستہ لوگوں نے کثیر تعداد میں شرکت کی لانچ تقریب سے کمپنی کے سی ای او میسن گائو نے خطاب کرتے ہوئے کہا کہ پاکستان میں موبائل انڈسٹری کافی فروغ پا چکی ہے اب ترقی یافتہ ممالک میں آنے والی نئی سے نئی ٹیکنالوجی بیک وقت پاکستان میں بھی دستیاب ہوتی ہے۔ پاکستانی مارکیٹ کافی وسیع ہے ان کے علاوہ اسسٹنٹ سی ای او فیصل میمن نے بھی خطاب کیا تقریب میں رنگا رنگ فیشن شو کے دوران خوبصورت ماڈلز نے متعارف ہونے والے اسمارٹ فونز کے ہمراہ کیٹ واک کی اور تقریب کے آخر میں پاکستان کے مشہو میوزک بینڈ نے اپنے فن کا مظاہرہ بھی کیا۔

Leave a Reply

Your email address will not be published.