سُروں کے بادشاہ،شہنشاہ غزل مہدی حسن کا 92 واں یوم پیدائش

July 18, 2019 5:49 pm

کراچی جدت ویب ڈیسک ::سُروں کے بادشاہ شہنشاہ غزل مہدی حسن کا آج 92 واں یوم پیدائش منایا جارہا ہے۔مہدی حسن 1927 میں راجستھان کے ایک گاؤں لونا میں پیدا ہوئے۔ انہوں نے موسیقی کی تعلیم اپنے والد استاد عظیم سے حاصل کی تھی۔ وہ 25 ہزار سے زیادہ فلمی، غیر فلمی گیت اور غزلیں گا چکے ہیں۔ ان کا گایا ہوا ملی نغمہ یہ وطن تمھارا ہے تم ہو پاسباں اس کے آج بھی قوم کا لہو کو گرماتا ہے۔حکومت پاکستان کی جانب سے ان کی فنی خدمات کے اعتراف میں نگار ایوارڈ، ہلال امتیاز، نشان امتیاز اور حسن کارکردگی سے نوازا جاچکا ہے۔
شہنشاہ غزل مہدی حسن13 جون 2012 کو 84 برس کی عمر میں کراچی میں انتقال کر گئے لیکن آج بھی اپنے مداحوں کے دلوں میں زندہ ہیں۔

متعلقہ خبریں