Russia and Taliban Dialogue Canceled

افغا نستا ن کی در خواست پرروس طالبان مذاکرات ملتوی

ماسکو\کابل جدت ویب ڈیسک :روس حکومت نے افغانستان کی در خواست پر طالبان کےساتھ مذاکرات ملتوی کر دیئے ہیں،مذاکرات میں افغان طالبان نے شرکت کی یقین دہانی کرائی تھی جبکہ امریکا اور افغان حکومت نے ان مذاکرات کو مسترد کر دیا تھا۔منگل کے روز ترجمان روسی محکمہ خارجہ کی جانب سے جاری کردہ بیان میں کہا گیا کہ مذاکرات کالتواءکابل کی در خواست پرکیا گیااور دونوں جانب سے اتفاق کیا گیا کہ اگلے ماہ کی چار تاریخ کو ہونے والے طالبان کے ساتھ کثیر الملکی امن مذاکرات کو فی الحال ملتوی کر دیا جائے، امن مذاکرات کیلئے مشترکہ طور پر اقدامات کئے جائیں گے۔بیان کے مطابق مذاکرات کا التوائ افغان صدر اشرف غنی کی درخواست پر کیا گیا ، ان مذاکرات کے لیے 12ممالک کو مدعو کیا گیا تھا،جس میں افغان طالبان نے 4ستمبر کو ہونے والے ان مذاکرات میں شرکت کی حامی بھرلی تھی۔طالبان کے تر جمان ذبیح اللہ نے اس کی تصدیق کرتے ہو ئے کہا تھا کہ ہم امن مذاکرات میں شرکت کریں گے اور افغان حکومت کی جانب سے ان مذاکرات میں شرکت کی صورت میں افغان حکومت کے نمائندوں سےبل مشافہ بات چیت نہیں کی جائے گی۔واضح رہے کہ ایک امریکی وفدنے جس میں جنوبی ایشیا کےاہم سفارت کار بھی شامل تھےقطر کے شہر دوحا میں خاموشی سے افغان طالبان کے رہنمائوں سے ملاقات کی تھی جس میں افغان طالبان نے جنگ کے خاتمے کیلئے امریکاسے مذاکرات پر آمادگی کا اظہار کیا تھا تاہم انہوں نے افغان حکومت سے کسی قسم کی بات چیت یا مذاکرات سے انکار کرتے ہو ئے کہاتھاکہ غیر قانونی اور ناجائز حکومت کو مذاکرات یا بات چیت کا اختیار نہیں۔

Leave a Reply

Your email address will not be published.