گھریلو استعمال کی اشیاخریدنے والے صارفین کے لیے خوشخبری،صارفین ایپ کے ذریعے مصنوعی مہنگائی کی شکایت کر سکیں گے

January 28, 2019 3:28 pm

لاہورجدت ویب ڈیسک : : حکومت نے مصنوعی مہنگائی کے خلاف ٹیکنالوجی کے استعمال کا فیصلہ کرتے ہوئے سرکاری قیمتوں کی معلومات کے لیے ایپ متعارف کرادی ،عثمان ڈار کا کہنا ہے کہ صارفین ایپ کے ذریعے مصنوعی مہنگائی کی شکایت کر سکیں گے۔تفصیلات کے مطابق گھریلو استعمال کی اشیاخریدنے والے صارفین کے لیے اچھی خبر آگئی ، حکومت نے مصنوعی مہنگائی کےخلاف ٹیکنالوجی کے استعمال کا فیصلہ کرلیا ہے ، سیالکوٹ میں سرکاری قیمتوں کی معلومات کے لیے ایپ متعارف کرادی گئی ہے۔“قیمت ایپ” کے ذریعے کھانے پینے کی اشیاء کے سرکاری نرخ معلوم کیے جاسکیں گے، ناجائز منافع لینے والے دکانداروں کے خلاف ڈپٹی کمشنر کاروائی کرے گا۔عثمان ڈار کا کہنا ہے کہ سیالکوٹ کے شہریوں کو بڑی سہولت فراہم کر رہے ہیں، صارفین ایپ کے ذریعے مصنوعی مہنگائی کی شکایت جبکہ صارف دکانداروں کے رویے یا اضافی قیمت لینے کی شکایت کر سکیں گے۔
عثمان ڈار کا مزید کہنا تھا ڈپٹی کمشنر کی سربراہی میں خصوصی مانیٹرنگ ٹیم تشکیل دے دی گئی، جدید طریقہ کار کے ذریعے ہیرا پھیری کرنے والا دکاندار ٹریس کیا جا سکے گا۔
انھوں نے کہا ابتدائی طور پرایپ کا استعمال سیالکوٹ سے شروع کیا جا رہا ہے، منصوبہ کامیاب ہو گیا تو صوبے کے دیگر اضلاع میں بھی شروع کیا جا سکے گا۔ واضح رہے یاد رہے کہ نئے مالی سال 2018-19کے ساتویں ماہ ( جنوری 2019 ) کے چوتھے ہفتے میں مہنگائی کی شرح میں 0.31 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.07 فیصد کمی ریکارڈ کی گئی۔یاد رہےچند روز قبل حکومت نے عوام کو ریلیف فراہم کرنے کے لیے اشیائے خردونوش کی قیمتوں کی موثر نگرانی کا اعلان کیا تھا، وفاقی وزیر خسرو بختیارکا کہنا تھا کہ حکومت ذخیرہ اندوزی، منافع خوری کی روک تھام کے لئے پرعزم ہے۔

متعلقہ خبریں