October 9, 2017

پانچویں عالمی بلائنڈ کرکٹ کپ کی تیاری،قومی کھلاڑیوں کا تربیتی کیمپ کا دوسرامرحلہ 22 اکتوبر سے ہوگا، مزید پڑھیے

اسلام آباد( جدت ویب ڈیسک )پاکستان بلائنڈ کرکٹ کونسل کے زیر اہتمام پانچویں عالمی بلائنڈ کرکٹ کپ کی تیاری کیلئے قومی کھلاڑیوں کے تربیتی کیمپ کے دوسرے مرحلے کا آغاز 22 اکتوبر سے شروع ہوگا۔ تربیتی کیمپ فیصل آباد کے اقبال سٹیڈیم میں شروع ہو گا ، ورلڈ کپ کی تیاری کیلئے تربیتی کیمپ میں اوکاڑہ کیمپ سے شارٹ لسٹ شدہ 23 کھلاڑیوں کو مدعو کیا گیا ہے جن کھلاڑیوں کو مدعو کیا گیا ہے ان میں عامر اشفاق، ظفر اقبال، محمد ایاز، ریاست خان، محمد آصف، محمد اسامہ، ہارون خان، معین علی، بدر منیر، انیس جاوید، نثار علی، محمد ایوب خان، ذیشان عباسی، محمد جمیل، محسن خان، اسرار الحسن، محمد اعجاز، مطیع اللہ، محمد راشد، کامران اختر، ثناءاللہ اور راہد اللہ شامل ہیں۔ تربیتی کیمپ کو تین مرحلوں میں تقسیم کیا گیا ہے ، پہلا تربیتی کیمپ 9 سے 15 ستمبر کو اوکاڑہ میں، دوسرا 22 سی29 ستمبر کو فیصل آباد اور حتمی ٹیم کا تیسرا کیمپ کراچی میں لگایا جائیگا ، انہوں نے کہاکہ ورلڈ کپ کیلئے 17 رکنی حتمی ٹیم کا نومبر کے پہلے ہفتے میں اعلان کر دیا جائے گا

October 9, 2017

پہلے آل ملیر ایس ایف لائبریری انٹرنیشنل فائونڈیشن یادگاری فٹبال ٹورنامنٹ 2017کا شاندارآغاز

کراچی جدت ویب ڈیسک :دلبود محمڈن فٹبال کلب کے زیر اہتمام پہلے آل ملیر ایس ایف لائبریری انٹرنیشنل یادگاری فٹبال ٹورنامنٹ2017کا شاندار آغا ز ۔ٹورنامنٹ کے روح رواں علی اقبال نے فٹبال کو کک لگاکر ٹورنامنٹ کا افتتاح کیا۔ ٹورنامنٹ کا افتتاحی میچ عمر اسٹار اور شفیع الیون کے مابین کھیلا گیا جس کے پہلے ہاف میں دونوں ٹیموں نے بہترین کھیل کا مظاہرہ کیا اورمیچ کے15ویں منٹ میں عمر اسٹار کے فارورڈ نے گول اسکور کرکے مقابلہ ایک کے مقابلے میں صفر گول کردیا۔ شفیع الیون کے فارورڈز نے گول برابر کرنے کی بہت کوشش کی مگر ناکام رہے۔ وقفہ کے درمیان دونوں ٹیموں کا ٹورنامنٹ کے روح رواں علی اقبال اور DFAملیر کے جنرل سیکریٹری شاہد تاج،فدا لاشاری،میر شبیر،سمیر بلوچ، اقبال سالاری سے تعارف کرایا گیا۔ وقفہ کے بعد دونوں ٹیموں نے ایک دوسرے کے گول پر زبردست حملے کیئے لیکن دونوںجانب سے دفاعی کھلاڑیوں نے بہترین کھیل کا مظاہرہ کرتے ہوئے تمام حملے ناکام بنادیئے مگر میچ کے آخری لمحات میں میچ سنسنی خیز ہوگیا اور شفیع الیون کے اسٹار فارورڈ نے گول کرکے مقابلہ ایک ایک گول سے برابر کردیا ۔ میچ کے اختتام تک مقابلہ ایک ایک گول سے برابر رہا جس کے بعد میچ کا فیصلہ پنالٹی ککس کی بنیاد پر کیا گیا جس میں عمر اسٹار نے شفیع الیون کو 3کے مقابلے میں4گول سے ہراکر فتح حاصل کرلی۔ افتتاحی تقریب میں یعقوب بلوچ، آصف شاہ، گلزار کوچ، شاہین بلوچ، محسن بلوچ، رئوف غوری،منا، استاد عبدالصمد بلوچ نے مہمانوں کی حیثیت سے خصوصی شرکت کی۔میچ میں ریفری کے فرائض خالد جمی، عزیز پاشا، عمر بلوچ نے انجام دیئے ، میچ کمشنر لعل محمدجنگل اور میڈیا کوآرڈینیٹر اسلم کامریڈ تھے۔

October 6, 2017

مصری فٹ بالر داعش سے تعلق کےالزام میں گرفتار

قاہرہ جدت ویب ڈیسک : مصری پولیس نے شدت پسند تنظیم داعش سے تعلق کے الزام میں ایک مشہور فٹ بال کھلاڑی حمادالسید کو گرفتار کر لیا ہےحمادالسید ملک کی حساس تنصیبات اور سکیورٹی فورسز پر خونی حملوں میں ملوث رہے ہیں،مصری پراسیکیوٹر کے الزامات غیر ملکی خبررساں ادارے کے مطابق اسوان فٹ بال کلب کے کھلاڑی حماد السید کو سپریم سیکیورٹی پراسیکیوٹر نے پندرہ روز کے لیے پولیس کی تحویل میں دے دیا ہے۔ حماد السید پر جزیرہ نما سیناءمیں شدت پسند گروپ ’داعش‘ کے ساتھ وابستگی کا الزام عائد کیا گیا ہے۔مصری پراسیکیوٹر کی طرف سے عائد کردہ الزامات کی چارج شیٹ میں کہ کہا گیا ہے کہ حماد السید ملک میں دہشت گردی کی کارروائیوں میں سرگرم دہشت گردوں میں شامل جو ملک کی حساس تنصیبات اور سکیورٹی فورسز پر خونی حملوں میں ملوث رہے ہیں۔ اسوان سپورٹس کلب کے چیئرمین حسن عبدالقادر نے چند روز قبل ایک بیان میں کہا تھا کہ کلب کا ایک رکن اور سینیر کھلاڑی حماد السید پراسرار طور پر غائب ہے۔ اس کے بعد اس کا کوئی پتا نہیں چل سکا ہے۔سلوان کلب کی انتظامی کونسل کے رکن مصطفیٰ امین نے انکشاف کیا ہے کہ فٹ بالر حماد السید کو سکیورٹی فورسز نے گرفتار کیا ہے۔ اس پر جزیرہ نما سیناءمیں دہشت گردی کی کارروائیوں میں معاونت کا الزام عاید کیا گیا ہے

October 5, 2017

ویمن کرکٹ ٹیم کی کپتان ثنامیر بھی ؟؟؟ تشویشناک خبر‘ جانئے

 

لاہور جدت ویب ڈیسک پاکستان کرکٹ بورڈ ویمن ونگ کی سابق جی ایم شمسہ ہاشمی نے ورلڈ کپ اور ٹی ٹوئنٹی ورلڈ کپ میں ثنامیر کی قیادت اور ان کے فیصلوں پر کڑی تنقید کرتے ہوئے اہم وقت پر نامناسب فیصلوں پر سوالات اٹھادیئے۔ میڈیا سے گفتگو کرتے ہوئے انہوں نے کہا کہ ٹی ٹوئنٹی ورلڈ کپ 2016 اور ورلڈ کپ 2017 میں کچھ میچز میں ان کے فیصلے پاکستان ٹیم کےلیے نقصان دہ ثابت ہوئے، میگا ایونٹ میں پاکستان ٹیم کے اہم میچز میں ان کی کارکردگی کے حوالے سے تحقیقات کی ضرورت ہے۔ ٹی ٹوئنٹی ورلڈ کپ میں چنائی میں کھیلا گیا 16واں میچ جس میں پاکستان کو ویسٹ انڈیز نے 104 رنز کا ہدف دیا اور پھر بھی گرین شرٹس کو 4 وکٹ سے شکست کا سامنا کرنا پڑا، اس میچ میں 10.5 اوورز میں 44 پر 3 وکٹیں گری تھیں جب ثنامیر بیٹنگ کے لئے آئیں اور انہوں نے 26 گیندوں پر 6 ڈاٹ بالز کھیل کر بغیر کوئی بانڈری لگائے 18 رنز سکور کیے۔انہوں نے کہا کہ ویمنز ورلڈ کپ 2017 میں انگلینڈ نے پاکستان کے خلاف پہلے کھیلتے ہوئے 7 وکٹ پر 377 رنز بنائے، پاکستان کو میچ میں ڈک ورتھ لوئس میتھڈ کے تحت 103 رنز سے شکست ہوئی، انگلش اوپنرز نے سنچریز سکور کیں۔ انگلش اوپنرز کے خلاف ثنامیر کے فیلڈنگ پلان پر سوالیہ نشان اٹھتے ہیں، انہوں نے لیگ سائیڈ پر 100 سے زیادہ رنز سکور کیے مگر انہوں نے اس پر توجہ نہ دی۔ پاکستان نے جنوبی افریقہ کو 50 اوورز میں 207 رنز کا ہدف دیا، قومی ٹیم میچ جیتنے کی پوزیشن میں تھی تاہم ثنامیر کی جانب سے بولرز کے درست استعمال نہ کرنے کے باعث 49 ویں اوور میں ٹیم شکست کھا گئی۔ثنامیر کی جانب سے ایسا دانستہ کیے جانے کے سوال پر انہوں نے کہا کہ یہ میرا موقف نہیں ہے تاہم اس حوالے سے پی سی بی کو تحقیقات کرنی چاہئیں۔

October 5, 2017

بنگلہ دیش کیخلاف ون ڈے سیریز, جنوبی افریقہ کرکٹ بورڈ نے ٹیم کااعلان کردیا

جدت ویب ڈیسک :کرکٹ جنوبی افریقہ کی سلیکشن کمیٹی نے بنگلہ دیش کے خلاف شیڈول ون ڈے انٹرنیشنل سیریز کیلئے ٹیم کا اعلان کر دیا اور فاسٹ باؤلر ڈینی پیٹرسن پہلی مرتبہ ٹیم کا حصہ بننے کامیاب رہے۔ فاسٹ باؤلر ڈینی پیٹرسن پہلی مرتبہ ٹیم کا حصہ بننے کامیاب ، فاف ڈوپلیسی کی بطور ون ڈے کپتان پہلی سیریز ہو گی، پال ڈومینی بھی مڈل آرڈر کا حصہ ہوں گےمورنے مورکل ، کرس مورس انجری کے باعث ٹیم میں جگہ بنانے میں ناکام، اسپنر کیشپ مہاراج کو ڈراپ کر دیا گیابنگلہ دیش کے خلاف سیریز فاف ڈوپلیسی کی بطور ون ڈے کپتان پہلی سیریز ہو گی جنہیں قیادت سے مستعفی ہونے والے اے بی ڈی ویلیئرز کی جگہ یہ ذمہ داری دی گئی تھی۔حال ہی میں ٹیسٹ کرکٹ سے ریٹائرمنٹ لینے والے جین پال ڈومینی بھی مڈل آرڈر کا حصہ ہوں گے جبکہ فاسٹ باؤلر ڈینی پیٹرسن پہلی بار سلیکٹرز کا اعتماد حاصل کرنے میں کامیاب رہے۔مورنے مورکل اور کرس مورس انجری کے باعث ٹیم میں جگہ بنانے میں ناکام رہے، مورکل بنگلہ دیش کے خلاف کھیلے گئے پہلے ٹیسٹ کے دوران انجری کا شکار ہوئے تھے جبکہ اسپنر کیشپ مہاراج کو ڈراپ کر دیا گیا۔جنوبی افریقی کنوینر آف سلیکٹرز لنڈا زونڈی نے ٹیم کا اعلان کرتے ہوئے کہا کہ رواں برس کے شروع میں انگلینڈ کے خلاف کھیلی گئی ٹی ٹونٹی سیریز میں ڈینی پیٹرسن کی کارکردگی متاثر کن رہی تھی اس لیے ہم نے انہیں بنگال ٹائیگرز کے خلاف ون ڈے سیریز کیلئے ٹیم میں شامل کیا ہے۔نسبتاً ناتجربہ کار باؤلنگ اٹیک کی قیادت کگیسو ربادا کریں گے جبکہ ان کا ساتھ اسکواڈ میں شامل واحد اسپنر عمران طاہر ہوں گے۔اعلان کردہ اسکواڈ کے کپتان فاف ڈیوپلیسی ہیں جبکہ دیگر کھلاڑیوں میں ہاشم آملا، ٹیمبا باووما، فرحان بہاردین، کوئنٹن ڈی کوک، اے بی ڈی ویلیئرز، جین پال ڈومینی، عمران طاہر، ڈیوڈ ملر، ویان پارنیل، ڈینی پیٹرسن، اینڈائل پھلکوایو، ڈیوائن پریٹوریس اور کگیسوربادا پر مشتمل ہے۔