آئل مارکیٹنگ کمپنیوں کی فروخت میں9 فیصد اضافہ

اسلام آباد جدت ویب ڈیسک گذشتہ مالی سال 2016-17ئ کے دوران آئل مارکیٹنگ کمپنیوں âاو ایم سیزá کی فروخت میں 9 فیصد کا اضافہ ہوا اور دوران سال او ایم سیز کی فروخت کا حجم 25.59 ملین ٹن تک پہنچ گیا۔ ملک میں پٹرولیم مصنوعات کی مارکیٹنگ کرنے والی کمپنیوں âاو ایم سیزá کے اعدادوشمار کے مطابق گذشتہ مالی سال کے دوران پٹرول کی فروخت میں سب سے زیادہ اضافہ جبکہ فرنس آئل اور ڈیزل کی مجموعی قومی فروخت بالترتیب دوسرے اور تیسرے نمبر پر رہی ہے۔ رپورٹ کے مطابق رواں مالی سال 2017-18ئ کے آغاز میں ماہ جولائی 2017ئ کے دوران پٹرول، فرنس آئل اور ڈیزل کی فروخت کا حجم 2.2 ملین ٹن ریکارڈ کیا گیا ہے جو گذشتہ مالی سال کے اسی عرصہ کے مقابلہ میں 8.6 فیصد زائد رہا ہے۔ او ایم سیز کی رپورٹ کے مطابق گذشتہ مالی سال کے مقابلہ میں رواں مالی سال کے آغاز پر ماہ جولائی کے دوران پٹرول اور ڈیزل کی فروخت میں بالترتیب 36 فیصد اور 14 فیصد کا اضافہ ریکارڈ کیا گیا ہے۔

Leave a Reply

Your email address will not be published.