September 4, 2017

پاکستان میں باکسنگ لیگ کا مقصد باکسنگ کا فروغ اور نیا ٹیلنٹ متعارف کرانا ہے, باکسر عامر خان

اسلام آبادجدت ویب ڈیسک ::پاکستان سپر باکسنگ لیگ میں کراچی، لاہور، اسلام آباد، پشاور، ملتان، فیصل آباد، کوئٹہ اور سیالکوٹ کی ٹیمیں حصہ لیں گی جس میں مقامی ٹیلنٹ کو اپنے فن کا مظاہرہ کرنے کا نادر موقع میسر آئے گا۔تفصیلات مطابق پاکستانی نژاد برطانوی باکسر عامر خان نے پاکستان میں باکسنگ کے ٹیلنٹ سے مرعوب ہیں اور کئی مواقعوں پر اس کا اظہار بھی کرچکے تھے حال ہی میں انہوں نے پاکستان کے باکسنگ ٹیلنٹ کو دنیا سے متعارف کرانے کے لیے پاکستان میں باکسنگ لیگ کا اعلان کیا ہے۔پاکستان میں باکسنگ کا ٹیلنٹ کے حوالے سے زرخیز ملک ہے یہی وجہ ہے کہ وسائل کی کمی اور سہولیات کے باوجود پاکستان کے کئی باکسر نے عالمی سطح پر اپنے ملک کا نام روش کیا، ماضی میں لیاری کے رہائشی شاہ حسین اور حال میں کوئٹہ سے تعلق رکھنے والے محمد وسیم اس کی زندہ مثالیں ہیں۔فیملی تنازعات میں گِھرے بین الااقوامی باکسرعامر خان پاکستان میں باکسنگ کے فروغ اور ٹیلنٹ کی حوصلہ افزائی کرنے کے لیے کافی عرصے سے کوشاں ہیں اس دوران انہوں نے کئی کیمپس بھی لگائے اور اکیڈمی کا سنگ بنیاد بھی رکھا جب کہ کراچی میں لیاری کے دورہ کے دوران نوجوان ٹیلنٹ سے کافی متاثر بھی ہوئے تھےذرائع کے مطابق ’سپر باکسنگ لیگ‘ کے نام سے یہ لیگ اس سال دسمبر میں منعقد کی جائے گی جس میں 7 فرنچائز ٹیمیں حصہ لیں گی اور ہر ٹیم میں 8 کھلاڑی شامل ہوں گے۔

August 27, 2017

عامر خان کی اہلیہ نے ننھے مہمان کی آمد کی خوشخبری سنادی

لندن جدت ویب ڈیسک پاکستانی نژاد باکسرعامر خان کی اہلیہ فریال مخدوم نے گزشتہ رات سوشل نیٹ ورکنگ سائٹس فیس بک اور ٹوئٹرپرماں بننے کا اعلان کرتے ہوئے سب کوحیران کردیا۔باکسرعامرخان اوران کی اہلیہ فریال مخدوم کے درمیان حالات گزشتہ کافی عرصے سے خراب ہیں، ہرگزرتے دن کے ساتھ دونوں کےبارے میں سنسنی خیزانکشافات سامنے آرہے ہیں کبھی عامرسوشل میڈیا پرفریال کی خرابیاں بیان کررہے ہوتے ہیں اورکبھی فریال عامر کوبرباد کرنے کی دھمکیاں دیتی نظرآتی ہیں۔غیر ملکی خبررساں ادارے کی رپورٹ کے مطابق فریال نے گزشتہ رات فیس بک پراپنے ماں بننے کی خبرکا اعلان کرتے ہوئے لکھا میں آپ سب لوگوں کو کب سے ایک خاص خبر دینے کا انتظار کررہی تھی، اللہ کا شکر ہے اب میری زندگی میں دوسرا ننھا مہمان آنے والا ہے، فریال نے یہ خبرٹوئٹرصارفین کے ساتھ بھی شیئرکی۔یہ خبرایک ایسے وقت میں سامنے آئی ہے جب دونوں کے درمیان حالات انتہائی کشیدہ ہیں، عامرخان گزشتہ کافی عرصے سے فریال کو طلاق دینا چاہتے تھے لیکن فریال علیحدگی کے حق میں نہیں تھیں، انہوں نے عامرکودھمکی بھی دی تھی کہ عامرنے اگرانہیں طلاق دینے کا سوچا یا عدالت سے رجوع کیا تووہ انہیں برباد کردیں گی۔ واضح رہے کہ عامراورفریال کی ایک بیٹی لامائساہ خان ہے جسے دونوں بے حد پیار کرتے ہیں اورعامرخان اکثراپنی بیٹی کے ساتھ تصاویرسوشل میڈیا پرشیئر کرتے رہتے ہیں۔

August 25, 2017

ورلڈ الیون کے اسکواڈ کا اعلان ،قومی ٹیم کی قیادت سرفراز احمد کو سونپی گئی

جدت ویب ڈیسک :قذافی اسٹیڈیم میں میڈیا سےگفتگو کرتے ہوئے نجم سیٹھی نے ورلڈ الیون کے اسکواڈ کا اعلان کیاپی سی بی اعلامیے کے مطابق سرفراز احمد ورلڈ الیون کے خلاف پاکستانی ٹیم کی قیادت کریں گے جبکہ دیگر کھلاڑیوں میں حسن علی، شاداب خان، جنید خان، عمر امین، عماد وسیم، فخر زمان، احمد شہزاد، بابر اعظم اور شعیب ملک شامل ہیں۔دیگر کھلاڑیوں میں محمد نواز، فہیم اشرف، عمر یامین، محمد عامر، رومان رئیس، عثمان شنواری اور سہیل خان بھی شامل ہیں۔قومی ٹیم کے چیف سلیکٹر انضمام الحق کا کہنا ہے کہ کھلاڑیوں کی حالیہ کارکردگی کو دیکھ کر انہیں اسکواڈ میں شامل کیا گیا، ٹیم میں سینئر اور جونیئر کھلاڑیوں کا کمبی نیشن بنایا گیا ہے، ورلڈ الیون کی قیادت جنوبی افریقی کھلاڑی ڈوپلیسی کریں گے۔ٹیم میں بھارت کا کوئی کھلاڑی شامل نہیں ہے، ورلڈ الیون کی ٹیم ان کھلاڑیوں پر مشتمل ہے، فاف ڈوپلیسی (کپتان)، عمران طاہر، ہاشم آملہ، جارج بیلی، پال کولنگ ووڈ، گرانٹ ایلیٹ، ڈیوڈ ملر، بین کٹنگ، مورنی مورکل، تھسارا پریرا، سیموئل بدری، ڈیرن سیمی، تمیم اقبال اور ٹیم پین، جبکہ کوچنگ کے فرائض اینڈی فلاور انجام دیں گے۔چیئرمین پیسی بی نے کہا کہ پاکستان انٹرنیشنل کرکٹ کے لیے محفوظ ہے، تمام غیر ملکی کھلاڑیوں نے سیکیورٹی کے حوالے سے اقدامات پر بھرپور اطمینان کا اظہار کیا ہے، ورلڈ الیون کی ٹیم میں 7 ممالک کے کھلاڑی شامل ہیں، ورلڈ الیون کی قیادت فاف ڈوپلیسی کریں گے، تین ٹی ٹوئنٹی میچز 12، 13 اور 15 ستمبر کو لاہور میں کھیلے جائیں گے

 

۔

 

 

 

 

 

August 25, 2017

حفیظ اور وہاب کو ورلڈ الیون کیخلاف ٹیم کا حصہ بنانے پر اتفاق نہ ہوسکا

لاہور جدت ویب ڈیسک پاکستان کرکٹ ٹیم کے سابق کپتان محمد حفیظ اور فاسٹ بولر وہاب ریاض کو ورلڈ الیون کے خلاف ٹیم کا حصہ بنانے پر اتفاق نہ ہوسکا۔نجی ٹی وی نے ذرائع کے حوالے سے بتایا کہ قومی کرکٹ ٹیم کے ہیڈ کوچ مکی آرتھر ورلڈ الیون کے خلاف نوجوان کھلاڑیوں کو موقع دینا چاہتے ہیں۔ ذرائع کے مطابق دونوں کھلاڑیوں کو ورلڈ الیون ٹیم کا حصہ نہ بنائے جانے سے متعلق آگاہ کردیا گیا ہے جس کے بعد دونوں کھلاڑیوں نے ویسٹ انڈیز میں کھیلی جانے والی کیربین پریمیر لیگ کو دستیابی سے متعلق آگاہ کردیا ہے ۔ذرائع کے مطابق محمد حفیظ کیربین پریمئر لیگ میں سینیٹ کٹس ٹیم کی نمائندگی کر رہے ہیں جو فٹنس ٹیسٹ کے لئے پاکستان آئے تھے تاہم اب انہیں آگاہ کردیا گیا ہے کہ وہ ورلڈ الیون کے خلاف ٹیم کا حصہ نہیں ہوں گے ۔ذرائع کے مطابق فاسٹ بولر وہاب ریاض 27 اگست کو ویسٹ انڈیز روانہ ہوں گے جو سی پی ایل کی فرنچائز بارباڈوس کی نمائندگی کر رہے ہیں اور وہ کیربین پریمیئر لیگ کے باقی میچز کھیلیں گے ۔خیال ہے کہ فاف ڈپلوسی کی قیادت میں ورلڈ الیون کی 14 رکنی ٹیم 11 ستمبر کو پاکستان آئے گی اور قذافی اسٹیڈیم لاہور میں پاکستان کے خلاف تین ٹی ٹوئنٹی میچز کھیلے گی۔پاکستان الیون اور ورلڈ الیون کے درمیان12، 13 اور 15 ستمبر کو میچز ہوں گے ۔ورلڈ الیون ٹیم کا حصہ بننے والوں میں جنوبی افریقا سے ہاشم آملہ عمران طاہر مورنی مورکل اور ڈیوڈ ملر شامل ہیں۔آسٹریلیا سے جارج بیلی ٹم پین ویسٹ انڈیز سے سیموئل بدری اور بین کٹنگ، انگلیںڈ سے پال کولنگ وڈ، نیوزی لینڈ سے گرینٹ ایلیٹ، بنگلادیش سے تمیم اقبال اور سری لنکا سے تھسارا پریرا بھی ورلڈ الیون ٹیم کا حصہ ہوں گے ۔