Ben stokes Cricketer England

بھارت کےخلاف کامیابی کےلئے حکمت عملی تیار کر لی ہے‘اسٹوکس

لندن جدت ویب ڈیسک : انگلش ٹیم کے مایہ ناز آل رائونڈر بین سٹوکس نے کہا ہے کہ بھارت کے خلاف چوتھے میچ میں کامیابی کے لئے حکمت عملی تیار کرلی ہے۔ انہوں نے کہا کہ ٹیم مکمل طور پر متحد ہے اور مہمان ٹیم کے خلاف میدان میں اترنے کو تیار ہے۔ انہوں نے کہا کہ ہار جیت کھیل کا حصہ ہوتا ہے، بھارت ہاتھوں تیسرے ٹیسٹ میچ میں شکست کے باوجود ٹیم کے حوصلے پست نہیں ہوئے، بھارتی ٹیم نے ہم سے اچھا کھیل پیش کرتے ہوئے کامیابی حاصل کی تھی۔انہوں نے کہا کہ بھارت کو چوتھے میچ میں شکست دیکر نہ صرف میچ میں کامیابی حاصل کرینگے بلکہ سیریز 3-1 سے اپنے نام کرینگے۔ انہوں نے کہا کہ حریف ٹیم کے خلاف تیسرے میچ میں ہونے والی غلطیوں پر قابو پاتے ہوئے کامیابی حاصل کرینگے۔ انگلینڈ اور بھارت کے درمیان چوتھا ٹیسٹ âآجá جمعرات سے شروع ہو گا اور میزبان ٹیم کو پانچ میچوں کی سیریز میں 2-1 کی برتری حاصل ہے۔ انہوں نے کہا کہ تیسرے میچ میں شکست سے ٹیم کے حوصلے پست نہیں ہوئے، ٹیم نے مہمان ٹیم کے خلاف چوتھے میچ کے لئے حکمت عملی تیار کر لی ہے اور میچ کے لئے میدان میں اترنے کو بے تاب ہے۔

Leave a Reply

Your email address will not be published.