وسیم خان نے اسٹاف کو نکالنے کی غلطی کا اعتراف کر لیا

June 24, 2020 2:21 pm

لاہور: وسیم خان نے اسٹاف کو نکالنے کی غلطی کا اعتراف کر لیا جب کہ پاکستان کرکٹ بورڈ کے چیف ایگزیکٹیو کا کہنا ہے کہ احساس ہوتے ہی ہم نے فیصلہ تبدیل کر لیا۔وسیم خان نے کہا کہ میں اعتراف کرتا ہوں کہ نچلے درجے کے اسٹاف کو نکالنے کا فیصلہ درست نہیں تھا، اسی لیے ہم نے فوری طورپر اسے تبدیل کرتے ہوئے ان کی بہتری کے لیے سپورٹ فنڈز میں رقم دینے کا اعلان کیا۔ انھوں نے کہا کہ ہمارا مقصد پاکستان کرکٹ کی نیک نامی میں اضافہ کرنا ہے، سسٹم کی بہتری کے لیے نئی تقرریاں کیں لیکن انھیں زیادہ تنخواہیں دینے کا تاثر درست نہیں، مجھے یقین ہے کہ جلد اچھے نتائج سامنے آنا شروع ہوجائیں گے، ہم چاہتے ہیں کہ پاکستانی ٹیم ہمیشہ درجہ بندی میں ٹاپ پر رہے، انھوں نے کہا کہ قومی ٹیم کا دورہ انگلینڈ بہت اہم ہے لیکن ہمارے لیے کھلاڑیوں کی حفاظت اولین ترجیح ہوگی، اس سلسلے میں کوئی کوتاہی نہیں کرسکتے، میزبان بورڈ نے پلیئرز اور کوچنگ اسٹاف کے لیے تمام احتیاطی تدابیر اپنانے کی یقین دہانی کرائی ہے۔

متعلقہ خبریں