آسٹریلیا نے نیوزی لینڈ کے خلاف پہلے روز 3 وکٹوں کے نقصان پر 283 رنز بنالئے

Australia vs New Zealand
January 3, 2020 5:03 pm

سڈنی جدت ویب ڈیسک :جدت ویب ڈیسک :آسٹریلیا نے مارنس لبوشین کی ناقابل شکست سنچری اور سٹیون سمتھ کی نصف سنچری کی بدولت نیوزی لینڈ کے خلاف تیسرے اور آخری ٹیسٹ میچ کے پہلے روز اپنی پہلی اننگز میں 3 وکٹوں کے نقصان پر 283 رنز بنالئے، میچ کا مارنس لبوشین ناقابل شکست 130 اور سٹیون سمتھ 63 رنز کے ساتھ نمایاں بلے باز رہے، جو برنز کے جلد آئوٹ ہونے کے بعد ڈیوڈ وارنر 45 رنز بناکر آئوٹ ہوگئے اس کے بعد مارنس لبوشین نے سٹیون سمتھ ٹیم کو سنبھالہ دیا اور کے ملکر تیسری وکٹ پر 156 قیمتی رنز بناکر اپنی ٹیم کی پوزیشن بہتر بنا دی۔میچ کے پہلے روز کیوی بائولرز صرف تین کھلاڑی آئوٹ کر سکے، کولن ڈی گرینڈ ہوم نے دو جبکہ نیل واگنر نے ایک کھلاڑی کو پویلین کی راہ دکھائی۔جمعہ کو سڈنی کے مقام پر دونوں ٹیموں کے درمیان میچ شروع ہوا تو کینگروز ٹیم کے کپتان ٹم پین نے ٹاس جیت کر پہلے بیٹنگ کو ترجیح دی۔ آسٹریلیا کی طرف سے ڈیوڈ وارنر اور جو برنز نے اننگز کا آغاز کیا جو کچھ خاص نہ تھا جو برنز 18 رنز بنائے کولن ڈی گرینڈ ہوم کی گیند پر راس ٹیلر کے ہاتھوں کیچ آئوٹ ہوگئے۔اس کے بعد ڈیوڈ وارنر اور مارنس لبوشین نے محتاط انداز میں بلے بازی کا مظاہرہ کیا اور ٹیم کے مجموعی سکور کر 95 رنز تک پہنچا دیا، اس موقع پر ڈیوڈ وارنر نے 45 رنز بناکر نیل واگنر کی گیند پر کولن ڈی گرینڈہوم کے ہاتھوں کیچ آئوٹ ہوگئے۔ اس کے بعد مارنس لبوشین اور سٹیون سمتھ نے تیسری وکٹ پر 156 رنز کی شراکت داری قائم کر کے ٹیم کی پوزیشن بہتر بنا دی۔اس موقع پر سٹیون سمتھ اپنی نصف سنچری مکمل کرنے کے بعد 63 رنز بناکر کولن ڈی گرینڈہوم کی گیند پر راس ٹیلر کے ہاتھوں کیچ آئوٹ ہوگئے۔ میچ کے پہلے روز جب کھیل ختم ہوا تو آسٹریلوی ٹیم نے اپنی پہلی اننگز میں 3 وکٹوں کے نقصان پر283 رنز بنالئے تھے ۔ مارنس لبوشین 130 اور میتھیو ویڈ 22 رنز کے ساتھ ناٹ آئوٹ تھے۔ نیوزی لینڈ کی طرف سے کولن ڈی گرینڈہوم نے دو اور نیل واگنر نے ایک کھلاڑی کو آئوٹ کیا۔

متعلقہ خبریں