عام انتخابات کےلیے انتخابی نشان میں پہلی مرتبہ انگریزی کے حروف تہجی بھی شامل کرلیے،الیکشن کمیشن

May 16, 2018 1:34 pm

اسلام آباد۔جدت ویب ڈیسک :: الیکشن کمیشن نے عام انتخابات کےلیے انتخابی نشان میں پہلی مرتبہ انگریزی کے حروف تہجی بھی شامل کرلیے۔ عام انتخابات 2018 کے لیے تیاریاں زور و شور سے جاری ہیں اور الیکشن کمیشن کی جانب سےانتظامات کو حتمی شکل دی جارہی ہے۔
الیکشن کمیشن نے انتخابات کے لیے انتخابی نشانات کی فہرست بھی تیار کرلی ہے جس میں سیاسی جماعتوں کے لیے 330 انتخابی نشانات کی فہرست بنائی گئی ہے۔الیکشن کمیشن کا کہنا ہےکہ انتخابی نشانات رکھنے والی سیاسی جماعتوں کو بھی دوبارہ درخواست دینا ہوگی، درخواست میں انتخابی نشان کے لیےترجیح بتانا لازمی ہوگا۔الیکشن کمیشن کے مطابق انتخابی نشانات الاٹ کرنے کی درخواستیں 25 مئی تک طلب کی گئی ہیں۔ الیکشن کمیشن کے مطابق انتخابی نشان میں پہلی مرتبہ انگریزی کے 6 حروف تہجی کو بطور انتخابی نشان شامل کیا گیا ہے جن میں اے، بی، جی، کے، پی اور ایس شامل ہیں۔الیکشن کمیشن کی جانب سے کہا گیا ہےکہ انتخابی نشانات میں چمچ اور جوتا بھی شامل کیے ہیں۔

متعلقہ خبریں