کون کون سے ممالک متاثر ہونگے۔2100 تک سطح سمندر میں 6 فٹ اضافے کا امکان

May 22, 2019 1:08 pm

جدت ویب ڈیسک :واشنگٹن : موسمیاتی تبدیلی متعلق حال ہی میں جاری کی گئی رپورٹ کے مطابق اس صدی کے اختتام تک سمندر کی سطح میں 2 میٹر یا ساڑھے 6 فٹ اضافہ ہوسکتا ہے جس کے نتیجےمیں لاکھوں افراد متاثر ہوں گے۔
حال ہی میں جاری کی گئی یہ رپورٹ اقوام متحدہ کی جانب سے سطح سمندر میں اضافے سے متعلق جاری کیے گئے اندازے سے دگنا ہے۔
خیال رہے کہ گرین لینڈ اور انٹارکٹیکا میں موجود برف کے ٹکڑے دنیا میں سمندر کی سطح کو کئی درجن میٹر تک بڑھاسکتے ہیں، اس کے ساتھ ہی سمندر گرم ہونے سے پانی کے پھیلاؤ کی وجہ سے سطح سمندر میں اضافہ ہورہا ہے۔تاہم کرہ ارض پر درجہ حرارت میں اضافے کی وجہ سے گلیشیئرز کے پگھلنے کی شرح کی پیش گوئی کرنا انتہائی مشکل ہے۔
اقوام متحدہ کے انٹرگورمنٹل پینل آن کلائمٹ چینج ( آئی پی سی سی) نے 2013 ففتھ ایسیسمنٹ رپورٹ میں کہا تھا کہ گرین ہاؤس گیسز کے اخراج کی مقدار آر سی پی 8.5 میں ، 2100 تک ایک میٹر کا اضافہ ہوجائے گا۔
اس وقت سے لے کر اب تک اس پیش گوئی کو قدامت پرست مانا جاتا ہے ، کیونکہ کرہ ارض کے درجہ حرارت میں اضافہ کرنے والی گرین ہاؤس گیس میں سالانہ بنیادوں میں اضافہ ہورہا ہے۔
اس کے ساتھ ہی سیٹیلائٹس میں انٹارکٹیکا اور گرین لینڈ میں موجود برف پوش علاقوں کے پگھلنے کی شرح میں بھی اضافہ ہورہا ہے۔
رواں ہفتے دنیا کے نامور سائنسدانوں کے گروپ نے اپنے تجربات اور مشاہدات کی بنیاد پر صورتحال پر ماہرانہ فیصلہ جاری کیا۔
انہوں نے کہا کہ گیسز کے موجودہ خراج کی بنیاد پر 2100 تک سطح سمندر میں 2 میٹر کا اضافہ مناسب ہے۔
رپورٹ میں کہا گیا کہ سمندر کی سطح میں اضافے کی وجہ سے فرانس، جرمنی ، اسپین اور برطانیہ کے رقبے کے برابر زمین کا نقصان ہوگا جس کے نتیجے میں 18 کروڑ افراد بے گھر ہوجائیں گے۔
ان کا کہنا تھا کہ ‘ سطح سمندر میں اس شدت کے اضافے کی وجہ سے انسانیت پر گہرے اثرات مرتب ہوں گے’۔
2015 میں پیرس میں موسمیاتی تبدیلی سے متعلق منظور کیے گئے معاہدے میں عالمی درجہ حرارت کو 2 ڈگری سینٹی گریڈ سے کم ( 3.6 فارن ہائیٹ) تک محدود کرنے پر اتفاق کیا گیا تھا۔
گزشتہ برس اکتوبر میں آئی پی سی سی نے ایک رپورٹ جاری کی تھی جس میں کوئلے، آئل اور گیس کے استعمال میں فوری کمی کا مطالبہ کیا گیا تھا تاکہ فضا میں گرین ہاؤس گیسز کی تیزی سے بڑھتی شرح کو کم کیا جاسکے۔پروسیڈنگز آف دی نیشنل اکیڈمی آف سائنسز جرنل میں شائع کی گئی نئی تحقیق کے مصنفین نے کہا کہ آئی پی سی سی کی جانب سے سطح سمندر میں اضافے کی پیش گئی کی توجہ ان امکانات پر مرکوز تھی کہ مستقبل میں کیا ہوسکتا ہے۔تاہم رپورٹ میں سطح سمندر میں اضافے سے متعلق اعداد و شمار جاری نہیں کیے گئے تھے۔

Image result for sea level increase 2021

Image result for sea level increase 2021

متعلقہ خبریں