August 16, 2019

پشاور زلمی کے چیئرمین جاوید آفریدی کیلئے اعلیٰ صدارتی ایوارڈ کا اعلان

اسلام آباد: جدت ویب ڈیسک :: حکومتِ پاکستان نے پی ایس ایل کی سب سے مقبول فرنچائز پشاور زلمی کے چیئرمین جاوید آفریدی کو ان کی خدمات کے اعتراف میں اعلیٰ صدارتی ایوارڈ ہلال امتیاز دینے کا اعلان کر دیا ہے۔
صدر پاکستان عارف علوی نے یوم پاکستان 14 اگست کے موقع پرجاوید خان آفریدی کو صدارتی ایوارڈ دینے کا اعلان کیا ہے۔
اس سلسلے میں جاوید آفریدی نے اپنے خیالات کا اظہار کرتے ہوئے کہا کہ ’’ اگرچہ میں نے ملکی خدمت اور نوجوانوں کی پر جوش مگر بردبار رہنمائی کا بیڑہ اُٹھاتے وقت یہ عہد کیا تھا کہ کسی اعزاز، عہدے اور معاوضے سے بالا تر ہو کر قوم و ملک کی خدمت کروں گا‘‘
انہوں نے کہا کہ حکومت پاکستان نے اس اعزاز کا اہل سمجھ کر دراصل مجھے نہیں بلکہ میری فکر اور حوصلے کو داد دی ہے اور میں چاہوں گا کہ محبتوں، کامیابیوں اور ملکی نوجوانوں کی رہنمائی کا یہ قافلہ یو ں ہی رواں دواں رہے ‘‘۔یاد رہے کہ پشاور زلمی نے کھلیوں کے میدان میں نوجوانوں کی رہنمائی اور صحت مند قومی رویوں کو پروان چڑھانے میں کردار ادا کیا ہے۔
جاوید آفریدی نے پشاور زلمی سے منسلک ہر ممبر اور ہر کارکن کا تہہ دل سے شکریہ ادا کرتے ہوئے اس عزم کا اعادہ کیا کہ پشاور زلمی گزشتہ سے بڑھ کر ملکی خدمت اور عوام کی فلاح و بہبود اور نوجوانوں کی بہترین رہنمائی میں قومی ہراول دستے کا کردار ادا کرتی رہے گی۔
وزیراعظم عمران خان نے مبارکباد کے پیغام میں کہا کہ جاوید آفریدی پاکستان میں نوجوانوں کے رول ماڈل کے طور پر ابھرے ہیں اور پشاور زلمی اور زلمی فاونڈیشن کھیلوں کے فروغ کے لیے بہترین کام کررہے ہیں۔

August 14, 2019

ہٹ دھرم بھارت ٹینس پلیئرز پاکستان بھیجنے کے وعدے سے مکر گیا

لاہور جدت ویب ڈیسک :کشمیر کے لوگوں پر ظلم کی انتہاکرنے والا بھارت ایک بار پھر ہٹ دھرمی کا مظاہر ہ کرتے ہوئے ڈیوس کپ ٹائی کیلئے اپنے ٹینس پلیئرز پاکستان بھیجنے سے وعدے سے مکر گیا اور انٹرنیشنل ٹینس فیڈریشن سے میچز کو پاکستان سے منتقل کرنے کا مطالبہ کردیا۔تفصیلات کے مطابق مقبوضہ کشمیر کی خصوصی حیثیت کو ختم کرکے پاکستان کیساتھ کشیدگی بڑھانے کے ذمہ دار بھارت نے انٹرنیشنل ٹینس فیڈریشن سے ڈیوس کپ ٹائی کے میچز کا مقام کسی اور ملک منتقل کرنے کا مطالبہ کیا ہے۔رپورٹ کے مطابق ایشین اوشیانا گروپ ون کے ٹائی مقابلے اسلام آباد کے پاکستان سپورٹس کمپلیکس میں 14 اور 15 ستمبر کو شیڈول ہیں ، جس میں شرکت کیلئے بھارت نے اپنی ٹیم پاکستان بھیجنے کا وعدہ کیاتھااور جولائی میں کھلاڑیوں کے پاکستان آنے کی تصدیق کی اوربعدازاں اپنی ٹیم کا اعلان بھی کردیاتھاتاہم اب اچانک میچز کا وینیوتبدیل کرنے کامطالبہ کردیا۔آل انڈیا ٹینس ایسوسی ایشن کے صدر پراوین مہاجن نے بتایا کہ ہم نے آئی ٹی ایف سے ڈیوس کپ ٹائی کے میچز کیلئے غیر جانبدار مقام کا مطالبہ کیا ہے کیونکہ اس وقت صورتحال غیر متوقع ہے ،انٹرنیشنل ٹینس فیڈریشن کی جانب سے رواں ہفتے ہماری درخواست کا جواب دیاجائیگا۔ واضح رہے کہ بھارت کی ٹینس ٹیم نے ڈیوس کپ ٹائی کیلئے 55 سال بعد پاکستان کا دورہ کرنا تھا ،بھارتی ٹیم 1964میں آخری مرتبہ پاکستان آئی تھی جبکہ 2006 میں پاکستان نے ممبئی میں میچز کھیلے تھے۔

August 14, 2019

شاہد آفریدی نے اپنی گاڑی اور گھر پر کشمیر کا جھنڈا لہرا دیا

لاہور جدت ویب ڈیسک :قومی کرکٹ ٹیم کے سابق کپتان اور آل رانڈر شاہد آفریدی نے اپنی گاڑی اور گھر پر کشمیر کا جھنڈا لہرا دیا۔گلوبل ٹی ٹونٹی میں دھواں دار اننگز کھیلنے کے بعد شاہد آفریدی نے وطن واپس پہنچ گئے۔سماجی رابطے کی ویب سائٹ ٹوئٹر پر شاہد آفریدی کے بھائی مشتاق آفریدی نے اپنے بھائی کو کینیڈین کرکٹ بورڈ کے زیر اہتمام گلوبل ٹی ٹونٹی کرکٹ لیگ کے دوسرے ایڈیشن میں شرکت کر کے وطن واپسی پر انہیں ویلکم بیک کہتے ہوئے ویڈیو اپلوڈ کی۔ویڈیو میں شاہد آفریدی کی گاڑی نظر آرہی ہے جس کے فرنٹ میں پاکستان کا جھنڈا چسپاں ہے جبکہ گاڑی کی پچھلی سیٹس پر کشمیر کا جھنڈا لہراتا ہوا نظر آرہا ہے،ویڈیو میں شاہد آفریدی اپنے مداحوں سے ہاتھ بھی ملا رہے ہیں اور انہیں جشن آزادی کی مبارکباد بھی دے رہے ہیں۔یاد رہے کہ ملک بھر میں 72 واں جشن آزادی ملی جوش و جذبے کےساتھ منایا جارہا ہے۔پاکستان سمیت دنیا بھرمیں جہاں جہاں پاکستانی مقیم ہیں وہ 14اگست کو یوم آزادی کشمیر بنے گا پاکستان کے جوش وجذبے کے تحت منا رہے ہیں۔ یوم آزادی پر دن کا آغاز نماز فجر کے بعد مساجد میں وطن کی سلامتی، ملک و قوم کی ترقی و خوشحالی، قومی یکجہتی اور اخوت و بھائی چارے کی دعاں سے ہوا۔ وفاقی دارالحکومت میں 31 جبکہ صوبائی داراالحکومتوں میں 21 ، 21 توپوں کی سلامی دی گئی۔یوم آزادی کے موقع پر رات 12 بجتے ہی جشن آزادی منانے کےلئے فیملیز اور منچلوں کی بڑی تعداد سڑکوں پر نکل آئی، شہری گاڑیوں موٹر سائیکلوں اور رکشوں پر گھومنے لگے اور پاکستان زندہ باد کےساتھ ساتھ کشمیر بنے گا پاکستان کے نعرے بھی لگاتے رہے۔ کچھ نوجوان ڈھول کی تھاپ پر بھنگڑے بھی ڈالتے رہے اور گاڑیوں کو شاہراہوں کے درمیان کھڑی کرکے گانوں کی دھنوں پر رقص کرتے رہے۔بھارت نے مقبوضہ کشمیر میں تحریک آزادی دبانے کےلئے جو یک طرفہ اقدام کیا ہے اس نے پوری پاکستانی قوم کو جگا دیا ہے اور ہرپاکستانی اپنے کشمیری بھائیوں کے ساتھ اظہار یکجہتی کے لیے قومی پرچم کے ساتھ آزاد کشمیر کا پرچم بھی لہرا رہا ہے۔شہریوں کا کہنا ہے ہمارے دل کشمیریوں کےساتھ دھڑکتے ہیں، مشکل کی اس گھڑی میں ہم کشمیری بھائیوں کے ساتھ ہیں جبکہ بچوں کا جوش و جذبہ بھی دیدنی ہے۔دنیا بھر کی طرح پاکستانی قوم نے بھی تحریک آزادی کشمیر کےخلاف بھارتی ہتھکنڈے مسترد کردیئے ہیں اور اس بار یوم آزادی کو بطور یکجہتی کشمیر منانےکا عزم کیا ہے۔

August 14, 2019

محمد حفیظ ویٹالٹی بلاسٹ کیلئے مڈل سیکس کانٹی سے منسلک

لندن جدت ویب ڈیسک :قومی کرکٹ ٹیم کے سینئر آل رانڈر محمد حفیظ نے مختصر معاہدے کے تحت انگلش کانٹی مڈل سیکس کو جوائن کرلیا جہاں وہ جنوبی افریقی بیٹسمین ابراہام ڈی ویلیئرز کی جگہ وٹالٹی بلاسٹ کے تین ٹی ٹونٹی میچوں میں شرکت کریں گے۔واضح رہے کہ ابراہام ڈی ویلیئرز لیگ مرحلے کے اختتامی عرصے میں 29 اگست کو ہمپشائر کیخلاف میچ سمیت دو مقابلوں کیلئے دوبارہ مڈل سیکس سے منسلک ہو جائیں گے اور اگر ان کی ٹیم نے کوالیفائی کرلیا تو پھر وہ ناک آٹ رانڈ میں بھی شرکت کریں گے۔کینیڈا میں جاری گلوبل ٹی ٹونٹی لیگ میں ایڈمنٹن رائلز کی نمائندگی کرنے میں مصروف محمد حفیظ کی ذمہ داریاں ختم ہو گئی ہیں جو آج انگلینڈ پہنچ کر انگلش کانٹی ایسیکس کیخلاف میدان سنبھال سکتے ہیں جبکہ انہیں ابراہام ڈی ویلیئرز کی سکواڈ میں واپسی سے قبل ہمپشائراور سسیکس کیخلاف میچز کھیلنے کا بھی موقع ملے گا۔ماضی میں لیورپول لیگ میں کھیلنے والے محمد حفیظ پہلی مرتبہ کانٹی کرکٹ کے دوران ایکشن میں نظر آئیں گے جن کو حالیہ موقع افغان سپنر مجیب الرحمن کی وجہ سے بھی ملا ہے جو وطن واپس طلب کر لئے گئے ہیں۔مڈل سیکس کے ڈائریکٹر آف کرکٹ اینگس فریزر کے مطابق وہ بہت خوش ہیں کہ انہیں محمد حفیظ جیسے تجربہ کار اور اہل پلیئر کی خدمات حاصل ہوئی ہیں جو ٹی ٹونٹی بلاسٹ کے کچھ میچوں میں حصہ لیں گے۔ان کا کہنا تھا کہ ابراہام ڈی ویلیئرز اور مجیب الرحمن کا خلاپر کرنے کیلئے مناسب متبادل کی تلاش کوئی آسان کام نہیں تھا تاہم جن امیدواروں کے ناموں پر غور کیا ان میں محمد حفیظ ٹاپ پر تھے۔

August 10, 2019

شعیب ملک کے چھکوں نے کھڑکیوں کے شیشے توڑ دیئے

برامپٹن جدت ویب ڈیسک :گلوبل ٹوئنٹی 20 کینیڈا لیگ کے پہلے کوالیفائر میں ورلڈ کپ میں ناکامی کا داغ اپنے منہ پر لگانے والے شعیب ملک کے چھکوں نے کھڑکیوں کے شیشے توڑ دیئے۔گلوبل ٹوئنٹی 20 کینیڈا لیگ کے پہلے کوالیفائر میں وینکوور نائٹس نے برامپٹن وولوز کو ڈی ایل میتھڈ پر77رنز سے مات دے کر فائنل میں جگہ بنالی۔ فاتح الیون نے 16 اوورز میں 4 وکٹ پر 170رنز جوڑے، شعیب ملک نے 26 گیندوں پر 46 رنز بنائے، ان کی اننگز میں 3 چوکے اور اتنے ہی چھکے شامل رہے۔شعیب نے ایش سودھی کو 68 میٹر طویل چھکا لگایااور گیند کھڑکی کے شیشے پر لگی، اس کے بعد ہموطن وہاب کو چھکا لگا کر دوسری کھڑکی کا شیشہ بھی توڑدیا، وہاب ریاض اور شاہد آفریدی نے ایک ایک وکٹ لی، ناکام سائیڈ کو ازسرنو 181 کا ہدف ملا لیکن وہ 103رنز پر ڈھیر ہوگئی۔وہاب 5 رنز بناپائے، آفریدی صفر کی خفت سے دوچار ہوئے، کولن منرو 62رنز بناکر نمایاں رہے۔ایلیمنیٹر میں ونیپیگ ہاکس نے ٹورنٹو نیشنلز کو ڈی ایل پر 2رنز سے قابو کرلیا، ناکام سائیڈ نے 5 وکٹ پر 238رنز بنائے، ہینریچ کلیسن (106) اور روڈریگو تھامس(73) نمایاں رہے،عرفان نے 2 وکٹیں اپنے نام کیں۔فاتح الیون نے 17.1 اوورز میں 5 وکٹ پر ہدف حاصل کرلیا، عمر اکمل1رن بنا سکے، کپتان جین پال ڈومنی 85رنز بناکر نمایاں رہے۔دوسرا کوالیفائر ہفتے کو برامپٹن وولوز اور ونیپیگ ہاکس کے درمیان ہوگا۔

August 10, 2019

بابر اعظم نے انگلینڈ میں جاری ٹی ٹونٹی ٹورنامنٹ میں سنچری داغ دی

ٹانٹن جدت ویب ڈیسک :انٹرنیشنل کرکٹ کونسل(آئی سی سی) کی ٹی ٹونٹی رینکنگ میں نمبر ون بلے باز بابر اعظم نے انگلینڈ میں جاری ویٹالیٹی ٹی ٹونٹی ٹورنامنٹ میں سنچری داغ دی۔گزشتہ روز سمرسٹ کی نمائندگی کرتے ہوئے سلامی بلے باز نے اپنی بہترین فارم کا سلسلہ جاری رکھا اور 55 گیندوں پر 7چوکوں اور6 چھکوں کی مدد سے ناقابل شکست سنچری سکور کی،بابر اعظم کی بہترین بلے بازی کی بدولت سمرسیٹ نے ہیمپشائر کو جیت کے لئے 202 رنز کا ہدف دیا اور ان کے چار کھلاڑی آٹ ہوئے۔جواب میں ہیمپشائر کا آغاز اچھا ثابت نہ ہو سکا اور 12ویں اوور کے اختتام پر انہوں نے 69 رنز سکور کئے جبکہ اس کے چھ کھلاڑی آٹ ہوئے،اس دوران بارش کے باعث میچ کو روکنا پڑا۔بابر اعظم اس وقت ٹورنامنٹ میں سب سے زیادہ رنز سکور کرنےوالے کھلاڑی بھی بن چکے ہیں، انہوں نے 70 کی اوسط اور 155 کے سٹرائیک ریٹ کی مدد سے 8 میچز میں 425 رنز بنا لیے ہیں،بابر کے بعد آسٹریلین بلے باز ڈارسی شارٹ کا نمبرآتا ہے جو ان سے 99 رنز کی دوری پر کھڑے ہیں۔سمرسیٹ ٹیم کے کپتان نے بابر کی عمدہ کارکردگی پر بات کرتے ہوئے کہا کہ آپ دیکھ سکتے ہیں کہ پاکستانی بلے باز کیوں ٹی ٹونٹی کے نمبر ون بلے باز ہیں۔انہوں نے کہا کہ بابر بقیہ تمام ٹیم سے ایک الگ ہی کرکٹ کھیل رہے ہیں جس طرح وہ صفائی سے شاٹ کھیلتے ہیں اس کی جتنی بھی تعریف کی جائے وہ کم ہے