February 20, 2021

واٹس ایپ نے صارفین کے لیے ایک منفرد فیچر متعارف کرانے کا فیصلہ کر لیا۔

ویب ڈیسک ::معروف میسجنگ سروس واٹس ایپ نے صارفین کے لیے ایک منفرد فیچر متعارف کرانے کا فیصلہ کر لیا۔تفصیلات کے مطابق واٹس ایپ نے ’سائن آؤٹ‘ فیچر پر کام شروع کیا ہے جس کے تحت صارف اپنی مرضی سے جہاں سے بھی چاہے گا اکاؤنٹ کو لاگ آؤٹ کرسکے گا۔
متعلقہ خبرواٹس ایپ چیٹ ہسٹری کو ٹیلی گرام پر کیسے منتقل کیا جائے؟ آسان طریقہ جانیں
ٹیلی گرام انتظامیہ نے ایپ کی مقبولیت کو مزید فروغ دینے کیلئے…لاگ آؤٹ کے بعد موبائل یا کمپیوٹر پر اس کی رسائی ختم ہوجائے گی اور پھر یہ دوبارہ آئی ڈی کی طرح لاگ ان کیا جاسکے گا۔واٹس ایپ کی اپ ڈیٹس پر نظر رکھنے والی ٹیک ویب سائٹ کے مطابق واٹس ایپ نے پچھلے بیٹا ورژن میں موجود نقائص دور کر دیا ہے اور اسے پلے اسٹور پر بھی ڈال دیا گیا ہے۔واٹس ایپ انتظامیہ کا کہنا ہے کہ اگر صارف بیٹا ٹیسٹر نہیں ہیں تو ہم انہیں اس ورژن کو اپ ڈیٹ کرنے کی تجویز کرتے ہیں۔
واٹس ایپ انتظامیہ کا کہنا ہے کہ اگر آپ بیٹا ٹیسٹر ہیں تو آپ کو 2.21.2.19 کو اپ ڈیٹ نہیں کرنا چاہیے کیونکہ اسے تمام عام صارفین کے لیے متعارف کروایا گیا ہے۔
یہاں یہ بات بھی غور طلب ہے اگراس فیچر کو پچھلے بیٹا ورژن کے لیے متعارف کروایا گیا ہے تو یہ بات وثوق سے نہیں کہی جاسکتی ہے اپ ڈیٹ 2.21.2.19 ہر ایک کے لیے دستیاب ہوگی یا نہیں۔اس سے قبل واٹس ایپ نے اینڈرائیڈ ورژن کے لیے ایک نئی ویب اپ ڈیٹ متعارف کروائی تھی۔۔

February 19, 2021

مریخ پر زندگی کی تلاش کا مشن، خلائی روبوٹ نے مریخ کی تصاویر شیئر کر دیں

نیو یارک ::انسان نے ستاروں پر کمند ڈالنے کا فن جان لیا ہے ،مریخ پر زندگی کی تلاش کا مشن لیئے خلائی روبوٹ نے سرخ سیارے پر پہنچتے ہی کام شروع کر دیا۔ خلائی روبوٹ نے مریخ کی تصاویر شیئر کر دیں۔
خلائی ادارے ناسا نے ایک اور سنگ میل عبور کر لیا۔ نظامِ شمسی کے چوتھے سیارے مریخ پر اب ایک اور روبوٹ پہنچ گیا ہے۔ ناسا کے خلائی مشن پر سویرنس روور نے مریخ کی پہلی تصویربھی شیئر کر دی۔ حکام کے مطابق مریخ سے پتھروں کے نمونے آئندہ چند برس میں ہی زمین پر بھیج دئیےجائیں گے۔
مریخ پر مشن کی کامیاب لینڈنگ کی تصدیق ہونے پر ریاست کیلیفورنیا میں ناسا کے مشن کنٹرول میں موجود انجینئرز میں خوشی کی لہر دوڑ گئی۔ یہ ناسا کی جانب سے مریخ پر اتارا گیا ایک ٹن وزنی دوسرا روور ہے۔
اس مشن پر 20 سے زیادہ کیمرے اور دو مائیکرو فون ہیں۔ دو کیمرے ایک چھوٹے ہیلی کاپٹر پر ہیں جو مریخ کی ویران آب و ہوا میں اڑان بھرنے کی کوشش کرے گا۔
1970 کی دہائی کے بعد یہ مریخ پر ناسا کا پہلا مشن ہے جو زندگی کے آثار ڈھونڈے گا۔ 2026 میں ایک اور چھوٹا روور لانچ کیا جائے گا جو جزیروں کے قریب پہنچے گا اور پرسیویرنس کے اکٹھے کردہ نمونے حاصل کر لے گا۔اس منصوبے کا مقصد خلابازوں کو مریخ پر پہنچانا ہے۔ پرسیویرنس ایسے تجربات کرے گا جس سے دیکھا جائے گا کہ آیا مریخ پر سانس لینے کے لائق آکسیجن پیدا کی جاسکتی ہے، کیونکہ سیارے میں کاربن ڈائی آکسائیڈ کی کثرت پائی جاتی ہے۔

 

February 16, 2021

لیپ ٹاپس ڈیوائس کی صفائی کرکے اسٹوریج کو بڑھانا چاہتے ہیں تو اس کے لیے چند آسان ٹپس 

ویب ڈیسک : آج کل لیپ ٹاپس کا استعمال اب ڈیسک ٹاپ کمپیوٹر سے زیاد ہونے لگا ہے۔مگر اکثر افراد کو مسلسل ‘ لو ڈسک اسپیس’ وارننگ کا سامنا ہوتا ہے کیونکہ ہارڈ ڈرائیو میں اسپیس بہت کم رہ جاتا ہے۔اگر آپ بھی اپنی ڈیوائس کی صفائی کرکے اسٹوریج کو بڑھانا چاہتے ہیں تو اس کے لیے چند آسان ٹرکس مددگار ثابت ہوسکتی ہیں۔

ہارڈ ڈرائیو اسٹوریج کا تجزیہ

ایپس اور پروگرامز کو ڈیلیٹ کرنے سے پہلے بہتر ہے کہ یہ دیکھ لیں کہ کس نے ہارڈ ڈرائیو میں زیادہ جگہ گھیری ہوئی ہے۔50 یا 100 ایم بی کی متعدد فائلز کو ڈیلیٹ کرنے سے وہ اثر نہیں ہوگا جو کسی 10، 20 یا 30 جی بی کی کسی ٹی وی شو یا گیمز کو ان انسٹال کرنے سے ہوسکتا ہے۔

اگر آپ ونڈوز 10 پر کام کرنے والا لیپ ٹاپ استعمال کررہے ہیں تو سیٹنگز، سسٹم اور پھر اسٹوریج (براہ راست اسٹوریج لکھ کر سرچ بھی کرسکتے ہیں) پر جاکر ڈرائیو بریک ڈاؤن دیکھ سکتے ہیں، جس سے علم ہوگا کہ کونسے فولڈرز نے سب سے زیادہ جگہ گھیری ہوئی ہے۔وہاں آپ کسی بھی کیٹیگری پر کلک کرکے مید تفصیلات دیکھ سکتے ہیں بالخصوص ادرز کیٹیگری میں، جہاں یہ علم ہوسکے گا کہ کونسے فولڈرز میں سب سے زیادہ حجم والی فائلز موجود ہیں۔یہ ہمیشہ آسان نہیں ہوتا مگر اسٹوریج بڑھانے کا یہ بہترین طریقہ ہے۔اگر میک آپریٹنگ سسٹم استعمال کررہے ہیں تو بائیں کونے پر موجود ایپل مینیو میں اباؤٹ دس میک اور پھر اسٹوریج میں جاکر منیج بٹن پر کلک کریں، جس سے سائیڈ بار میں مختلف کیٹیگریز نظر آئیں گی اور وہاں آپ لارج فائل کو سلیکٹ کرسکتے ہیں، جن کو رائٹ کلک کرکے ڈیلیٹ کیا جاسکتا ہے۔اگر یہ ٹولز مشکل محسوس ہوتے ہیں تو ان کے تھرڈ پارٹی متبادلز جیسے WinDirStat اور Disk Inventory X سے بھی مدد ملے سکتے ہیں، جو زیادہ گہرائی میں جاکر کام کرتے ہیں۔

ٹمپراری اور ڈپلیکٹ فائلز کی صفائی

آپ نے یہ مشورہ پہلے بھی سنا ہوگا، ونڈوز اور میک او ایس میں ٹمپراری فائلز جیسے تھمب نیلز اولڈ اپ ڈیٹ پیکجز یا کیشیڈ انٹرنیٹ فائلز اسٹور ہوتی رہتی ہیں، جن کو ڈیلیٹ کرکے اسپیس کو بڑھایا جاسکتا ہے۔یہ حقیقت بھی ہے مگر یہ بھی درست ہے کہ یہ فائلز بتدریج پھر واپس آجاتی ہیں کیونکہ سسٹم کو اسی طرح کام کرنے کے لیے ڈیزائن کیا گیا ہے۔یہ کیشیز ڈیوائس کو تیز کام کرنے میں مدد فراہم کرتی ہیں، تو ان کی صفائی کوئی مستقل حل نہیں تاہم عارضی طور پر اسٹوریج پر اضافہ کیا جاسکتا ہے۔اس کے لیے ونڈوز 10 میں اسٹارٹ مینیو پر کلک کرکے ڈسک کلین اپ کو سرچ کریں، جہاں آپ کو ان فائلز کی ایک فہرست نظر آئے گی جو ڈیلیٹ کی جاسکتی ہیں۔وہاں وہاں آپ اوکے پر کلک کرکے اسپیس کو فوری خالی کرسکتے ہیں یا کلین اپ سسٹم فائل پر کلک کرسکتے ہیں، جو چند مزید آپشنز فراہم کرے گا۔ایک نیا فیچر اسٹوریج سنس اب صارفین کے لیے یہ کام کسی حد تک خودکار کرنے میں بھی مدد فراہم کرتا ہے۔

اس مقصد کے لیے سیٹنگز، سسٹم اور پھر اسٹوریج میں جاکر اوپر Configure Storage Sense link پر کلک کریں۔اس سے آپ کو چند آپشنز ملیں گے جیسے ایک مخصوص مدت سے پرانی عارضی فائلز ڈیلیٹ ہونا یا کبھی کبھار استعمال ہونے والی فائلز ون ڈرائیو پر منتقل کرنا۔میک ڈیوائسز میں ٹیمپراری فائلز کی صفائی کا ٹول تو نہیں مگر ونڈو اور میک صارفین پروگرام جیسے سی سی کلینر سے بھی ایسا کرسکتے ہیں۔اسی طرح Duplicate Finder پروگرامز سے ایسی بڑی فائلز کوو تلاش کیا جاسکتا ہے جو غلطی سے 2 جگہ اسٹور ہوگئی ہے جیسے کوئی فلم وغیرہ۔درحقیقت یادہ توجہ بڑی فائلز پر دینی چاہیے کیونکہ متعدد چھوٹی فائلز ڈیلیٹ کرنے سے کوئی خاص اثر نہیں پڑے گا بلکہ خطرہ ہے کہ کچھ اہم ڈیلیٹ نہ کردیں۔سسٹم فائلز جیسے ونڈوز hiberfil.sys ڈیلیٹ کرنے سے گریز کریں یا سسٹم ری اسٹور فائلز کو نہ چھیریں۔

آخری حل

یہ تمام ٹرکس عارضی طور پر تو مددگار ثابت ہوسکتی ہیں کیونکہ آنے والے مہینوں میں ڈیٹا پھر ہارڈ ڈرائیو میں جمع ہونے لگتا ہے تو یہ عمل ہر چند ماہ دہرایا جاسکتا ہے۔مگر اس دوران کوشش کی جانی چاہیے کہ اگر نئی ہارڈ ڈرائیو خرید کر لیپ ٹاپ کا حصہ بنادیں، اگر لیپ ٹاپ میں اپ گریڈ کرنا ممکن ہو تو۔اگر اپ گریڈ کرنا ممکن نہیں تو ایس ڈی کارڈ یا فلیش ڈرائیوز سے بھی مدد لے سکتے ہیں، یعنی ان کو لگا کر بھول جائیں تاکہ لیپ ٹاپ کو اضافی اسٹوریج مل جائے۔

فائلز کو ایکسٹرنل یا کلاؤڈ اسٹوریج پر منتقل کردیں

اگر آپ کو ایسی بڑی فائلز نظر آرہی ہیں جن کو سسٹم میں رکھا چاہتے ہیں تو آپ انہیں کسی اور جگہ بھی منتقل کرکے محفوظ رکھ سکتے ہیں۔مثال کے طور پر اہم دستاویزات جن کی ضرورت تو کبھ کبھار ہوتی ہے مگر رکھنا ضروری ہوتی ہیں تو انہیں ایکسٹرنل ڈرائیو میں محفوظ کیا جاسکتا ہے یا ون ڈرائیو جیسی کلاؤڈ اسٹوریج سروس پر اپ لوڈ کیا جاسکتا ہے۔ونڈوز صارفین تو استعمال میں نہ آنے والی فائلز کو اسٹوریج سنس فیچر کے ذریعے خودکار طور پر ون ڈرائیو میں منتقل کرسکتے ہیں، تاہم ایسا مینوئل بھی کیا جاسکتا ہے۔

February 15, 2021

پی ٹی سی ایل، ہواوے کے اشتراک سے کاروباری صارفین کیلئے اسمارٹ کلاؤڈ کیمپس سلوشن متعارف

ویب  ڈیسک ::پاکستان ٹیلی کمیونیکشن کمپنی لمیٹڈ (پی ٹی سی ایل) نے ہواوے ٹیکنالوجیز پاکستان پرائیوٹ لمیٹڈ کے اشتراک سے کاروباری صارفین کے لیے اسمارٹ کلاؤڈ کیمپس سلوشن متعارف کرادیا۔اسمارٹ کلاؤڈ کمیپس سلوشن جدید ترین خصوصیات کا حامل ہے جو کاروباری اداروں کو انٹیلی جنٹ نیٹ ورکس آپریشنز مینجمنٹ کے ساتھ ساتھ آٹو میشن کے حصول کے لیے دیگر اخراجات کو کم کرنے میں مددگار ثابت ہوگا۔

اس حوالے سے جاری اعلامیے کے مطابق کاروباری صارفین کے لیے متعارف کروائی گئی اس سروس میں مصنوعی ذہانت وائی فائی 6 کیمپس سافٹ ویئر پر مبنی لوکل ایریا نیٹ ورک (LAN) اوروائیڈ ایریا نیٹ ورک (WAN) شامل ہیں۔‎ان سروسز کا انفراسٹرکچر کاروباری نیٹ ورک کے لیے پی ٹی سی ایل کی کامیاب صنعتی کنیکٹیویٹی، صلاحیت اور ڈیٹا سینٹر انفراسٹرکچر کے ساتھ ساتھ ہواوے کے جدید ترین خود کار نیٹ ورک مینجمنٹ اور کنٹرول سسٹم کلاؤڈ پلیٹ فارم کے لیے کارآمد ہوگا۔اسمارٹ کلاؤڈ کیمپس سلوشن اپنی نوعیت کا پہلا انٹیلی جنٹ نیٹ ورک آٹومیشن کلاؤڈ پلیٹ فارم ہے جو مینجمنٹ، کنٹرول اور تجزیاتی طریقہ کار کو مظبوط بنانے کے ساتھ ساتھ کاروباری نیٹ ورکس کے لیے مکمل آٹو میشن سروسز فراہم کرتا ہے۔

یہ نیٹ ورک بڑے تجزیاتی طریقہ کار کے ذریعے بڑے ڈیٹا میں موجود نقائص اور خامیوں کو دورکرتا ہے۔اسمارٹ کلاؤڈ کیمپس سلوشن متعارف کرنے کے موقع پر پی ٹی سی ایل کے چیف بزنس سروسز آفیسر ضرار ہشام خان نے کہا کہ پی ٹی سی ایل کا بزنس سلوشن ہمارے کاروباری صارفین کی بڑھتی ہوئی کاروباری ضروریات کو پورا کرنے کے لیے تیار کیا گیا ہے۔انہوں نے کہا کہ اس سافٹ ویئر کے حامل نیٹ ورکس تیز ترین، وسیع اور محفوظ ڈھانچہ فراہم کرتے ہیں جس سے کاروباری صارفین متحرک اور قابل بھروسہ نیٹ ورکس بنا سکیں گے۔

ضرار ہشام خان نے کہا کہ پی ٹی سی ایل ڈیجیٹل ٹرانسفارمیشن کے حصول کے لیے کوشاں ہے اور کاروباری اداروں کی معاونت کے لیے جدت پر مبنی ٹیکنالوجی متعارف کرتا ہے۔اس موقع پر خطاب کرتے ہوئے ہواوے ٹیکنالوجیز پاکستان پرائیوٹ لمیٹڈ کے منیجنگ ڈائریکٹر گاؤ ویجی نے کہا کہہ ہمیں پاکستان کے قومی ادارے پی ٹی سی ایل کے ساتھ اشتراک پر خوشی ہے جس کا ملک بھر میں مضبوط نیٹ ورک موجود ہے۔انہوں نے کہا کہ اس سلوشن کے ساتھ کاروباری ادارے مکمل سیکیورٹی اور اور ڈیٹا کی پرائیویسی کو یقینی بناتے ہوئے نہ صرف اہم نوعیت کی ایپلیکیشنزکو چلا سکیں گے بلکہ بہترین صلاحیت کے حامل بینڈ وڈتھ، نیٹ ورک وزیبلیٹی اور ایپلیکیشن کی نمایاں کارکردگی کے ساتھ کلاؤڈ پر ڈیٹا کی بلا رکاوٹ منتقلی کو بھی بہتر بناسکیں گے۔

Image result for PTCL and huwaway

February 11, 2021

پی ٹی سی ایل گروپ نے فائیو جی ٹیکنالوجی کا کامیاب تجربہ کرلیا

اسلام آباد: ویب ڈیسک ::پی ٹی سی ایل گروپ نے فائیو جی ٹیکنالوجی کا کامیاب تجربہ کرلیا، سفیر یواےای نے فائیو جی ٹیسٹ خوش آئند قرار دیتے ہوئے کہا یو اے ای آئی ٹی ٹیلی کام میں سرمایہ کاری میں دلچسپی رکھتا ہے۔تفصیلات کے مطابق پی ٹی سی ایل گروپ نے فائیو جی ٹیکنالوجی کا کامیاب تجربہ کیا، فائیو جی کا ٹرائل غیرتجارتی بنیادپرمحدود ماحول میں کیا گیا۔
فائیوجی ٹیکنالوجی کے ذریعے ریموٹ سرجری کابھی عملی مظاہرہ کیا گیا ، فائیو جی ٹرائل کی تقریب میں وزیر آئی ٹی سید امین الحق کی شرکت کی جبکہ یواےای سفیر حماد عبید ابراہیمی اور چیئرمین پی ٹی اے عامر باجوہ شریک ہوئے۔قائم مقام سی ای او پی ٹی سی ایل نے کہا کہ فائیو جی پاکستان کیلئے گیم چینجر ہو گا ، ڈیجٹل پاکستان کےلئے فائیو جی مددگار ہوگا۔
اس موقع پر متحدہ عرب امارات کے سفیر حماد عبید ابراہیمی کا کہنا تھا کہ یو اے ای آئی ٹی ٹیلی کام میں سرمایہ کاری میں دلچسپی رکھتا ہے ، پاکستان اور یو اے ای کے درینہ تعلقات ہیں ، آئی ٹی،سائنس و ٹیکنالوجی میں سرمایہ کاری کےوسیع مواقع ہیں،یاد رہے اگست 2019 میں پاکستان میں پہلی بار فائیوجی ٹیکنالوجی کا کامیاب تجربہ کیا گیا تھا، موبائل کمپنی زونگ نےفائیوجی ٹیکنالوجی کا اسپیڈ ٹیسٹ کامیابی سے مکمل کیا۔۔سفیر یواےای نے مزید کہا پی ٹی سی ایل کا فائیو جی ٹیسٹ خوش آئند ہے ، یو اے ای پانچواں ملک ہے جس نے اپنا مشن مریخ پر بھیجا۔

Image result for PTCL group trail 5G tecnology

February 8, 2021

ٹھوس وجوہات کے بغیر5 جی پرپابندی عائد نہیں کرسکتے ، سندھ ہائیکورٹ

کراچی: سندھ ہائیکورٹ نے 5 جی ٹیکنالوجی پرپابندی لگانے کی درخواست پر ایڈووکیٹ جنرل اور ڈپٹی اٹارنی جنرل کو نوٹس جاری کردیئے ۔درخواستگزار کے وکیل نے موقف اپنایا کہ 5 جی کے تجربات سے اس کے خطرناک ہونے کے شواہد ملے ۔ جسٹس محمد علی مظہر نے ریمارکس دیئے عدالت کیسے 5 جی بند کرسکتی ہے ۔ عدالت نے استفسار کیا کہ یہ بتائیں، کن احتیاطوں کی ضرورت ہے ۔ درخواستگزار کے وکیل نے موقف دیا کِہ 5 جی ماحول اور اب و ہوا کے لیے بھی نقصان دہ ہے ۔ 4 جی کے بھی نقصان تھے مگر وہ اتنا خطرناک نہیں۔ 5 جی پر پابندی لگائی جائے ۔جسٹس محمد علی مظہرنے ریمارکس دیئے عدالت اس طرح پابندی عائد نہیں کرسکتی۔ عدالت نے ایڈووکیٹ جنرل اور ڈپٹی اٹارنی جنرل کو نوٹس جاری کرتے ہوئے صوبائی و وفاقی افسران قانون کو جواب جمع کرانے کا حکم دے دیا۔جسٹس محمد علی مظہر اورجسٹس امجد علی سہتو پرمشتمل دورکنی بینچ کے روبرو 5 جی ٹیکنالوجی پرپابندی لگانے کی درخواست کی سماعت ہوئی۔ درخواست گزارکے وکیل نے موقف دیا کہ 5 جی ٹیکنالوجی انسانی صحت کے لیے مضرہے ۔ جسٹس محمد علی مظہرنے ریمارکس دیئے ہمیں بتائیں، 5 جی آخرکیوں مضرصحت ہے ۔

February 8, 2021

پسینے سے ذہنی تناؤ کا اندازہ لگانے والا، گھڑی نما آلہ

سوئزرلینڈ:جدت ویب ڈیسک: روزمرہ زندگی میں اور بالخصوص کورونا لاک ڈاؤن سے خوف، گھبراہٹ اور بے یقینی نے ذہنی تناؤ کو جنم دیا ہے اور اس بنا پر اس کیفیت پر نظر رکھنے کی ضرورت ہے ۔ تاہم سوئزرلینڈ کے ماہرین نے ایک پہننے والا پٹہ بنایا ہے جو جسمانی پسینے سے ذہنی تناؤ کا اندازہ لگاتا ہے ۔جامعہ کی نینوالیکٹرانک تجربہ گاہ میں اسے تیار کیا گیا ہے جو براہِ راست جلد پر چپک جاتا ہے اور انسانی پسینے میں مسلسل کارٹیسول کی مقدار ناپتا رہتا ہے ۔ کارٹیسول ہارمون ایڈرینل غدے سے پیدا ہوتا ہے ۔ کارٹیسول کے دیگر اہم کام بھی ہیں یعنی یہ استحالے کو قابو کرتا ہے ، جسم میں گلوکوز کی مقدار دیکھتا ہے اور بلڈ پریشر کو بھی ہموار رکھتا ہے ۔اس نظام پر بنیادی تبدیلی ایکولے نے کی ہے اور اس تحقیق کی بنا پر اسے ایکس سینسیو کمپنی نے ڈیزائن کیا ہے ۔ لیکن یاد رہے کہ تناؤ بسا اوقات جان لیوا بھی ثابت ہوسکتا ہے اور اسی لیے حساس ترین مریضوں میں اس کی پیمائش لینا ضروری ہوجاتا ہے ۔اس برقی پٹی میں ایک ٹرانسسٹر ہے اور گرافین بنا الیکٹروڈ لگا ہے ۔ یہ پورا نظام مل کر پسینے میں کارٹیسول کا پتا لگاتا ہے ۔ اس طرح ماہرین 24 گھنٹے کسی شخص میں ڈپریشن اور تناؤ معلوم کرسکتے ہیں۔اس ایجاد کی بدولت، پائلٹ، طبی عملے اور دیگر حساس کام کرنے والے افراد میں ذہنی تناؤ معلوم کرکے اس پورے نظام کو بہتر بنایا جاسکتا ہے ۔سوئزرلینڈ میں ایکولے پولی ٹیکنیک فیڈرل ڈی لیوزین کے ماہرین نے ہاتھ پر پہننے والا ایک پٹے نما برقی آلہ بنایا ہے جو پسینے میں کارٹیسول کی مقدار کو نوٹ کرتا ہے ۔ کارٹیسول وہ ہارمون ہے جو ڈپریشن اور ذہنی تناؤâاسٹریسá میں خارج ہوتا ہے ۔نینو لیب کی ٹیم کے سربراہ اڈریئن ہونیسکو کے مطابق اگرچہ کارٹیسول کے لیے بلڈ ٹیسٹ سب سے موزوں ہے لیکن اس کی معمولی مقدار پسینے سے بھی خارج ہوتی ہے ۔ ہم نے اس پورے عمل کو سمجھا ہے اور اسے قابلِ قدر پیمائش میں ڈھالا ہے ۔