March 31, 2020

دونوں کا روپ بالکل تبدیل. وسیم اکرم کی اہلیہ شنیرا اکرم نے تصاویر شیئر کی۔

ویب ڈیسک ::آجکل  سب اپنے گھروں میں قید ہیں تو ایسے میں کوئی نہ کوئی فن کر رہا ہے۔۔۔کرونا وائرس سے محفوظ رہنے کے لیے معروف شخصیات نے خود کو گھروں تک محدود کرلیا ہے اور وہ وقت گزارنے کے لیے وہ دلچسپ کام کررہے ہیں۔

یونیسیف کی گزشتہ ہفتے جاری ہونے والی رپورٹ میں بتایا گیا تھا کہ دنیا کے تین ارب سے زائد لوگ گھروں میں رہنے پر مجبور ہیں جبکہ 8 کروڑ سے زائد طالب علم حصولِ تعلیم سے بھی محروم ہیں۔

کرونا وائرس کی روک تھام کے لیے مختلف ممالک کی حکومتوں نے شہروں کو لاک ڈاؤن کر کے عوام کو گھروں پر رہنے کی ہدایت کردی جبکہ کچھ ادارے ایسے بھی ہیں جنہوں نے ملازمین کو گھروں سے کام کرنے کی ہدایت کی۔

تصویر شیئر کرنے والے خود نہیں بتاتے تو انہیں پہچاننا بہت مشکل تھا کیونکہ دونوں کا روپ بالکل تبدیل ہوا نظر آرہا تھا۔
سماجی رابطے کی ویب سائٹ انسٹاگرام پر قومی کرکٹ ٹیم کے سابق کپتان اور کراچی کنگز کے صدر وسیم اکرم کی اہلیہ شنیرا اکرم نے تصاویر شیئر کی۔ایک تصویر میں وسیم اکرم اور اُن کی صاحبزادی عائلہ موجود ہیں جنہوں نے مصنوعی بال (وگ) لگائی ہوئی ہے، وسیم اکرم بھی داڑھی بڑھنے اور چہرہ چھپنے کی وجہ سے پہچان میں نہیں آرہے۔

March 31, 2020

وقاریونس کو اہلیہ کے پیشے پرفخر.فرنٹ لائن پر بطور ایمرجنسی فزیشن خدمات سرانجام دے رہی ہیں۔

ویب ڈیسک ::پاکستان کرکٹ ٹیم کے سابق کپتان وقار یونس نے اپنی اہلیہ ڈاکٹر فریال وقارپراظہار فخر کرتے ہوئے ان کی ہمت بندھائی ہے۔ڈاکٹرفریال کرونا وائرس کے باعث فرنٹ لائن پر بطور ایمرجنسی فزیشن خدمات سرانجام دے رہی ہیں۔سماجی رابطوں کی ویب سائٹ ٹوئٹرپروقار یونس نے لکھا کہ ’’صبح جب ڈاکٹرفریال وقاراسپتال کیلئے نکلتی ہیں تومجھے خوف محسوس ہوتا ہے لیکن جب وہ واپس آتی ہے تو اطمینان محسوس ہوتا ہے‘‘۔اہلیہ کو سراہنے والے وقارنے مزید لکھا ’’مجھے تم پر فخر ہے، یہ لڑائی لڑتی رہو‘‘۔اس سے قبل کرکٹ کمنٹیٹراور کوچ نے ڈاکٹرز اورنرسز کی خدمات کے اعتراف میں انہیں سراہا تھا۔وقار یونس اورڈاکٹرفریال وقار کی شادی کو فروری 2020 میں20 سال مکمل ہوچکے ہیں، فریال وقارآسٹریلیا میں پریکٹس کرتی ہیں۔اس خوش وخرم جوڑے کی دوبیٹیاں اور ایک بیٹا ہے۔

March 21, 2020

پاکستان سپر لیگ کھیلنے والے سیمی نے تنہائی اختیار کرلی

سینٹ لوشیاجدت ویب ڈیسک :کورونا وائرس سے بچاؤ کیلئے ویسٹ انڈین کرکٹر ڈیرن سیمی نے سینٹ لوشیا پہنچ کر تنہائی اختیار کرلی۔ڈیرن سیمی پاکستان سپر لیگ میں شرکت کے بعد وطن واپس پہنچے تھے، انہوں نے ٹوئٹر کے ذریعے اپنے مداحوں کو تنہائی اختیار کرنے کی اطلاع دی۔سیمی نے کہاکہ پاکستان میں میرا کورونا ٹیسٹ منفی آیا تھا لیکن میں نے کچھ احتیاطی تدابیراختیار کی ہیں۔انہوں نے کہا کہ 14 روز انتظار کے بعد ہی اپنے اہل خانہ سے ملاقات کروں گا، وائرس کو پھیلنے سے روکنے کے لیے احتیاط ضروری ہے ، امید ہے یہ وقت گزر جائے گا۔ واضح رہے کہ پاکستان کرکٹ بورڈ نے ملک میں کورونا وائرس کے کیسز سامنے آنے کے بعد پاکستان سپر لیگ کو فوری طور پر ملتوی کردیا جس کے بقیہ سیمی فائنلز اور فائنل کو ری شیڈول کرنے کا فیصلہ کیا گیا ہے اس کے علاوہ پاکستان کرکٹ بورڈ نے پی ایس ایل میں شریک تمام کرکٹرز، فرنچائز مالکان اور سپورٹ اسٹاف کے کووڈ 19 کے ٹیسٹ بھی کرائے جن کے تمام افراد کے ٹیسٹ منفی آئے ہیں۔