’سیپیا‘اعصابی تناؤ کم کرنے والی اسمارٹ شرٹ

October 11, 2019 4:41 pm

جدت ویب ڈیسک ::بارسلونا: اسپین کی ایک فیشن کمپنی نے ’’الٹیمیٹ اسمارٹ شرٹ 3.0‘‘ کے نام سے ایک ذہین قمیض ایجاد کی ہے جس کے بارے میں اس کا دعویٰ ہے کہ یہ اعصابی تناؤ کم کرتی ہے، رگوں میں خون کا بہاؤ بہتر بناتی ہے اور میٹابولزم (استحالہ) میں تیزی لاتے ہوئے، اپنے پہننے والی کی جسمانی توانائی میں بھی اضافہ کرتی ہے۔صحت کےلیے بیش بہا خوبیوں والی اس شرٹ کی قیمت صرف 16,000 ہزار پاکستانی روپے جتنی ہے
’سیپیا‘ نام کی یہ کمپنی کئی سال سے ذہین قمیضیں تیار کررہی ہے جبکہ نئی اسمارٹ شرٹ ان ہی کی تیسری نسل ہے۔ اسی وجہ سے اس کے نام میں 3.0 موجود ہے۔ اس کے دو علیحدہ علیحدہ ڈیزائن ہیں: ایک مردوں کےلیے اور دوسرا خواتین کےلیے۔اس شرٹ کے صحت بخش فوائد کے بارے میں کمپنی کے دعوے صرف میٹابولزم ہی پر ختم نہیں ہوتے بلکہ کمپنی پریس ریلیز میں یہ بھی کہا گیا ہے یہ شرٹ اپنے پہننے والے کی جلد میں تیزابیت کے علاوہ خون میں یورک ایسڈ کی مقدار کو بھی قابو میں رکھتی ہے جو اگر زیادہ ہوجائے تو پٹھوں اور ہڈیوں میں درد کی وجہ بنتا ہے۔
ان تمام خصوصیات کا مجموعی نتیجہ یہ ہے کہ اسے پہننے والے کا اعصابی تناؤ اور تھکن، دونوں کم ہوں گے اور اس کی صحت بہتر رہے گی۔

Image result for sepiia shirts

صحت کےلیے بیش بہا خوبیوں والی اس شرٹ کی قیمت صرف 16,000 ہزار پاکستانی روپے جتنی ہے۔ (فوٹو: سیپیا)

متعلقہ خبریں