محمد علی جناح یونیورسٹی کے نئے سیمسٹرکا قبل از داخلہ ٹیسٹ اتوار ہوگا

July 21, 2017 5:14 pm

کراچی جدت ویب ڈیسک محمد علی جناح یونیورسٹی کراچی میں ستمبر کے مہینہ سے شروع ہونے والے نئے سیمیسٹر فال۔2017 کے بیچلر،گریجویٹ،ڈاکٹرل اوربہترین پیشہ کے انتخاب کے تعلیمی پروگراموں میں داخلہ فارم جمع کرانے والے امیدواروں کا قبل از داخلہ ٹیسٹ اتوار ،۳۲ جولائی کو صبح دس بجے یونیورسٹی کے مین کیمپس واقع شارع فیصل کراچی نزد فائین ہاوس بس اسٹاپ منعقد ہوگا۔واضح رہے کہ ماجو نے اپنے اگلے سیمسٹر میں بیچلرز ڈگری پروگراموں میں بی ایس اکاونٹنگ اینڈ فنانس،میڈیا سائینس، اکنامکس،کمپیو ٹر سائینس اور سافٹ وئیر انجینئرنگ،بی بی اے اور بی ای الیکٹریکل اور کمپیو ٹر سسٹم انجینئرنگ میں داخلے شروع کئے ہیں جبکہ گریجویٹ ڈگری پروگراموں ایم بی اے اور ایم ایس مینجمنٹ سائینس،اکنامکس اینڈ فنانس،کمپیوٹر سائینس اور الیکٹریکل انجینئرنگ اور ڈاکٹرل پروگراموں میں پی ایچ ڈی مینجمٹ سائینس،کمپیوٹر سائینس اور الیکٹریکل انجینئرنگ میں داخلے اعلان کئے تھے۔دریں اثنا محمد علی جناح یونیورسٹی کراچی میں آج شام چار بجے سے آٹھ بجے تک داخلہ کے خواہشمندطلبہ کی رہنمائی کے لئے ایک اوپن ہاوس سیشن کا انعقاد کیا گیاہے جس میں یونیورسٹی کے تمام شعبوں کے ڈین، شعبہ جاتی سربراہ اور اساتذہ موجود رہیںگے جن سے طلبہ اپنے تعلیمی پروگرام کے سلسلے میں معلومات حاصل کر سکیں گے۔ماجو کے صدر پروفیسر ڈاکٹر زبیر شیخ نے اپنے ایک پیغام میں کہا ہے کہ یونیورسٹی کا تعلیمی پروگرام ملک کی معیشت کے موجودہ تقاضوں اور جاب مارکیٹ کی ضروریات کو سامنے رکھتے ہوئے ترتیب دیا گیا ہے۔ ان کا کہنا ہے کہ ہم ماجو کے نصاب کو ٹیکنالوجی کے شعبہ کی موجودہ ڈیمانڈ اور اس کے نئے رحجانات کو مد نظر رکھتے ہو ئے اپ ڈیٹ کرتے رہتے ہیں۔انہوں نے کہا ہے کہ ہم ماجو میں ٹریننگ سیشن،سیمینار اور ورکشاپ کا انعقاد کرتے رہتے ہیں تاکہ ہمارے طلبہ جنہوں نے عملی طور پر یہاں جو کچھ سیکھا ہے اس سے وہ اپنی عملی زندگی میں بھر پور استفادہ کرسکیں۔یہاں یہ امر بھی قابل ذکر ہے کہ ماجو میں داخلہ حاصل کرنے والے طلبہ جنہوں نے انٹر کے امتحانات میں 80 یا اس سے زائید مارکس لیے ہوں انکی سو فیصد ٹیوشن فیس معاف کردی جاتی ہے جبکہ 75 سے 79 فی صد مارکس والوں کی 75 فیصد اور 70 سے 74 فیصد مارکس لینے والے طلبہ کی پچاس فیصد ٹیوشن فیس معاف کردی جاتی ہے۔

متعلقہ خبریں