February 5, 2018

پاکستان نہیں آئونگا ٗ حسین حقانی نے میمو گیٹ کیس کو سیاسی تماشہ قرار دیدیا

واشنگٹن جدت ویب ڈیسک سابق پاکستانی سفیر حسین حقانی نے میمو گیٹ کیس دوبارہ کھولے جانے کو سیاسی تماشہ قرار دیتے ہوئے کہا ہے کہ بابے رحمتے کے کہنے پر پاکستان نہیں آئونگا ۔اپنے ایک بیان میں حسین حقانی نے کہاکہ سابق چیف جسٹس افتخار چودھری کے بعد 4 چیف جسٹس آئے، کسی نے کیس کو ہاتھ نہیں لگایا۔انہوں نے کہا کہ بابا رحمتے کے کہنے پر پاکستان نہیں آؤں گا ٗ باقی دنیا میں اْن کی نہیں چلتی۔حسین حقانی نے سوال اٹھایا 6 سال پہلے میمو گیٹ کیس کی سماعت 9 رکنی بینچ نے کی تھی ٗاب میموکیس کی سماعت کے لیے صرف 3 رکنی بینچ کیوں؟حسین حقانی نے سوال کیا کہ میمو کیس کے فیصلے میں قانونی غلطیوں پر نظرثانی درخواست کو 6 سال ہوگئے، کیا عدالت اس درخواست کی بھی سماعت کرے گی؟انہوںنے کہا کہ 2011 کے فیصلے میں 2003 میں منسوخ قواعد کا حوالہ دیا گیا۔واضح رہے کہ گزشتہ دنوں چیف جسٹس آف پاکستان جسٹس ثاقب نثار نے بیرون ملک مقیم پاکستانیوں کے حق رائے دہی کے حوالے سے ایک کیس کی سماعت کے دوران میموگیٹ کیس کی تفصیلات طلب کرتے ہوئے ریمارکس دیئے تھے کہ حسین حقانی وطن واپس آکر میمو گیٹ کاسامنا کریں۔بعدازاں رواں ماہ 2 فروری کو چیف جسٹس نے میمو گیٹ کیس کی سماعت کیلئے اپنی سربراہی میں جسٹس عمر عطاء بندیال اور جسٹس اعجاز الاحسن پر مشتمل 3 رکنی بینچ تشکیل دے دیا جبکہ کیس کی سماعت کے لیے 8 فروری کی تاریخ مقرر کی گئی۔سپریم کورٹ نے میموگیٹ کیس میں 24 درخواست گزاروں کو بھی نوٹس جاری کیے، جن میں سابق وزیراعظم نواز شریف، سابق وزیر خزانہ اسحاق ڈار، عبدالقادر بلوچ، غوث علی شاہ، حسین حقانی، اقبال ظفر جھگڑا، راجہ فاروق حیدر،حفیظ الرحمان، مولوی اقبال حیدر اور شفقت اللہ وغیرہ شامل ہیں۔واضح رہے کہ پاکستان پیپلز پارٹی کے گزشتہ دورِ حکومت میں اْس وقت امریکا میں تعینات پاکستانی سفیر حسین حقانی کا ایک مبینہ خط (میمو) سامنے آیا تھا۔

February 5, 2018

نواز شریف کی نظر میں منتخب وزیراعظم کو ہر قسم کی کرپشن کی اجازت ہے‘ عمران خان

لاہور جدت ویب ڈیسک پاکستان تحریک انصاف کے چیئرمین عمران خان کا کہنا ہے کہ نواز شریف کی نظر میں منتخب وزیراعظم کو ہر قسم کی کرپشن کی اجازت ہے،نواز شریف ہمیشہ کی طرح خیبر پختونخوا حکومت سے متعلق جھوٹ پر جھوٹ بول رہے ہیں۔تحریک انصاف کے چیئرمین عمران خان نے ٹوئٹ میں اتوار کے روز پشاور میں نواز شریف کے جلسہ عام میں خطاب سے متعلق تبصرہ کرتے ہوئے کہا کہ گزشتہ روز نواز شریف نے جمہوریت اور وزیر اعظم سے متعلق اپنے نظریے کی وضاحت کردی ہے، نواز شریف کے تصور جمہوریت کے مطابق وزیراعظم ریاستی اداروں کو گالی، پارٹی ممبران سے سپریم کورٹ پر الزام تراشی، پیسوں سے بھرے بریف کیس ججوں کو دے سکتا ہے، اس پر اس سے کوئی سوال نہیں پوچھا جاسکتا کیونکہ وہ وزیراعظم ہے اور ریاستی قانون سے بالاتر ہے۔انہوں نے کہا کہ وزیراعظم منی لانڈرنگ، ٹیکس چوری اور اثاثوں کو چھپا سکتا ہے کیونکہ اسے عوام نے منتخب کیا ہے، وزیراعظم پارلیمنٹ کے سامنے جھوٹ بھی بول سکتا ہے۔ انہوں ے کہا کہ نواز شریف ہمیشہ کی طرح خیبر پختونخوا حکومت سے متعلق جھوٹ پر جھوٹ بول رہے ہیں، حقیقت یہ ہے کہ خیبر پختونخوا میں اس وقت 350چھوٹے ہائیڈل پاور اسٹیشن کام کررہے ہیں۔بلین ٹری شجر کاری سے متعلق عمران خان نے کہا کہ بلین ٹری سونامی منصوبے کا آڈٹ عالمی تنظیم ورلڈ وائڈ فانڈیشن نے کیا ہے، انٹر نیشنل یونین فار کنزرویشن آف نیچر جیسی تنظیم نے اسے کامیاب قرار دیا ہے۔

February 5, 2018

کشمیری شہداء کا خون رنگ لائیگا‘بھارت شکست سے دو چار ہو گا‘ سعد رفیق

لاہور جدت ویب ڈیسک وفاقی وزیر ریلوے خواجہ سعد رفیق نے کہا ہے کہ کشمیریوں کے جذبے اور بہادری نے بھارتی سامراج کو دنیا کے سامنے برہنہ کر ڈالا ہے ، کشمیری شہداء کا خون رنگ لائے گا اور بھارت ذلت آمیز شکست سے دو چار ہو گا ۔ اپنے ایک بیان میں انہوں نے کہا کہ تم نے جِس خون کو مقتل میں چھپانا چاہا ۔۔۔آج وہ کوچہ و بازار میں آ نکلا ہے ۔۔۔کہیں شعلہ کہیں نعرہ کہیں پتھر بن کر ۔ انہوں نے کہا کہ کشمیریوں کا عزم وحوصلہ ہمالیہ سے زیادہ بلند اور مضبوط ہے ،نو دہائیوں سے جاری تحریک ِ آزادی کشمیر کو ریاستی دہشت گردی سے دبایا نہیں جا سکا۔ کشمیری شہداء کا خون رنگ لائے گا ،بھارت ذلت آمیز شکست سے دو چار ہو گا اور پاکستان کشمیریوں کی حمایت سے کبھی پیچھے نہیں ہٹے گا۔ خواجہ سعد رفیق نے کہا کہ کشمیریوں کے جذبے اور بہادری نے بھارتی سامراج کو دنیا کے سامنے برھنہ کر ڈالا ہے ، آج ایک دوسرے کو رگیدنے کی بجائے تمام جلسوں میں تحریک آزادی کشمیر کی حمایت اور بھارتی جارحیت کی مذمت کی جائے۔

February 5, 2018

ون بیلٹ ون ڈور منصوبہ خطے اور دنیا کیلئے مشترکہ خوشحالی کا منصوبہ ہے ٗ مریم اورنگزیب

بیجنگ جدت ویب ڈیسک چین نے فلم کے شعبے میں پاکستان کو تعاون کی پیشکش کرتے ہوئے کہاہے کہ فلم کے شعبے میں اپنے تجربے استفادہ پہنچانے کیلئے بھی تیار ہیں۔ اطلاعات و نشریات کے وزیر مملکت مریم اورنگزیب نے چینی نائب وزیر اسٹیٹ ایڈمنسٹریشن آف پریس ٹونگ گانگ سے پیر کو یہاں ملاقات کی جس میں دو طرفہ تعلقات سمیت مختلف امور پر تبادلہ خیال کیا گیا۔ اس موقع پر چین نے پیشکش کی کہ وہ فلم کے شعبے میں پاکستان سے تعاون کرنے کیلئے تیار ہیں ۔ چینی نائب وزیر نے کہا کہ فلم کے شعبے میں اپنے تجربے استفادہ پہنچانے کیلئے بھی تیار ہیں ۔ وزیر مملکت نے فلم کے شعبے میں چین کے شعبے میں خیر مقدم کرتے ہوئے کہا کہ امید ہے اس ضمن میں جلد باقاعدہ معاہدہ ترتیب دیا جائیگا ۔ مریم اورنگزیب نے کہا کہ فلم انڈسٹری کی بحالی کیلئے مراعات پیکج کا اعلان کیا ہے ۔ موجود حکومت فلم پالیسی تشکیل دے رہی ہے مریم اورنگزیب نے کہا کہ پاکستان نیشنل کونسل آف آرٹس میں چائنہ کا ثقافتی مرکز قائم کیا گیا ہے ۔ انہوں نے کہا کہ چین کا 19 ممالک کیساتھ فلمیں بنانے کیلئے اشتراک جاری ہے پاکستان اس شعبے میں 20 واں شراکت دار بننا چاہتا ہے ۔ انہوں نے کہا کہ پاکستان میں اب بہترین فلمیں بن رہی ہیں فلم کے شعبے میں جدید بنانے کیلئے چین سے تعاون کے خواہاں ہیں ۔ مریم اورزنگزیب نے کہا کہ پاکستان شنگھائی تنظیم کے اجلاس کے موقع پر فلم فیسٹول میں شرکت کریگا ۔ وزیر اطلاعات نے کہا کہ سی پیک عوام کیلئے ایک مثالی منصوبہ ہے ون بیلیٹ ون ڈور منصوبہ خطے اور دنیا کیلئے مشترکہ خوشحالی کا منصوبہ ہے چین نائب وزیر ٹونگ گانگ نے کہاکہ پاکستان اور چین کے درمیان برادرانہ تعلقات دنیا کیلئے ایک مثال ہیں ۔

February 5, 2018

نقیب محسود کے ماورائے عدالت قتل کیخلاف قبائلیوںکا گرینڈ جرگہ جاری

اسلام آباد جدت ویب ڈیسک کراچی میں ماروائے عدالت قتل ہونے والے نوجوان نقیب محسود کے قاتلوں کی گرفتاری کیلئے قبائلیوں کا احتجاجی دھرنے آج آٹھواں روز۔پیر کو احتجاجی دھرنا کے شرکاء اور غمزدہ خاندانون سے اظہار یکجہتی کیلئے قومی وطن پارٹی کے سربراہ آفتاب احمد شیر پائو ،پاکستان پیپلز پارٹی و سابق چیئرمین سینیٹ سید نیئر حسین بخاری کے بھائی سید صفدر حسین بخاری اور عامر فدا پراچہ، سابق وفاقی وزیر حمید اللہ جان آفریدی ، تحریک انصاف کے رہنما ایڈوکیٹ سید اسرار شاہ نے احتجاجی کیمپ میں شرکت کی۔شرکاء سے خطاب کرتے ہوئے قومی وطن پارٹی کے سربراہ آفتاب شیر پائو کا کہنا تھا کہ کراچی کوپختونوںنے اپنے خون اور پسینے سے آباد کیا لیکن اس کاصلہ ان کو غائب کر کے دیا،نقیب محسود کی شہادت نے پختونوں کو متحد کردیا ہے،قبائلیوںاور پختونوںکو دوسرے درجے کا شہری قرار دینے کا عمل اب ترک کرنا ہوگا،ہزاروں نوجوانوں کو ماروائے عدالت قتل کیا گیا، نقیب کا خون ضرور رنگ لائے گا،رائو انوار اور اس کی ٹیمی کی گرفتاری اور سرعام پھانسی تک چین سے نہیں بیٹھوں گا،پختون غیور اور محب وطن پاکستانی ہے، ان کی حب الوطنی پر شک نہ کیا جائے۔ سابق وفاقی وزیرحمید اللہ جان آفریدی کا خطاب کرتے ہوئے کہنا تھا کہ نقیب کے قاتلوںکی عدم گرفتاری عدالتی نظام کی ناکامی ہے،پختون آئین کی خلاف ورزی کا سوچ بھی نہیں سکتے،فاٹا کے انضمام کیلئے رائو انوار کا گرفتار ہونا ضروری ہے،مستقبل میں ایسے واقعات سے بچنے کیلئے خصوصی اقدامات کی ضرورت ہے، اس موقع پر صفدر حسین شاہ ودیگر قبائلی عمائدین نے بھی خطاب کیا۔

February 5, 2018

ہارس ٹریڈنگ کا سوچنے والوں کو عبرتناک شکست دینگے ،عمران خان

کوئٹہ جدت ویب ڈیسک پاکستان تحریک انصاف بلوچستان کے صوبائی صدر سردار یار محمد رند نے گزشتہ روز بنی گالہ اسلام آباد میں چیئرمین عمران خان سے تفصیلی ملاقات کی ملاقات میں ملکی سیاسی صورتحال ، بلوچستان کی موجودہ صورتحال ، سینیٹ الیکشن کے حوالے سے تفصیلی تبادلہ خیال کیا گیا اس موقع پر چیئرمین عمران خان نے صوبائی صدر بلوچستان سردار یار محمد رند سے بات چیت کرتے ہوئے کہا کہ بلوچستان میں ہارس ٹریڈنگ کا سوچنے والوں کو عام انتخابات میں عبرتناک شکست دیں گے بلوچستان کی عوام اور وہاں کے منتخب نمائندے باضمیر اور باشعور لوگ ھیں اگر کوئی شخص یہ سمجھتا ہے کہ بلوچستان کی عوام کے ضمیر کا سودا کریں گا تو یہ اس کی خام خیالی ہے بلوچستان میں آئندہ الیکشن میں بھرپور حصہ لیں گے اور پورے پاکستان کے ساتھ بلوچستان سے بھی بھرپور کامیابی حاصل کریں گے بلوچستان کو بھی دیگر صوبوں کی طرح مکمل حقوق فراہم کئے جائیں گے اس موقع پر صوبائی صدر بلوچستان سردار یار محمد رند نے چیئرمین عمران خان کو بلوچستان کی سیاسی صورتحال اور تنظیمی معاملات پر تفصیلی بریفنگ دی ان کا کہنا تھا کہ ایک سوچے سمجھے منصوبے کے تحت چیرمین کی ذات کو تنقید کا نشانہ بنایا جارہا ہے ہیلی کاپٹر کا طعنہ دینے والے اپنی کرپشن کے ثبوت سامنے لائیں چیئرمین عمران خان نے 72 گھنٹے جو ہیلی کاپٹر استعمال کیا وہ کے پی حکومت کے وزراء کی مختلف علاقوں میں چیرمین کے ساتھ دوروں کی تفصیل ہے چیئرمین عمران خان نے کبھی بھی اپنی ذات کے لئے ہیلی کاپٹر استعمال نہیں کیا اس طرح کے بیہودہ الزامات کا مکمل ثبوت کے ساتھ جواب دیا جائے گا ۔ان کا مزید کہنا تھا کہ چیئرمین عمران خان کی بلوچستان میں ذاتی دلچسپی اور بلوچستان کے حقوق کے لئے آواز اٹھانے کو قابل فخر نگاہ سے دیکھتے ہیںبلوچستان کی عوام کو ان کے تمام جائز حقوق دلائیں گے بلوچستان کی ترقی اور خوشحالی کے لئے بہتر پالیسی دیں گے قبل ازاں پاکستان تحریک انصاف کے چیئرمین عمران خان نے صوبائی صدر بلوچستان سردار یار محمد رند کی کوشیشوں کو سراہا اور انہیں اپنے بھرپور تعاون کا یقین دلایا۔

February 5, 2018

شہباز شریف کا ظلم و زیادتی کا شکار بچیوں کے ناموں سے مختلف اسکول منسوب کرنے کا اعلان

لاہور جدت ویب ڈیسک وزیراعلیٰ پنجاب محمد شہبازشریف نے ڈسٹرکٹ ہیڈ کوارٹرہسپتال قصور میں نصب نئی جدید ترین سی ٹی سکین مشین کا افتتاح کیا۔وزیراعلیٰ نے سی ٹی سکین روم کے مختلف حصے دیکھے اورانہیں سی ٹی سکین مشین کی سہولت کے بارے میں بریفنگ دی گئی۔وزیراعلیٰ نے ڈسڑکٹ ہیڈ کوارٹر ہسپتال قصور کے نئے ایمرجنسی بلاک کا بھی دورہ کیا اوریہاں زیر علاج مریضوں کی عیاد ت کی۔ وزیراعلیٰ نے مریضوں کو فراہم کی جانے والی طبی سہولتوں کا جائزہ لیا۔مریضوں اور ان کے تیمار داروں نے ہسپتال میں فراہم کی جانے والی علاج معالجے کی سہولتوں پر اطمینان کا اظہارکیا۔وزیر اعلیٰ پنجاب محمد شہباز شریف نے اس موقع پر ڈاکٹروں،نرسوں ، میڈیکل سٹاف اورمریضوں کے لواحقین سے گفتگوکرتے ہوئے کہا ہے کہ ہسپتالوں میں اربوں روپے کی سرمایہ کاری سے علاج معالجے کی سہولتوں کو بہتر بنایا جا رہا ہے۔ ہسپتالوں میں جدید سی ٹی سکین مشینیںمہیا کی گئی ہیں،جو24گھنٹے چلیں گی۔وزیراعلیٰ نے کہاکہ مریضوں کو اب سی ٹی سکین کیلئے دھکے نہیں کھانا پڑیںگے۔سی ٹی سکین مشینوں کے باعث بلیک میلنگ کا خاتمہ ہو گااورمیںہسپتالوں میں جاری اصلاحاتی پروگروام کی خود نگرانی کر رہا ہوں۔وزیراعلیٰ نے نئے ایمرجنسی بلاک میں موجود نرسوںکو ان کے مسائل کے فوری حل کی یقین دہانی کرائی اوراس ضمن میں ضروری ہدایات بھی جاری کیں۔بعدازاں وزیراعلیٰ نے قصور میں پیش آنے والے افسوسناک واقعات میں ظلم کا شکار ہونے والی 7بچیوں کے والدین اوردیگر اہل خانہ سے سرکٹ ہاؤس میں ملاقات کی اورانہیں انصاف کی فراہمی کی یقین دہانی کرائی۔وزیراعلیٰ نے بچیوں کے والدین اوردیگر اہل خانہ سے گفتگوکرتے ہوئے کہا کہ آپ کی بچیوں کے ساتھ جو درندگی ہوئی ہے مجھے اس پر بے حد افسوس اوردکھ ہے ۔میرے پاس اس ظلم کو بیان کرنے کے الفاظ نہیں۔جس درندے نے یہ قبیح فیل کیا وہ قانون کے آہنی ہاتھوں میں آچکا ہے اوراسے قانون کے مطابق سخت ترین سزاملے گی۔میرا آپ سے وعدہ ہے کہ انصاف ہوگااورجہاں غفلت اورکوتاہی برتی گئی ہے وہاں سخت ترین ایکشن لوں گااوراس سلسلے میں تحقیقاتی کمیٹی بنا دی گئی ہے ۔جس افسر کا قصور سامنے آیا اس کے خلاف کارروائی ہوگی۔انہوںنے کہا کہ قصور کو سیف سٹی منصوبے کا حصہ بنائیں گے اوراس سلسلے میں ہدایات جاری کردی گئی ہیں ۔وزیراعلیٰ نے قصور کے سکولوں کو قتل ہونے والی 7بچیوں کے نام منسوب کرنے کا اعلان کیا اورکہا کہ علاقے میں سڑکوں کی تعمیر ومرمت کا کام بھی جلد مکمل کیا جائے گا۔وزیراعلیٰ نے ایک بچی کائنات کی والدہ کو دلاسہ دیتے ہوئے کہا کہ پنجاب حکومت آپ کو تنہا نہیں چھوڑے گی اورآپ کی ہر ممکن مدد کی جائے گی ا ورشرمندہ ہوں کیونکہ آپ کے ساتھ بہت ظلم ہوا ہے ،اگر یہ کسی بڑی شخصیت کی بیٹی کے ساتھ ہوتا تو پھر میں دیکھتا کہ پولیس کتنی دیر بعد ایکشن لیتی ہے ۔بعدازاں وزیراعلیٰمحمد شہبازشریف نے میڈیا کے نمائندوں سے گفتگوکرتے ہوئے کہا کہ پنجاب حکومت صوبے کے تمام ڈسٹرکٹ ہیڈ کوارٹر ہسپتالوں میں جدیدسی ٹی سکین مشینیں لگارہی ہے ۔پانچ اضلاع قصور،وہاڑی،لیہ،میانوالی اوربھکرمیں سٹی ٹی سکین مشینیںلگائی جاچکی ہیں جبکہ صوبے کے مزید پانچ اضلاع اوکاڑہ ،خوشاب،بہاولپور،شیخوپورہ اوراٹک میں یہ مشینیں نصب کی جارہی ہیں ۔اب ان علاقوں کے عوام کو سی ٹی سکین کیلئے لاہور ،ملتان،سرگودھا اوردیگر بڑے شہروں میں نہیں جانا پڑے گا۔پنجاب حکومت کی پالیسی کے مطابق یہ سی ٹی سکین مشینیں محکمہ صحت کی ملکیت نہیں ہوں گی بلکہ ان مشینوں کو وہی کمپنی چلائے گی جو نصب کرے گی۔مریض کومجاز ڈاکٹرنسخہ دے گا جس کے مطابق سی ٹی سکین ہوگا۔سی ٹی سکین کی یہ سہولت 24 گھنٹے دستیاب ہوگی۔صوبے کے ہر ضلع میں سی ٹی سکین کی ان مشینوں کی تنصیب سے 70سالوں سے رائج وہ نظام ختم ہوگا جس سے مریض کو خراب مشین کا بہانہ بنا کرباہر سے سی ٹی سکین کرانے کا کہا جاتا تھا اب یہ گورکھ دھندا ختم ہوگا۔ان مشینوں کو چلانے والا عملہ بھی تربیت یافتہ ہے اوروہ مریضوںسے خوش اخلاقی سے بات کرتا ہے جس کا میں نے خود بھی مشاہدہ کیا ہے۔ انہوںنے کہاکہ پنجاب حکومت صوبے کے تمام ہسپتالوں میں طبی سہولتوں کی بہتری کیلئے اصلاحات کے جامع پروگرام پر عمل پیرا ہے اور ہسپتالوں میں طبی سہولتوں کو بہتر بنانے پر اربوں روپے کے وسائل خرچ کیے جارہے ہیں ۔صوبے بھر میں ہیپاٹائٹس فلٹر کلینکس کا جال بچھایاجارہا ہے ،جہاں جگر کے امراض میں مبتلا افراد کو تشخیص و علاج کی جدید سہولتیں ملیں گی۔انہوںنے کہا کہ صوبے کے 700بنیادی مراکز صحت میں جدید الٹراسٹاؤنڈ مشینیں لار ہے ہیں اوران مشینوں کو چلانے کیلئے لیڈی ہیلتھ ورکرز کو تربیت دی جارہی ہے ۔کروڑوں روپے کے اخراجات کیساتھ یہ الٹراساؤنڈ مشینیں پہنچ چکی ہیں جبکہ دیہی مراکز صحت میںکلر ڈویلپر200جدید الٹراساؤنڈ مشینیں بھی فراہم کی جارہی ہیں۔صوبے کے دوردراز علاقوں میں موبائل ہیلتھ یونٹس عوام کو ان کی دہلیز پر علاج معالجہ فراہم کررہی ہے۔اس سال مئی تک 54مزید موبائل ہسپتال پہنچ جائیں گے یہ وہ صحت کے شعبہ میں حقیقی انقلاب ہے جو پاکستان مسلم لیگ(ن) کی حکومت نے دکھی انسانیت کی خدمت کے جذبے سے سرشار ہوکر برپا کیا ہے ۔وزیراعلیٰ نے کہا کہ قوم کی بیٹی زینب سے ظلم کرنے والا درندہ عمران قانون کی گرفت میں آچکا ہے۔زینب سے ہونے والا ظلم پر پوری قوم اشکبار تھی۔پنجاب پولیس اورفرانزک ایجنسی کی 14دنوں کی شعبہ روز کاشوں کی بدولت یہ درندہ قانون کی گرفت میں آیا،اس مجرم کی گرفتاری کیلئے 1400سیمپلز حاصل کیے گئے جب فرانزک ایجنسی 1108 سیمپلز کا تجزیہ کرچکی تو ڈی این اے ٹیسٹ میچ کرگیا اورقوم کی بیٹی زینب کا قاتل قانون کی گرفت میں آیا۔کے پی کے میں درندگی کا شکار ہونیوالی عاصمہ بھی قوم کی بیٹی ہے اس کیس سے متعلق ڈی این اے سیمپلز بھی یہاں آئے، جن پر تحقیق کی جارہی ہے۔انشا ء اللہ عاصمہ کا قاتل بھی اسی کاوش کے ذریعے قابو آئے گا۔پوری قوم کی دعائیں عاصمہ کے خاندان کیساتھ ہیں ۔انہوںنے کہ میں یہاں قصور میں باقی 7خاندانوں سے بھی بوجھل دل کے ساتھ ملاہوں جن کی بچیاں درندے عمران کی درندگی کا شکار ہوئیں۔میں نے ان خاندانوں سے معافی مانگی ہے اوران سے کہا ہے کہ میں آپ کے غم میں شریک ہونے کیلئے آیا ہوں مجھے ان واقعات پر بہت دکھ ،درد اورتکلیف ہے ۔میری ہمت نہیں کہ میں آپ کا سامنا کرسکوں۔میں آپ کی بچیوں کو تو واپس نہیں لاسکتالیکن آپ کو انصاف ضروردلاؤں گا۔ان بچیوں سے درندگی کرنیوالا قانون کی گرفت میں آچکا ہے اوراسے قانون کے مطابق کڑ ی سے کڑی سزا ملے گی،جسے دنیا دیکھے گی۔میری عدالت عالیہ اور عدالت عظمی سے درخواست ہے کہ اس درندے کو قصور کے کسی چوک میں سرعام لٹکانے کیلئے ہماری مدد کریں ۔انہوںنے کہاکہ بچیوں سے ہونے والے ظلم کی تحقیقات کیلئے کمیٹی بنادی گئی ہے ۔میری متاثرہ خاندانوں سے گزار ش ہے کہ وہ اس کمیٹی کے سامنے ضرور جائیں اوراسے بتائیں کہ کس نے ان کی بات سنی اورکس نے نہیں سنی تاکہ دودھ کا دودھ اورپانی کا پانی ہوجائے ۔میں نے متاثر ہ خاندانوں کو یقین دہانی کرائی ہے کہ انہیں ہر قیمت پر انصاف فراہم کیا جائے گااوراگرکہیں ان واقعات کی تحقیقات میں غفلت سامنے آئی تو ذمہ داروں کے خلاف بھر پور ایکشن ہوگا۔وزیراعلیٰ نے اعلان کیاکہ ظلم و زیادتی کا شکار ہونے والی ان 7بچیوں کے ناموں سے سکول منسوب کیے جائیں گے۔وزیراعلیٰ نے میڈیا کہ نمائندوں کے سوالوں کے جواب میں کہا کہ میںدیگر متاثرہ خاندانوں سے ملنے پہلے یہاں آناچاہتا تھا لیکن میری طبیعت ناساز تھی اس لئے نہ آسکا۔اب میں پہلی فرصت میں یہاں آیا ہوں اوران متاثرہ خاندانوں سے ملا ہوں ۔ایک اورسوال کے جواب میں وزیراعلیٰ نے کہاکہ پنجاب فرانزک سائنس ایجنسی کا شمار دنیا کی نامور لیبز میں ہوتا ہے اوریہ جنوبی ایشیاء کی سب سے بڑی لیب ہے۔یہ وہ انٹرنیشنل لیب ہے جس میں ہم نے بھارت کو بھی پچھاڑدیا ہے ۔اس لیب میں سکاٹ لینڈ یارڈ کے کیسز بھی تجزیے کیلئے آئے ہیں۔ایک اورسوال کے جواب میں وزیراعلیٰ نے کہا کہ میں عوام کا خادم ہوں اورمیرے لئے یہ باعث اعزاز ہے ۔انسانیت کی خدمت ہی انسان کی میراج ہے،دعا ہے کہ اللہ تعالیٰ ہمیں ہمت دے کہ مل کر قوم کی خدمت کریں ۔میری طبیعت گزشتہ چندروزسے ناساز تھی، اس لئے میں پہلے یہاں نہیں آسکا تاہم طبیعت سنبھلتے ہی میں سب سے پہلے قصور آیا ہوں۔ انہوںنے کہاکہ پاکستان مسلم لیگ(ن) واحد سیاسی جماعت ہے جس نے محمد نوازشریف کی قیادت میں دن رات عوام کی خدمت کی ہے ۔بشری کمزوریوں کے باوجود پاکستان مسلم لیگ(ن) نے عوام کی بے لوث خدمت کی ہے اورپشاورکاتاریخی جلسہ اس کا عکاس ہے ۔انہوںنے کہا کہ کاش عمران نیازی دھرنوں،یوٹرن اوراحتجاجوں کے ذریعے قوم کے ساڑھے چار سال ضائع نہ کرتے۔انہوںنے نوجوانوں کو بھی گمراہ کیا ہے ۔ وہ دھمکیوں اورالزام تراشی کی سیاست کرتے رہیں اورانہوںنے اپنے جلسوںمیں جو زبان استعمال کی اس پر حیف ہے ۔انہوں نے قوم کے مزاج کو بگاڑنے کی کوشش کی،اگروہ جھوٹ ،منافقت ،یوٹرن اورالزام تراشی کی سیاست نہ کرتے تو شاید انہیں یہ دن نہ دیکھنا پڑتا۔دوسری جانب زرداری صاحب ہیں جنہوںنے ملک کو دونوں ہاتھوں سے لوٹا،اب وہ کہہ رہے ہیں کہ میں لوٹی ہوئی دولت واپس لاؤں گا۔زرداری صاحب کیلئے یہی بہتر ہوگا کہ قوم سے معافی مانگیں اورلوٹی ہوئی دولت واپس لائیں۔اگر اللہ تعالیٰ نے ہمیں موقع دیا تو ہم لوٹی ہوئی دولت دنیاکے کسی کونے میں بھی پڑی ہوئی تو اسے واپس لائیں گے۔صوبائی وزیر صحت خواجہ عمران نذیر،ترجمان پنجاب حکومت ملک احمد خان اورپنجاب کے دیگر اعلی حکام بھی اس موقع پر موجود تھے۔