جدت ویب ڈیسک ؛سوئس ٹینس اسٹار راجر فیڈرر نے کروشین حریف مارین چیلچ کوفائنل میںشکست دے کر ومبلڈن مینز کا ٹائٹل اپنے نام کرلیا ۔
راجر فیڈرر 8 بارومبلڈن ٹائٹل جیتے کے ساتھ ہی آسٹریلین اوپن اور امریکن اوپن 5،5،فرنچ اوپن 1اور گرینڈ سلم ٹائٹل 19 بار جیتا ہے لندن میں کھیلے جارہے ایونٹ میں شاندار فتح کے ساتھ ہی35 سالہ راجر فیڈرر 8بار ومبلڈن جیتے والے پہلے کھلاڑی بن گئے۔سوئس ٹینس اسٹار نے فائنل میں کروشین حریف اسٹریٹ سیٹس میں 6۔3۔6۔1، اور 6۔4 سے زیر کیا ۔
لاہور جدت ویب ڈیسک پاکستان کرکٹ ٹیم کے سابق آل رائونڈر عبد الزاق نے کہا ہے کہ اب بھی مکمل فٹ ہوں اور خواہش ہوگی کہ ورلڈ الیون کے مقابلوں میں شرکت کروں،پاکستان نے بہت کچھ دیا اور اب اسے لوٹاناچاہتے ہیں ،آل رائونڈرز بنانے کےلئے کھلاڑیوں اور بورڈ کی مدد کرنے کے لئے تیا رہوں۔ نجی ٹی وی سے گفتگو کرتے ہوئے انہوں نے کہا کہ اب کرکٹ بدل چکی ہے اور ٹی ٹونٹی کی وجہ سے کرکٹ میں تبدیلی کے ساتھ ساتھ اب موجودہ دور کی کرکٹ بھی تیز ہو گئی ہے ۔ موجودہ دور میں تیز کھیلنے والے کھلاڑیوں کی ڈیمانڈ زیادہ ہے ۔انہوںنے کہا کہ میر ے ساتھ زیادتی ہوئی ہے ابھی میری کرکٹ باقی تھی ،سابق کوچ وقار یونس نے میرے کیرئیر کو نقصان پہنچایا حالانکہ میںمزید کرکٹ کھیل سکتا تھا۔ انہوںنے کہا کہ بڑی ہٹ مارنا ایک تکنیک ہے جس کےلئے کھلاڑیوں کو بتانے کی ضرورت ہے اور میں اس کے لےئے بورڈ اور کھلاڑیوں کی مدد کے لئے تیار ہوں۔
لند ن جدت ویب ڈیسک پاکستان کرکٹ ٹیم کے کپتان سرفرازاحمد نے انگلینڈ کے نیٹ ویسٹ ٹی ٹوئنٹی بلاسٹ کےلئے یارکشائر سے معاہدے پر دستخط کردئیے۔میڈیا رپورٹ کے مطابق چمپیئنزٹرافی میں کامیابی حاصل کرنے والی پاکستان ٹیم کے کپتان سرفراز احمد کاؤنٹی ٹیم میں آسٹریلوی کھلاڑی پیٹرہینڈز کومب کی جگہ لیں گے۔ہینڈزکومب کو آسٹریلوی ٹیم کے دورہ بنگلہ دیش کے سلسلے میں ٹریننگ کیمپ میں شرکت کرنا ہے تاہم آسٹریلیا کے کرکٹ بورڈ اور کھلاڑیوں کے درمیان معاوضے کا تنازع تاحال حل نہ ہوسکا ۔سرفرازاحمد متوقع طور پر ٹی ٹوئنٹی بلاسٹ کے 5 میچوں میں یارکشائر کی نمائندگی کریں گے اور انھوں نے اس کی تصدیق کرتے ہوئے وکٹ کیپرکی ذمہ داریاں سنبھالنے پر خوشی کا اظہار کیا۔پاکستان کرکٹ بورڈ نے سرفرازاحمد کو چمپیئنز ٹرافی کے فائنل میں بھارت کو شکست دینے کے بعد ٹیسٹ ٹیم کا بھی کپتان مقرر کیا تھا۔خیال رہے کہ مصباح الحق دورہ ویسٹ انڈیز کے بعد کرکٹ سے کنارہ کش ہوگئے تھے جس کے بعد سرفراز کو ٹی ٹوئنٹی اور ایک روزہ ٹیم کی قیادت کے علاوہ ٹیسٹ کی قیادت بھی تفویض کردی گئی تھی۔انگلش کاؤنٹی یارکشائر اس وقت نارتھ گروپ آف بلاسٹ میں دوسرے نمبر پر موجود ہے جہاں ٹیم نے اب تک ایک میچ میں کامیابی، ایک میں شکست اور ایک میچ برابر کھیلا ہے جبکہ ایک میچ معطل کردیا گیا تھا۔
ڈاکار جدت ویب ڈیسک افریقی ملک سینیگال کے دارالحکومت ڈاکار کے ڈیمبا ڈیئوپ سٹیڈیم میں دیوار گر جانے سے آٹھ افراد ہلاک اور 49 زخمی ہو گئے۔غیرملکی خبررساں ادارے کے مطابق یہ واقعہ ڈیمبا ڈیئوپ سٹیڈیم میں دو فٹبال ٹیموں کے درمیان کھیلنے جانے والے میچ کے دوران پیش آیا۔حکام کے مطابق سٹیڈیم میں سٹیڈ ڈی بور اور یونین سپورٹو اواکم کے درمیان لیگ کپ کا فائنل میچ ہو رہا تھا جس میں ایکسٹرا ٹائم میں سٹیڈ ڈی بور کی ٹیم نے گول کر کے 2-1 کی برتری حاصل کر لی جو کہ میچ کے اختتام تک محفوظ رہی۔آخری سیٹی بجتے ہی دونوں ٹیموں کے شائقین کی آپس میں لڑائی شروع ہو گئی۔ پولیس نے تماشایئوں کو روکنے کے لیے آنسو گیس کا استعمال کیا جس سے سٹیڈیم میں افراتفری پھیل گئی اور اسی بھگڈر میں دیوار گر گئی۔میدان سے آنے والی تصاویر میں دیکھا جا سکتا ہے کہ لوگ دھویں میں دیوار پھلانگنے کی کوشش کر رہے ہیں۔میدان میں ایمبولینس اور فائر بریگیڈ کی گاڑیاں موجود تھیں۔سٹیڈیم میں موجود چیکا مابا ڈیئوپ، جن کے ایک دوست کی اس حادثے میں موت ہو گئی، نے خبر رساں ادارے سے بات کرتے ہوئے نے بتایا کہ دیوار اچانک گر گئی اور ہمیں اسی وقت معلوم ہو گیا تھا کہ ہمارے جاننے والوں کی موت ہو گئی ہو گی کیونکہ دیوار سیدھی ان پر گری تھی۔ملک کے صدر میکی سال کے ترجمان نے بتایا کہ سنیگال میں جاری انتخابی مہم اس واقعہ کے بعد معطل رہے گی اور کہا کہ ذمہ داران کو ‘سزا ملنی چاہیے تاکہ ایسا دوبارہ نہ ہو۔
لندن جدت ویب ڈیسک سری لنکن بیٹسمین کمار سنگاکارا نے چھکا لگاکر اسٹینڈ میں بیٹھے ہوئے شائق کا موبائل فون توڑ ڈالا۔یہ واقعہ گزشتہ دنوں سرے اور مڈل سیکس کے درمیان منعقدہ انگلش ٹی 20 میچ میں پیش آیا۔ اپنی 40 ویں سالگرہ سے 2 دنوں کی دوری پر موجود سنگاکارا نے اس مقابلے میں سرے کیلئے 70 رنز بنائے تھے، ان کی اننگز میں 6 چوکے اور3 چھکے شامل رہے، ایک چھکے پر اسٹینڈز میں بیٹھے شائق نے کیچ تھامنا چاہا تاہم اس کی قیمت موبائل فون کی تباہی سے بھرنا پڑگئی، اس کی ویڈیو سوشل میڈیا پر بھی وائرل ہوگئی تھی۔#
کولمبوجدت ویب ڈیسک سری لنکا کے عظیم کپتان ارجنا رانا ٹنگا نے ورلڈ کپ 2011 کا فائنل فکس قرار دیتے ہوئے فائنل مقابلے کی فوری طور پر تحقیقات کا مطالبہ کیا ہے۔ورلڈ کپ 2011 کو چھ سال بیت چکے ہیں لیکن بھارت کے چیمپیئن بننے کے چھ سال بعد ارجنا رانا ٹنگا نے اس ایونٹ پر سوالیہ نشان لگاتے ہوئے دعویٰ کیا ہے کہ یہ بھارت اور سری لنکا کے درمیان کھیلا گیا فائنل فکس تھا۔یاد رہے کہ سری لنکا کے سابق کپتان کا یہ بیان سابق عظیم سری لنکن بلے باز کمار سنگاکارا کے بیان کے بعد سامنے آیا ہے جنہوں نے کہا تھا کہ اس بات کی تحقیقات ہونی چاہیے کہ 2009 کے دورہ پاکستان کی اجازت کس نے دی تھی اور اس بارے میں حکام سے پوچھ گچھ ہونی چاہیے۔2009 میں پاکستان کے دورے پر آنے والی سری لنکن ٹیم پر لاہور میں دہشت گردوں نے حملہ کردیا تھا جس میں چند کرکٹرز زخمی بھی ہوئے تھے اور اس حملے کے بعد پاکستان پر انٹرنیشنل کرکٹ کے دروازے بند ہو گئے تھے۔رانا ٹنگا نے کہا کہ اگر سنگارا دورہ پاکستان کے حوالے سے تحقیقات چاہتے ہیں تو بالکل ٹھیک ہے لیکن پھر میرے خیال میں اس بات کی بھی تحقیقات ہونی چاہیے کہ 2011 کے ورلڈ کپ فائنل میں سری لنکن ٹیم کو کیا ہوا تھا۔ میرے خیال میں وزیر کھیل کو فٹنس مسائل کے بجائے اس بات پر توجہ دینی چاہیے۔سری لنکا کو 1996 کا ورلڈ کپ جتوانے والے کپتان اس رات ممبئی میں ہونے والے فائنل کے کمنٹری پینل میں موجود تھے اور انہوں نے کہا کہ سری لنکن ٹیم کی کارکردگی سے وہ بہت مایوس ہوئے تھے۔انہوں نے کہا کہ میں یہ تو نہیں بتا سکتا کہ اس دن کیا ہوا تھا، وقت آنے پر ایک دن اس راز پر سے ثبوتوں کے ساتھ پردہ اٹھاؤں گا لیکن اس سلسلے میں تحقیقات ہونی چاہیے۔2011 میں ممبئی یکے وانکھیڈے اسٹیڈیم میں سری لنکا اور بھارت کے درمیان کھیلے گئے میچ میں سری لنکا نے مہیلا جے وردنے کی سنچری کی بدولت 275 رنز اسکور بورڈ پر سجائے لیکن پھر گوتم گمبھیر اور کپتان مہندرا سنگھ دھونی کی شاندار اننگز کی بدولت بھارت نے 28 سال بعد چیمپیئن بننے کا اعزاز حاصل کیا تھا۔
جدت ویب ڈیسک ؛پاکستان کے صوبہ پنجاب کے ایک چھوٹے سے شہر ساہیوال سے تعلق رکھنے والے 16 سالہ محمد نسیم اختر نے چینی کیوئسٹ کو ہرا کر بیجنگ میں منعقدہ انڈر 18 عالمی سنوکر چیمپئن شپ جیتی ہے۔ نسیم اختر جونیئر سنوکر کا عالمی ٹائٹل جیتنے والے پہلے پاکستانی ہیں اور بی بی سی اردو سے بات کرتے ہوئے نسیم نے اس جیت کو ملک کے نام معنون کیا۔ان کا کہنا تھا کہ ’مجھے بہت خوشی ہو رہی ہے اور میں اپنی یہ جیت عوام اور اپنے والدین کے نام کرتا ہوں جن کی دعاؤں سے آج مجھے یہ مقام ملا ہے۔نسیم اختر کے مطابق ساہیوال سے چین تک کا ان کا یہ سفر آسان نہیں تھا۔’راستے میں بہت سی مشکلات آئیں۔ ایک وقت تھا ہمارے پاس پریکٹس کی لیے ٹیبل بھی نہیں تھے۔ پھر پاکستان بلیئرڈ اور سنوکر ایسوسی ایشن نے ہمارے لیے مختلف شہروں میں کیمپ لگائے۔ ایران سے ہمارے لیے کوچ کو بلوایا گیا۔ ان کی کوچنگ سے میری گیم میں کافی نکھار آیا۔خیال رہے کہ چین میں ہونے والی سنوکر کی عالمی چیمپیئن شپ میں 29 ممالک کے 48 کھلاڑیوں نے حصہ لیا۔ پاکستان کی جانب سے نسیم اختر کے ساتھ حارث طاہر نے بھی انڈر 18 کی چیمپئن شپ میں حصہ لیا۔البتہ حارث کو اپنے ہی ہم وطن نسیم کے ہاتھوں شکست کا سامنا کرنا پڑا تھا۔ نسیم اختر کہتے ہیں کہ انھوں نے یہ چیمپیئن شپ تو جیت لی لیکن اس بڑی جیت کے پیچھے ایک لمبا سفر رہا ہے۔’پہلے میں نے پنجاب چیمپیئن شپ جیتی، پھر نیشنل انڈر 18 اور 21۔ اس کے بعد میں انڈیا گیا اور وہاں ایشیئن سیمی فائنلسٹ بنا اور اب انڈر 18 عالمی سنوکر چیمپیئن کا ٹائٹل حاصل کیا ہے۔ اب میرا اگلا ہدف عالمی انڈر 21 ہے۔حارث طاہر کو چین کے زینگ نے مات دی جبکہ نسیم اختر چین کے حریف منگکی سے تین کے مقابلے میں چار فریم سے میچ ہار گئے’پہلا میچ مجھ سے صحیح سے کھیلا نہیں گیا، میری گیم اتنی اچھی نہیں تھی لیکن پھر بھی ہار جیت گیم کا حصہ ہے۔ اب اگلے میچ جیتنے کی پوری کوشش کروں گا۔عالمی سنوکر چیمپیئن شپ میں بدھ سے انڈر 21 کے مقابلوں کا آغاز ہو گیا ہے جس میں پاکستان کے دونوں کھلاڑی جیت کے لیے پرعزم ہیں البتہ پہلے روز کے مقابلوں میں دونوں کا آغاز بہتر نہ رہا۔
ناگپور جدت ویب ڈیسک پیرا لمپک گیمز سوئمنگ چمپئن شپ میں بھارت کے لیے سلور میڈل حاصل اور ورلڈ چمپئن شپ میں کوالیفائی کرنے والی معذور ایتھلیٹ کانچن مالا پانڈے کو جرمنی میں بھیک مانگنا پڑی اور لاکھوں روپے قرض لینا پڑا۔بھارتی میڈیا رپورٹس کے مطابق گزشتہ برس ریو اولمپک میں بھارت کے پیرا اولیمپئنز نے 4 میڈلز اپنے نام کیے جس پر خوب جشن منایا گیا مگر اس سال پیرا لمپک سوئمنگ چمپئن شپ میں بھارت کی نمائندگی کرنے والی ناگپور کی معذور ایتھلیٹ کانچن مالا پانڈے نے جرمنی کی سڑکوں پر بھیک مانگ کر مقابلوں میں حصہ لیا کیوں کہ بھارتی حکومت کی جانب سے ان کی کوئی مدد نہیں کی گئی تھی۔معذور ایتھلیٹ نے بھیک میں ملے ہوئے پیسوں سے نہ صرف سوئمنگ چمپئن شپ میں سلور میڈل جیتا بلکہ بھارت کی جانب سے ورلڈ چمپئن شپ کیلئے کوالیفائی کرنے والی پہلی خاتون ایتھیلیٹ کا اعزاز بھی حاصل کیا تاہم اس کے باوجود بھی ایتھلیٹ کو بھارتی حکومت کی جانب سے کسی قسم کی پذیرائی حاصل نہیں ہوئی۔ یہاں تک کہ حکومت کی جانب سے ایتھلیٹ کےلئے ٹور کے انتظامات بھی نہیں کیے گئے۔دوسری جانب غیر ملکی خبر ایجنسی سے بات کرتے ہوئے کانچن مالا پانڈے کا کہنا تھا کہ مجھے ہر حال میں ورلڈ چمپئن شپ کےلئے کوالیفائی کرنا تھا، پتہ نہیں کیوں پیرا لمپک کمیٹی اس کی اہمیت کو نہیں سمجھتی جبکہ صورتحال اتنی شدید ہو گئی تھی کہ مجھے ٹورنامنت میں شرکت کے لیے 5 لاکھ کا قرض لینا پڑا۔
کراچی جدت ویب ڈیسک چیمپیئنز ٹرافی کی فاتح پاکستانی ٹیم کے کپتان سرفراز احمد نے کہا ہے کہ نو سال سے ہوم گراؤنڈ پر کرکٹ نہ ہونے سے پاکستان کرکٹ کو بہت زیادہ نقصان ہوا ہے اور انٹرنیشنل ٹیموں سے دورہ پاکستان کا مطالبہ کیا۔ انہوں نے مزید کہا کہ پہلا میچ ہارنے پر بہت تنقید ہوئی اور ٹیم کا مورال بھی بہت ڈاؤن تھا لیکن پھر ٹیم مینجمنٹ کو کریڈٹ جاتا ہے جس نے کھلاڑیوں کی حوصہ افزائی کی اور اس کے بعد کھلاڑیوں نے شاندار کھیل پیش کر کے ٹیم کو چیمپیئن بنوایا۔ اس جیت سے پاکستان کرکٹ میں ایک نئی جان آ گئی ہے اور آنے والے وقتوں میں اور اچھے نتائج سامنے آئیں گے ۔انہوں نے کہا کہ چیمپیئنز ٹرافی کے بعد ہماری کوشش ہو گی کہ ہم مستقل مزاجی دکھائیں اور اپنی کارکردگی میں زیادہ سے زیادہ بہتری لائیں۔ سینئرز سے مشورہ نہ لینے کے تاثر کو رد کرتے ہوئے سرفراز نے کہا کہ ایسا نہیں کہ میں سینئر کھلاڑیوں سے مشورے نہیں لیتا، سینئر کھلاڑیوں سے مشورہ لیتا ہوں، شعیب ملک، اظہر علی اور محمد حفیظ سے بہت اچھے تعلقات اور بات چیت ہے اور جب بھی پوچھتا ہوں تو سب اچھا مشورہ دیتے ہیں۔
