July 15, 2017

را افغانستان سے آپریٹ کررہی ہے ،جنرل زبیرمحمود

کراچی جدت ویب ڈیسک چیرمین جوائنٹ چیفس آف اسٹاف کمیٹی جنرل زبیر محمود حیات نے کہا ہے کہ بھارتی خفیہ ایجنسی ’’را‘‘ افغانستان سے آپریٹ کررہی ہے اور آپریشن ردالفساد کا مقصد را کے مذموم عزائم کو ناکام بنانا بھی ہے ۔پاکستان نیول اکیڈمی کراچی میں 107ویں مڈشپ مین، 16ویں شارٹ سروس کمیشن کورس کی پاسنگ آؤٹ پریڈ ہوئی، جس میں 100 افسران پاس آوٹ ہوئے ، ان میں بحرین،قطر اورسعودی عرب کے 28 کیڈٹس بھی شامل ہیں۔تقریب سے خطاب کے دوران مہمان خصوصی چیرمین جوائنٹ چیفس آف اسٹاف کمیٹی جنرل زبیرمحمود حیات نے کہا کہ وہ پاس آؤٹ ہونے والے کیڈٹس کو مبارک باد پیش کرتے ہیں، پاکستان نیوی کا ملکی دفاع اورسلامتی میں مرکزی کردار ہے ، پاکستان سے وفاداری ہم سب کی پہلی ترجیح ہے اور پاکستان کی مسلح افواج قومی اتحاد اورطاقت کا مظہرہیں۔جنرل زبیرمحمود حیات نے کہا کہ سی پیک کی ترقی میں گوادربندرگاہ کو بنیادی حیثیت حاصل ہے اور پاکستان کی ترقی میں گوادر بندرگاہ انتہائی اہم ہے ، علاقائی مسائل کے حل کے لیے پاکستان کواہمیت حاصل ہے ، پاکستان کا امن اوراستحکام دنیا کے مفاد میں ہے ، پاکستان پرامن بقائے باہمی پریقین رکھتا ہے ، آپریشن ردالفساد محض ایک مہم نہیں بلکہ اس کا مقصد دہشت گردوں اور ان کے سہولت کاروں کے مکمل خاتمے کے علاوہ ملک دشمن ایجنسیوں بالخصوص ’’را‘‘ کے مذموم عزائم کو ناکام بنانا ہے ، ’’را‘‘ افغانستان سے آپریٹ کررہی ہے اور وہ بلوچستان میں عدم استحکام پیدا کرنا چاہتی ہے ۔

July 15, 2017

بارش نے بلدیاتی ادارے کی کارکردگی کا پول کھول دیا ، پی ایس پی

حیدرآباد جدت ویب ڈیسک پاک سرزمین پارٹی ڈسٹرکٹ حیدرآباد کے صدر ندیم قاضی ، صدر تعلقہ لطیف آباد راحیل قائم خانی و صدر تعلقہ سٹی طارق کاظمی نے کہا کہ حیدرآباد میں حالیہ بارش نے بلدیاتی اداروں کی کارکردگی کا پول کھول دیا ، جگہ جگہ پانی کھڑا ہے اور نالوں اور نالیوں کی صفائی نہ ہونے کے باعث گندہ پانی گلیوں محلوں میں کھڑا ہے جس کی وجہ سے لوگوں کو بے حد پریشانی ہے اور کچی آبادیوں میں پانی گھر وں میں کھڑا ہے جس کی وجہ سے وبائی امراض پھیلنے کا خطرہ پیدا ہوگیا ہے اور علاقہ مکینوں میں شدید بے چینی پائی جارہی ہے عوام ااپنی مد د آپ کے تحت پانی نکالنے کا کام سرانجام دے رہیں ہیں مزید یہ کہ بلدیاتی اداروں کے نمائندے نظر نہیں آرہے ہیں انہیں اپنی ذمہ داریاں پوری کرنی چاہیے ،صوبائی حکومت فورا حرکت میں آئے اور ہنگامی بنیادوں پر صفائی کا کام کروائے اور جدید مشینری و متاثرہ افراد کو فوری طور پرامداد فراہم کرے ۔

July 14, 2017

شہر میں بارش کاامکان‘ بلدیہ عظمیٰ کی تیاریاں مکمل

کراچی جدت ویب ڈیسک میئر کراچی وسےم اخترنے کہا ہے کہ مزید بارشوں کی پیشگوئی کے حوالے سے بلدیہ عظمیٰ کراچی نے ایس او پی بنا لی ہے مختلف محکموں میں تعیناتی کے منتظر افسران و دیگر ملازمین کا ایک پول بنایا ہے شہر میں بہت زیادہ بارشیں ہونے اورکسی بھی جگہ ایمرجنسی کی صورت میں اس افرادی قوت کو استعمال کیا جائے گا، بارشوں کے سلسلے میں تمام چھ ڈسٹرکٹس سے مشاورت کے علاوہ کے الیکٹرک اور واٹر بورڈ کو بھی آن بورڈ لے لیا ہے سب مل کر کام کریں گے تو شہر میں بہتری آئے گی، ان خیالات کا اظہار انہوں نے جمعہ کی سہ پہر اپنے دفتر میں رین ایمرجنسی کے حوالے سے کے ایم سی اور ڈی ایم سیز کے مشترکہ اجلاس کے بعد میڈیا کے نمائندوں سے بات چیت کرتے ہوئے کیا، اس موقع پر بلدیہ شرقی کے چیئرمین معید انور، بلدیہ وسطی کے چیئرمین ریحان ہاشمی، بلدیہ ملیر کے چیئرمین جان محمد بلوچ ، بلدیہ جنوبی کے چیئرمین ملک فیاض، سٹی کونسل میں پارلیمانی لیڈر اسلم شاہ آفریدی، بلدیہ غربی کے ایڈمنسٹریٹر غلام فرید، ضلع کورنگی کے وائس چیئرمین سید احمر علی، واٹر بورڈ کے S.E غلام قادر، کے الیکٹرک کے ڈپٹی ڈائریکٹر عبدالحمید بھٹی ، ضلع شرقی کے میونسپل کمشنر منظور عباسی، سابق ٹائون ناظم اظہار احمد خان، سٹی کونسل مالیات کمیٹی کے چیئرمین ندیم ہدایت ہاشمی، لینڈ کمیٹی کے چیئرمین ارشد حسن، مشیر مالیات خالد محمود شیخ، ڈائریکٹر جنرل ورکس شہاب انور، سینئر ڈائریکٹر میونسپل سروسز مسعود عالم، سینئر ڈائریکٹر فوڈ اینڈ کوالٹی کنٹرول ڈاکٹر اصغر شیخ، ڈائریکٹر ٹیکنیکل ایس ایم شکیب اور دیگر افسران بھی موجود تھے، میئر کراچی نے کہا کہ شہر میں مزید بارش کے حوالے سے چھ کی چھ ڈسٹرکٹس نے اپنی تیاری مکمل کرلی ہے ،تمام ڈسٹرکٹس نے باہمی مشاورت کی ہے کچھ نالے اور پانی کی لائنیں چوک ہیں،واٹر بورڈ والوں کو پابند کر دیا ہے کہ فوری طور پر کم از کم مین ہول کی رکاوٹوں کو کلیئر کیا جائے تاکہ نکاسی آب میں سہولت ہو ، انہوں نے کہا کہ انڈرپاسز میں نکاسی آب کی لائنیں کلیئر کرنے کا کام جاری ہے ،ناظم آباد انڈرپاس تک کلیئر کرلیا ہے اور اب لیاقت آباد ، غریب آباد اور دیگر انڈرپاسز میں کام ہو رہا ہے انہیں بھی جلد ہی کلیئر کردیا جائے گا، مختلف سڑکوں پر پیچ ورک ہونا چاہئے لیکن مون سون کی وجہ سے فی الحال یہ کام روک دیا ہے بارشیں ختم ہونے کے فوراً بعد یہ کام شروع کریں گے ،پچھلی بارشوں میں کرنٹ لگنے سے جو اموات ہوئیں ان کے لئے کے الیکڑک کو معاوضہ کی ادائیگی کے لئے کہا ہے،انسانی قوت میں جو کچھ ہے ہم کررہے ہیں اور کوشش کریں گے کہ آئندہ شہر میں بارش رحمت ہو زحمت نہ ہو،انہوں نے کہا کہ کراچی میں نالوں کا سب سے بڑا ایشو کچرے کا ہے،صفائی ہونے کے بعد عوام دوبارہ کچرا نالوں میں ڈال دیتے ہیں جبکہ شہر کا زیادہ تر سیوریج بھی انہی نالوں میں ڈالا جاتا ہے فوری طور پر صورتحال کی بہتری کے لئے جہاں جہاں چوک پوائنٹ ہیں برساتی نالوں کو کلیئر کروا رہے ہیں اور اس کے لئے کرائے پر بھی مشینری لے رہے ہیں،جب جیل سے آیا تو معلوم ہوا نالوں کی صفائی کا ٹینڈر ہوچکا تھالہٰذا نالوں کی صفائی کے حوالے سے جہاں جہاں مجھے شک ہوا میں نے خود جا کر صورتحال دیکھی اور پھر اس کی ادائیگی کی گئی ، انہوں نے کہا کہ اگر ہم بارشوں میں ٹیم ورک کی طرح کام کریں گے تو شہر میں بہتری آئے گی ، ہماری دلچسپی پورے کراچی کے مسائل کے حل میں ہے اس کے علاوہ ہمارا کوئی ذاتی مفاد نہیں، ڈسٹرکٹ انتظامیہ بھی یہی سوچ رکھتی ہے ، نالوں کی صفائی کے حوالے سے سندھ حکومت سے فنڈز مانگے ہیں، امید کرتے ہیں سندھ حکومت فنڈز ریلیز کرے گی، بارشوں کے دوران ٹریفک پولیس کو سڑکوں پر ہونا چاہئے تاکہ ٹریفک کی روانی متاثر نہ ہو، میئر کراچی نے کہا کہ کے ایم سی کا رین ایمرجنسی 021-99215127ہے جس پر کسی بھی ہنگامی صورتحال میں رابطہ کیا جاسکتا ہے، قبل ازیں ضلعی بلدیاتی نمائندوں کے ہمراہ رین ایمرجنسی میٹنگ سے خطاب کرتے ہوئے میئر کراچی وسیم اختر نے ندیم ہدایت ہاشمی کو فوکل پرسن مقرر کرنے کا اعلان کرتے ہوئے کہا کہ محکمہ انجینئرنگ ، میونسپل سروسز، پارکس اور دیگر محکموں کے عملے پر مشتمل ایک خصوصی ٹیم بنائی جا رہی ہے جو کسی بھی ایمرجنسی صورتحال میں متعلقہ مقام پر فوری اقدامات کے لئے بھیجی جائے گی، بارشوں میں نکاسی آب کے لئے مشینری اور پمپس کی دستیابی یقینی بنانا ہوگی، اگر ڈسٹرکٹس کو اس حوالے سے کوئی ضروریات ہیں تو ہمیں آگاہ کریں ، وزیر اعلیٰ سندھ سے درخواست کی ہے کہ نالوں کی صورتحال اور سیوریج کے مسائل حل کرنے کے لئے ہم سب کو مل کر بیٹھنا ہوگا اور مسائل کا حل تلاش کرنا ہوگا، کم از کم سیوریج ٹریٹمنٹ پلانٹ ہی ٹھیک کرالیں جو خراب پڑے ہیں بصورت دیگر ہم ایک دوسرے کو الزام ہی دیں گے ، انہوں نے کہاکہ کل سے موسلادھار بارشوں کا سلسلہ شروع ہونے کی اطلاعات ہیں ہم پوری کوشش کر رہے ہیں کہ شہریوں کو برسات کے دوران مشکلات سے محفوظ رکھا جائے ، بلدیہ عظمیٰ کراچی اپنے زیر انتظام سڑکوں اور چوراہوں پر نکاسی آب کا کام انجام دے گی جبکہ اندرونی سڑکوں پر ضلعی انتظامیہ نکاسی آ ب کی ذمہ داری نبھائے گی۔اجلاس کے دوران بلدیہ جنوبی کے چیئرمین ملک فیاض اور بلدیہ ملیر کے چیئرمین جان محمد بلوچ نے کہا کہ کراچی کے مسائل ہمارے مشترکہ مسائل ہیں اور ہم مل کر ان مسائل کے حل کے لئے کام کریں گے اور اگر ضرورت ہوئی تو کراچی کے مسائل کے حل کے لئے وزارت بلدیات سے رجو ع کریں گے اور میئر کراچی کے شانہ بشانہ جدوجہد کریں گے ۔

July 14, 2017

سکتے ہو تو پکڑ لو نہ،کوئی ثبوت نہیں تو الزام ہی لگا دو

جدت ویب ڈیسک : ماضی میں حکومتوں پرسکیورٹی رسک،کرپشن کے الزامات لگا کرختم کیاجاتارہا، ملک 70 سال سے اتارچڑھاؤکا شکارہے، جے آئی ٹی نے مجھ پرکسی کرپشن میں ملوث ہونے کاذکر نہیں کیاکوئی کرپشن کی ہے تو پکڑلو ،کوئی ثبوت نہیں تو الزام ہی لگاؤ۔ان خیالات کا اظہار وزیراعظم نواز شریف نے پارلیمانی پارٹی اجلاس میں ارکان سے خطاب کرتے ہوئے کیا، وزیراعظم کا کہنا تھاکم ازکم یہ توبتا دیں میں نے کہاں سے رشوت لی ہے میں نے ایک نصب العین کی خاطر ہمیشہ مشکلوں کو برداشت کیااور کبھی عوام کے مینڈیٹ اور جمہوریت پرسمجھوتا نہیں کیاان کا کہنا تھا یہ تیسرے دھرنے کی تیاری ہے ہم سب کے مینڈ یٹ پر تیسرا وار ہو رہاہے جبکہ پہلے دھرنے کابھی کوئی جواز نہیں تھابلاجواز دھرنا مہم شروع کی گئی ہمیں ملک کو روشن کرنے کی سزا دی جا رہی ہے لیکن مستعفی نہیں ہوں گااور پاکستان کے عوا م کیلئے آخری وقت تک لڑوں گا،میرے ضمیر اور دامن پر کوئی داغ نہیں اورملک کو پیچھے دھکیلنے نہیں دوں گاانہوں نے کہا ہم نے اپنے دور میں ہمیشہ شفافیت کو فروغ دیا 4سال میں کراچی،پنجاب دیگرعلاقوں میں اربوں روپے کے پاورپلانٹس لگائے، موٹروے کا منصوبہ،توانائی کے منصوبوں میں کوئی ایک پیسے کی خوردبرد بتاؤ۔جب سے آئے ہیں عوام اور ملک کیساتھ کیا ہو رہا ہے ،وزیراعظم نے کہا جان ہتھیلی پر رکھ کر عدلیہ کی آزادی کی جنگ لڑی جب میدان میں نکلے تو سب چھپ گئے لانگ مارچ سے پہلے برطانیہ اور امریکا سے فون آئے جس میں میری جان کو خطرے کا بتایا گیا،انہوں نے کہا میں نے مشرف کی آمریت کے سامنے سر نہیں جھکایا ہم کوئی این آر او نہیں چاہتے تھے لیکن محترمہ کے آمر کیساتھ این آر اوکرنے پر دستخط کرنے پر دکھ ہوا۔

July 14, 2017

حکمراں جماعت میں پھوٹ پڑگئی،ن لیگ میں بہت سے لوگ اگلے وزیراعظم کے امیدوار کے طور پر تیار بیٹھے ہیں، اعتزاز احسن

اسلام آباد جدت ویب ڈیسک پاکستان پیپلز پارٹی کے سینئر رہنما اعتزاز احسن نے کہا ہے کہ مشترکہ تحقیقاتی ٹیم کی رپورٹ کے بعد پیدا ہونے والی سیاسی صورتحال میں خود حکمراں جماعت مسلم لیگ ن کے اندر سے وزیر اعظم نواز شریف پر دباؤ بڑھ سکتا ہے جس سے ان کیلئے مشکل پیدا ہوگی۔ایک انٹرویو میں اعتزاز احسن نے کہاکہ اس وقت وزیر اعظم کو صرف اپوزیشن کی طرف سے ہی نہیںبلکہ خود ان کی اپنی جماعت سے بھی دباؤ کا سامنا ہے کیونکہ لیگ میں بہت سے لوگ اگلے وزیراعظم کے امیدوار کے طور پر تیار بیٹھے ہیں۔انھوں نے کہا کہ اگرچہ پیپلز پارٹی سمیت اپوزیشن کی دیگر جماعتیں وزیراعظم کے خلاف پہلے سے ہی استعفے کا مطالبہ کر رہی ہیں لیکن آنے والے دنوں میں صورتحال کسی ممکنہ تحریک کی شکل بھی اختیار کرسکتی ہے۔ان کا کہنا تھا کہ بظاہر ایسا ہی لگتا ہے کہ اس سیاسی بحران کا حل پارلیمنٹ سے ہی نکلے گا جہاں پر لیگی ارکان اس معاملے پر تقسیم بھی ہوسکتے ہیں لیکن اس کے باوجود بھی حکومت کی کوشش ہوگی کہ وہ ایوان میں زیادہ اکثریت سے اعتماد کا ووٹ حاصل کرے۔اس سوال پر کہ 2014 کے دھرنے میں تو پیپلز پارٹی نے پارلیمنٹ میں حکومت کا ساتھ دیا تھا تو اس بار بھی کیا ایسا ہی ہوگا؟ پی پی رہنما نے کہا کہ اس مرتبہ صورتحال بہت مختلف ہے کیونکہ یہ کرپشن کے الزامات ہیں اور جو کچھ بھی شریف خاندان نے کیا وہ سب کچھ ایک سوچے سمجھے منصوبے کا نتیجہ ہے۔اعتزاز احسن کا کہنا تھا کہ اس وقت لیگی جماعت کیلئے سب سے بڑی مشکل یہ ہے کہ جو رپورٹ آئی ہے اس میں انتہائی سنگین انکشافات ہوئے ہیں جس کے بعد وزیر اعظم کو اخلاقی طور پر مستعفی ہوجانا چاہیے۔

July 14, 2017

شہر میں ٹرانسپورٹ نظام کو بہتر بنانے کےلئے ریجنل ٹرانسپورٹ اتھارٹی کے کردار کو فعال بنایاجائےگا‘ کمشنر کراچی اعجاز خان

کراچی جدت ویب ڈیسک کمشنر کراچی اعجاز احمد خان سے عالمی بنک کے چار رکنی وفد نے ملاقات کی ہے ۔ ملاقات میں کراچی کے موجو دہ ٹرانسپورٹ نظام کو بہتر بنانے کے سلسلہ میںریجنل ٹرانسپورٹ اتھارٹی کے کردار کا تفصیلی جائزہ لیا گیا اور فیصلہ کیا گیا کہ شہر کے ٹرانسپورٹ نظام کو بہتر بنانے کےلئے ریجنل ٹرانسپورٹ اتھارٹی کے کردار کو فعال بنایا جائے گا عالمی بنک ریجنل ٹرانسپورٹ اتھارٹی کی مشاورت سے اس سلسلہ میں تفصیلی اسٹڈی کرےگا اور اپنی تجاویز تیار کر ے گا۔ کمشنر کراچی سے ملاقات کرنے والے عالمی بنک کے وفد میں Said Dahdah، حسن اے زیدی، Thierry Desclos اورElkin Bello شامل تھے اس موقع پر ایڈیشنل کمشنرII کراچی فرحان غنی ،سیکریٹری آرٹی اے نذر حسین شاہانی اور ڈائریکٹر میڈیا مینجمنٹ کمشنر کراچی محمد شبیہ صدیقی بھی مو جو د تھے ۔کمشنر کراچی اعجاز احمد خان نے کہا کہ حکومت موجو دہ ٹرانسپورٹ نظام کو بہتر بنانے کےلئے ترجیحی بنیادوں پرکام کر نے کےلئے اقدامات کررہی ہے۔ وزیر اعلی سندھ شہر کی ترقی اور ٹرانسپورٹ نظام کی بہتری میں خصوصی دلچسپی لے رہے ہیں حکومت کوشش کر رہی ہے کراچی کے ٹرانسپورٹ مسائل کے حل میں مزید تاخیر نہ ہو۔ کمشنر نے کہا کہ کراچی میں بس ریپڈ ٹرانزٹ سسٹم کے تحت شہریوں کو ماس ٹرانزٹ کی بہتر سفری سہولتیں میسر آئیںگی ۔ اجلاس میں فیصلہ کیا گیا کہ شہر میں ریجنل ٹرانسپورٹ اتھارٹی بورڈ کے کردار کو فعال بنایا جائے گا ریجنل ٹرانسپورٹ اتھارٹی کے اشتراک سے عالمی بنک اسٹڈی کرے گا اور ایک جامع منصوبہ تیار کر ے گا جس میںکراچی میں ٹرانسپورٹ نظام کی بہتری کےلئے بی آرٹی سسٹم سے پبلک ٹرانسپورٹ کو ملانے کے اقدامات کا جائزہ لیا جائے گا ۔تاکہ اس سے کراچی کے ہر علاقہ کے شہری کو ماس ٹرانزٹ کے نظام سے مستفید ہونے کا موقعہ ملے اور کراچی کے ٹرانسپورٹ کے مسائل پائیدار طریقہ پر حل کر نے کی حکومت کی کوششیں کامیاب ہوں۔ عالمی بنک کے وفد کو پبلک ٹرانسپورٹ کے حوالہ سے ریجنل ٹرانسپورٹ اتھارٹی کے کر دار کے بارے میں تفصیلی بریفنگ دی گئی سیکریٹری ریجنل ٹرانسپورٹ اتھارٹی نذر حسین شاہانی نے اجلاس کو بتا یا کہ ریجنل ٹرانسپورٹ اتھارٹی موٹر وہیکل آرڈیننس 1969 کے تحت کمشنر کراچی کی سر براہی قائم کی گئی ہے۔کمشنر کراچی ریجنل ٹرانسپورٹ اتھارٹی کے چیئرمین ہیں۔ اتھارٹی کے امور کو چلانے کے لئے کمشنر کراچی کی سر براہی میں آرٹی اے بورڈ قائم ہے جس کے ارکان میں ڈی آئی جی ٹریفک کراچی، سینئر ڈائریکٹر ٹریفک انجینئرنگ بیورو، تمام اضلاع کے ایس ایس پیز ٹریفک اور سیکریٹری آرٹی اے شامل ہیں۔ریجنل ٹرانسپورٹ اتھارٹی کراچی میں شہریوں کے بہتر ٹرانسپورٹ کی سہولتوں کی فراہمی کے سلسلہ میں بسوں، منی بسوں اور کوچز سمیت پبلک ٹرانسپورٹ کے روٹ اجرا اور پبلک ٹرانسپورٹ کے ذریعے شہریوں کو معیاری سفری سہولتیں فراہم کر نے کی ہر ممکنہ کوشش کر رہی ہے۔ان کوششوں کو موثر بنانے کے لئے آرٹی اے کے افسران کو عدالتی اختیارات بحال کر نے کی تجویز کا بھی جائز ہ لیا گیا ۔اجلاس کو بتا یا گیا کہ شہریوں کو بسوں کے ذریعے ٹرانسپورٹ سہولت فراہم کر نے کےلئے 60 مختلف روٹس پر 689 بسیں چل رہی ہیں،جبکہ 236 روٹس پر 2926 منی بسوں کو روٹ پرمٹ جاری کئے گئے ہیں۔علاوہ ازیں 75 روٹس پر2391 کوچز بھی شہریوں کو آرٹی اے کی اجازت سے سفری سہولتیں فراہم کر رہی ہیں۔ کراچی پبلک ٹرانسپورٹ اور اربن ٹرانسپورٹ سسٹم کے تحت بھی کراچی کے علی التریب 53 اور22 روٹس پرعلی التریب160اور10کوچز کو پرمٹ جاری کئے گئے ہیں مختلف روٹس پر چلائی جارہی ہیں ۔

July 14, 2017

آپریشن رد الفساد ‘دہشت گردوں کے سہولت کارگرفتار

ڈیرہ غازی خان جدت ویب ڈیسک آپریشن رد الفساد کے تحت دہشت گردوں کے 2 سہولت کارگروہ گرفتارکرلیے گئے ¾ ان کے قبضے سے بڑی تعداد میں اسلحہ و گولہ بارود بھی برآمد کیا گیا۔میڈیا رپورٹ کے مطاب ق آپریشن رد الفساد کے تحت ڈیرہ غازی خان میں پاکستان رینجرز پنجاب، پولیس اورانٹیلی جنس ایجنسیوں نے مشترکہ آپریشن کیا، جس کے نتیجے میں دہشت گردوں کے دو سہولت کارگروہ گرفتارکیے گئے، گرفتار سہولت کاروں میں ایک خاتون بھی شامل ہے۔گرفتار گروہ سے غیر قانونی ہتھیاروں کی بڑی تعداد، گولہ بارود اورقانون نافذ کرنے والے اداروں کی وردیاں برآمد کی گئیں جب کہ ہتھیاراوربارود پنجاب، سندھ میں دہشت گردی کی کارروائیوں کے لئے پہنچایا جاتا تھا۔پولیس ذرائع کے مطابق گرفتارہونے والے شخص کی شناخت منیرپٹھان کے نام سے ہوئی ہے جس کا تعلق بنوں سے ہے جبکہ خاتون کی شناخت رابعہ بی بی کے نام سے ہوئی ہے جو میانوالی کی رہائشی ہے۔ دونوں ملزمان کے خلاف مقدمہ درج کر کے تحقیقات کا آغاز کر دیا گیا ہے۔