حسن علی نے اپنا اگلا ٹارگٹ بتادیا‘مگر کون۔۔۔جانئے

گوجرانوالہ جدت ویب ڈیسک قومی ٹیم کے نوجوان فاسٹ بولر حسن علی نے کہا ہے کہ ان کا اگلا ٹارگٹ ورلڈکپ کا نمبر ون بولر بننا ہے۔آئی سی سی چیمپئنز ٹرافی سے شہرت حاصل کرنے والے قومی ٹیم کے نوجوان بولر حسن علی نے سری لنکا کے خلاف سیریز میں بھی بہترین کارکردگی دکھائی اور شائقین کا دل جیتا۔سری لنکا سے ون ڈے اور ٹی ٹوئنٹی سیریز میں شاندار فتح کے بعد قومی ٹیم کے نوجوان فاسٹ بولر حسن علی جب اپنے گھر گوجرانوالہ پہنچے تو اہل علاقہ اور دوستوں نے ان کا شاندار استقبال کیا اور کیک کھلایا۔اس موقع پر حسن علی کا کہنا تھا کہ مشکل وقت میں ساتھ دینے پر سری لنکن ٹیم کا شکریہ ادا کرتے ہیں۔انہوں نے کہا کہ ورلڈ کپ جیت کر پاکستان لانا چاہتا ہوں اور اب اگلا ٹارگٹ ورلڈکپ کا نمبر ون بولر بننا ہے۔واضح رہے کہ حسن علی آئی سی سی کی ون ڈے رینکنگ میں بولرز کی فہرست میں پہلے نمبر پر ہیں۔

Leave a Reply

Your email address will not be published.