October 16, 2018

وسیم اکرم میرے آئیڈیل ہیں‘میر حمزہ

ابو ظہبی جدت ویب ڈیسک :آسٹریلیا کے خلاف ابو ظہبی ٹیسٹ میں ڈیبیو کرنے والے پاکستانی فاسٹ بولر میر حمزہ نے کہاہے کہ سابق کپتان قومی ٹیم اور ٹیسٹ فاسٹ بولر وسیم اکرم آئیڈیل ہیں ۔بائیں ہاتھ کے فاسٹ بولر میر حمزہ 10ستمبر 1992ئ کو کراچی میں پیدا ہوئے، میڑک کرنے کے بعد کراچی کے معروف پاکستان کرکٹ کلب سے وابستہ ہوئے، انڈر 17 اور 19کے بعد کراچی کے لئے دسمبر 2012ئ میں محمد سمیع کی قیادت میں لاہور شالیمار کے خلاف نیشنل اسٹیڈیم میں فرسٹ کلاس ڈیبیو کیا۔56 فرسٹ کلاس میچوں میں 17.74کی اوسط سے 278 وکٹوں کے مالک میر حمزہ نے کہا کہ قومی ٹیم کے سابق کپتان وسیم اکرم ان کے آئیڈیل ہیں ¾خوش قسمتی ہے کہ وہ عظم فاسٹ بولر کیساتھ کیمپ میں اہم معلومات حاصل کر چکے ہیں جسے وہ اب بین الاقوامی کرکٹ میں استعمال کریں گے۔دبئی میں ٹیسٹ ڈیبیو کرنے کے حوالے سے پوچھے گئے سوال پر میر حمزہ نے کہا کہ اللہ تعالی کو ابوظہبی میں ڈیبیو کروانا مقصود تھا اہم بات یہ ہے کہ دبئی ٹیسٹ کے پانچوں دن باہر بیٹھ کر میں بہت سیکھا اور کوشش ہو گی کہ ٹیسٹ ڈیبیو پر آسڑیلیا کے خلاف عمدہ بولنگ کر کے ٹیم کے کام آسکوں۔آسڑیلوی فاسٹ بولر مچل اسٹارک کے حوالے سے میر حمزہ نے کہا کہ اسٹارک دنیا کے بہترین فاسٹ بولرز میں شمار ہوتے ہیں ¾ان کی ٹیم کے خلاف بولنگ کرنا ایک اچھا احساس ہو گا۔بائیں ہاتھ کے تیز بولر نے کہا کہ ٹیسٹ کرکڑ بننے کی خوشی سب سے پہلے والدہ کو فون پر بتا کر مکمل کی۔انہوں نے کہا کہ سرفراز احمد کی کپتانی میں ڈیبیو حوصلہ افزائی کی بات ہے ¾میں نے ان کے ساتھ کرکٹ کھیلی ہے، کوئٹہ گلیڈئیڑز میں بھی وہ میرے کپتان ہیں، یہ میرے لیے ایک مثبت بات ہے۔

October 15, 2018

پاکستان کیخلاف دوسراٹیسٹ،آسڑیلوی سلیکٹرز مچل سٹارک کے حوالے سے پریشان

دبئی جدت ویب ڈیسک :آسڑیلوی کرکٹ ٹیم کے سلیکٹرز پاکستان کیخلاف دو ٹیسٹ میچوں کی سیریز کے دوسرےٹیسٹ میچ کیلئے اس شش وپنچ میں گرفتارہیں کہ پاکستان کیخلاف دوسرے ٹیسٹ میچ کیلئے فاسٹ باﺅلر مچل سٹارک کو ٹیم کا حصہ بنایا جائے یا نہیں،پہلے ٹیسٹ میچ کے پہلی اننگزمیں مچل سٹارک پاکستان کیخلاف صرف ایک وکٹ حاصل کرنے میں کامیاب ہوسکے تھے جبکہ دوسری اننگزمیں انہوں نے صرف چھ اوورزکرائے تھے اور میدان سے باہرچلے گئے تھے،سلیکٹرز کے مطابق دبئی کی مردہ وکٹ پر مچل سٹارک ریورس سوئنگ کرانے میں بھی ناکام رہے جبکہ ان کی فٹنس بھی مشکوک رہی ان کےمقابلے میں پاکستان کے فاسٹ باﺅلر محمد عباس جنہوں نے میچ میں مجموعی طور پر سات وکٹیں حاصل کی تھیں کی گیند میں ریورس سوئنگ واضح طورپر دکھائی دیا، آسڑیلیا کی ٹیم 2011کے بعدسے ایشیا کی وکٹوں پر کوئی سیریز جیتنے میں کامیاب نہیں ہوسکی ہے کو یہ بھی فکر ہے کہ مچل سٹارک جنہیں پاکستان کیخلاف ٹی ٹونٹی سیریز کیلئے بھی سکواڈ کاحصہ بنایا گیاہے پر بوجھ زیادہ آنے سے ان کی کارکردگی متاثر ہوسکتی ہے۔

October 15, 2018

محمد صالح کاناقابل یقین گول، سب دیکھتے رہ گئے

قاہرہ جدت ویب ڈیسک :سپراسٹار محمد صلاح نے ایک ناقابل یقین گول داغ کر مخالفین کو ورطہ حیرت میں ڈال دیا۔تفصیلات کے مطابق انگلش کلب لیور پول کی طرف سے کھیلنے والا معروف مصری کھلاڑی محمد صلاح نے انوکھا گول اسکور کرے مداحوں کے دل جیت لیے۔افریقہ کپ کے کوالیفائنگ راونڈ میں مصر اور سوئٹزرلینڈ مدمقابل آئے، تو محمد صلاح بھرپور فارم میں تھے۔مصری ٹیم نے یہ مقابلہ بہ آسانی تین صفر سے جیت لیا، مگر ان تین میں سب سے انوکھا گول محمد صلاح کا تھا۔صلاح نے کارنر کک سے براہ راست گول پوسٹ میں پھینک کو سب کو حیران کر دیا۔ واضح رہے کہ کارنر کے اینگل سے گول کرنا انتہائی دشوار ہوتا ہے اور چند ہی عظیم کھلاڑی انٹرنیشنل فٹ بال میں یہ کارنامہ انجام دے سکے ہیں۔محمد صلاح کی کک لگنے کے بعد گیند گھومتی ہوئی گول پوسٹ میں داخل ہوگئی، دفاعی کھلاڑی اور گول کیپر دیکھتے رہ گئے۔واضح رہے کہ مصر میں محمد صلاح کو ہیرو کا درجہ حاصل ہے۔ مصری فٹ بالر برطانیہ میں بھی بہت مقبول ہیں۔گذشتہ دونوں محمد صلاح کو فیفا کی جانب سے بہترین گول کا ایوارڈ دیا گیا تھا۔ یہ گول انھوں نے انگلش کلب ایورٹن کے خلاف اسکور کیا تھا۔

October 15, 2018

عظیم بلے باز ’ایشین بریڈمین‘ ظہیر عباس عارضہ قلب میں مبتلا

کراچی جدت ویب ڈیسک : پاکستان کے سابق ٹیسٹ کپتان اور ایشین بریڈمین کے لقب سے مشہور عظیم بلے باز ظہر عباس عارضہ قلب میں مبتلا ہوگئے۔ظہیر عباس کو دل میں تکلیف کے باعث کراچی کے نجی ہسپتال منتقل کیا گیا جہاں ان کا ایک طویل آپریشن ہوا جس میں ان کی اینجیوگرافی کی گئی اور ان کے دل میں 2 اسٹنٹ بھی ڈالے گئےظہیر عباس کو آپریشن کے بعد دل کے عارضے کے انتہائی نگہداشت کے وارڈ âسی سی یوá میں منتقل کردیا گیا۔ ظہیر عباس کے بھائی کا کہنا ہے کہ 71 سالہ سابق ٹیسٹ کرکٹر کو 12 اکتوبر کو دل میں تکلیف کے بعد مقامی ہسپتال منتقل کیا گیا تھا۔ان کا مزید کہنا تھا کہ ڈاکٹروں نے بغیر کوئی دیر کیے اینجیو گرافی کا فیصلہ کیا تھا کیونکہ ظہیر عباس کے دل کی شریانیں بند ہوچکی تھیں۔ آپریشن کے بعد ڈاکٹروں کا کہنا ہے کہ اس آپریشن میں کئی مسائل کا سامنا تھا لیکن اب انہیں سی سی یو منتقل کردیا گیا ہے جس کے بعد ان کی حالت میں بدستور بہتری آرہی ہے۔ظہیر عباس کے بھائی نے ایشین بریڈمین کی صحتیابی کے لیے دعا کی اپیل بھی کی ہے۔