موبائل ایپلیکشن ٹک ٹاک کا نیا فیچر متعارف کرانے کا فیصلہ

July 19, 2019 11:50 am

نیویارک: جدت ویب ڈیسک :: سماجی رابطے کی ویڈیو شیئرنگ موبائل ایپلیکشن ٹک ٹاک نے نئے فیچر متعارف کرانے کا فیصلہ کرلیا۔
تفصیلات کے مطابق ٹک ٹاک ایک ایسی موبائل ایپ اور پلیٹ فارم ہے جہاں صارف اپنی ویڈیوز شیئر کرتے ہیں جو مختلف انداز کی ہوتی ہیں، دنیا بھر میں صارفین کی تعداد بڑھتی تعداد کو دیکھتے ہوئے انتظامیہ نے پالیسی میں سختیاں بھی کیں۔ٹک ٹاک استعمال کرنے والا صارف اپنے پسندیدہ گانوں یا جملوں کا انتخاب کر کے صرف ہونٹ ہلا کر اپنی ویڈیو بھی ریکارڈ کرسکتا جبکہ اپنی ویڈیو کے پیچھے ایپ کے ذریعے ہی میوزک ڈال سکتا ہے۔پاکستان میں گزشتہ ایک برس کے دوران ٹک ٹاک کے صارفین کی تعداد میں تیزی سے اضافہ ہوا ، ایک محتاط اندازے کے مطابق ملک بھر میں 80 ہزار سے زائد صارفین یہ ایپ استعمال کررہے ہیں۔ٹک ٹاک انتظامیہ صارفین کو اچھی سہولت فراہم کرنے کے لیے مختلف فیچرز متعارف کراتی ہیں، گزشتہ دنوں ویڈیو دیکھنے والے صارفین کی تعداد کا فیچر متعارف کرایا گیا یعنی اب ویڈیو شیئر کرنے والے کے علاوہ دوسرا صارف بھی views ، کمنٹس کو دیکھ سکتا ہے۔تاہم اب اطلاع یہ سامنے آئی ہے کہ ٹک ٹاک نے اکاؤنٹ سوئچ فیچر پر کام شروع کردیا، یعنی ایپ میں ایک سے زائد آئی ڈی ایڈ ہوگی اور پھر صارف جس سے چاہیے گا ویڈیوز شیئر کرسکے گا۔

متعلقہ خبریں