September 22, 2017

عالمی یوم امن کا موقع ، بھارتی جارحیت و بربریت جاری ، بھارتی بلااشتعال فائرنگ 6 معصوم شہری شہید جبکہ 26 افراد زخمی ہوگئے، آئی ایس پی آر

جدت ویب ڈیسک :آئی ایس پی آر کے مطابق بھارتی فوج نے ایک بار پھر ہٹ دھرمی کا مظاہرہ کرتے ہوئے ورکنگ باؤنڈری پر بلااشتعال فائرنگ کی ، جس کے نتیجے میں 6معصوم شہری شہید اور 26 زخمی ہوگئے۔ڈی جی آئی ایس پی آر میجر جنرل آصف غفور کا کہنا ہے کہ چاروا، ہڑپال ،چھپار سیکٹر پر بلااشتعال فائرنگ کی گئی، پاکستان رینجرز پنجاب کی جانب سے بھرپور جواب دیتے ہوئے دشمن کی بندوقیں خاموش کرادی۔میجر جنرل آصف غفور کا کہنا ہے کہ شہید ہونے والوں میں 4خواتین شامل ہیں جبکہ زخمیوں میں15خواتین اور 5بچے بھی شامل ہیں۔آئی ایس پی آر کے مطابق شہید ہونیوالوں میں کندن پورکا رہائشی اشرف مسعود، گاؤں بہینی سلیریاں کی رہائشی مریم اشفاق، چاروا سیکٹر کے رہائشی وسیم انور، شکیلہ ندیم اور نفیسہ محمود گنڈیال کی رہائشی خاتون شازیہ احمد شامل ہیں۔دوسری جانب مسلسل بھارتی شیلنگ کے بعد سول اسپتال ،سی ایم ایچ میں ایمرجنسی نافذ کردی گئی ہے ، ضلعی انتظامیہ نے سرحدی علاقوں میں متاثرین کیلئےامدادی کیمپ قائم کردیا جبکہ چوبارہ ورک دل والی اور پنڈی بھاگو میں بھی ریلیف کیمپ قائم کردیا گیا ہے۔یاد رہے گذشتہ روز بھارتی فوج نے سیز فائر کی خلاف ورزی کرتے ہوئے چاروا سیکٹر پر بلااشتعال فائرنگ اور گولہ باری کی، جس کے نتیجے میں دو خواتین سمیت چار شہری شہید جبکہ چار افراد زخمی ہوگئے تھےعلاقے میں خوف وہراس کے باعث لوگوں نے نقل مکانی شروع کردی ہے۔

 

 

 

 

September 21, 2017

پاک فوج اور پاکستان کے عوام نے جنگ میں جانوں کے نذرانے پیش کیے،دُنیا کو معترف ہونا چاہئیے

راولپنڈی جدت ویب ڈیسک : : آئی ایس پی آر کے مطابق آرمی چیف سے جرمن سفیر کی ملاقات جی ایچ کیو میں ہوئی جہاں دونوں رہنماؤں کے درمیان باہمہ دلچسپی کے امور سمیت خطے کی سیکیورٹی صورت حال پر تبادلہ خیال کیا گیا۔ سربراہ پاک فوج جنرل قمر جاوید باجوہ نے کہا ہے کہ دہشت گردی کے خلاف جنگ میں پاکستان نے سب سے زیادہ نقصان اُٹھایا ہے جس پر ہم کسی سے امداد نہیں بلکہ قربانیوں کو عالمی سطح پر تسلیم کیے جانے کے خواہش مند ضرور ہیں۔آرمی چیف نے دہشت گردی کے خلاف جنگ میں کلیدی کردار ادا کیا ہے اور پاک فوج اور پاکستان کے عوام نے اس جنگ میں جانوں کے نذارنے پیش کیے جس پر دنیا کو معترف ہونا چاہیئےیہ بات انہوں نے جرمن سفیر ایچ ای مارٹین کوبلز سے ملاقات کے دوران کہی جو آرمی چیف قمر جاوید باجوہ سے ملاقات کے لیے آج جنرل ہیڈ کوارٹر راولپنڈی میں پہنچے تھے۔

September 21, 2017

سانحہ ماڈل ٹاؤن میں ملوث افراد کے نام ای سی ایل میں ڈالیں جائیں، طاہر القادری کا مطالبہ

لاہور جدت ویب ڈیسک :لاہور ہائی کورٹ نے آج سانحہ ماڈل ٹاؤن کا فیصلہ سنا دیا، کہ سانحے کی رپورٹ پبلک کی جائے ، اسکے بعد عوامی تحریک کے سربراہ ڈاکٹر طاہرالقادری نے پریس کانفرنس کرتے ہوئے کہا کہ ہم مطالبہ کرتے ہیںسانحہ ماڈل ٹاؤن میں ملوث افراد کے نام ای سی ایل میں ڈالیں جائیں، تاکہ یہ لوگ باہر نہ بھاگ سکیں ، خود کو خادم اعلی کہلانے والے اب کس منہ سے اس فیصلے کے خلاف اپیل کرنے جارہے ہیں ، ہمارے ریکارڈ میں 27 افراد شہید ہوئے تھے ،سوا تین سال سے رپورٹ کو دبا کر رکھا ہوا ہے ن لیگی وزراء کہتے ہیں کہ ہمارا کوئی لینا دینا نہیں آج ہائی کورٹ نے اچھا فیصلہ دیا ہے ، متاثرین کی انصاف کے امید پھر زندہ ہوگئ ہے ساری ن لیگ قیادت باہر بھاگ رہی ہے ، اور نواز شریف کےپیچھے شہباز شریف بھی فرار ہونے جارہے ہیں ، شہباز شریف نے کہا تھا کہ اگر میں ملوث ہواتو فوری استعفی دےدونگا ی تاریخ کا بدترین قتل تھا اگر شہباز شریف آپ قاتل نہیں تو پھر جرات کریں اور رپوٹ کو پبلک کریں

September 21, 2017

.خواجہ آصف کی نا اہلی کیلئے اسلام آباد ہائیکورٹ نے تفصیلی حکم نامہ جاری کردیا

جدت ویب ڈیسک :خواجہ آصف کی نا اہلی کیلئے اسلام آباد ہائیکورٹ نے تفصیلی حکم نامہ جاری کر دیا ہے۔ جو اسلام آباد ہائیکورٹ کے جسٹس عامر فاروق نے تحریر کیا ہے، چار صفحات پر مشتمل حکم میں کہا گیا ہے کہ درخواست میں الیکشن لاء اور آئینی نقطے اٹھائے گئے ہیں، لہذا اس درخواست کی سماعت لاجر بینچ کرے گی۔ خواجہ آصف کی نا اہلی کے لئے درخواست پر سماعت کے لیے لارجر بنچ تشکیل دینے کا سفارش کی گئی ہے، کیس کی سماعت کے لیے لارجر بنچ تشکیل دینے کے لئے چیف جسٹس انور خان کاسی کو سفارش کر دی ہے، چیف جسٹس انور کاسی عثمان ڈار کی درخواست پر مناسب حکم جاری کریں گے۔ لارجر بنچ کی تشکیل کے لیے عثمان ڈار کی درخواست چیف جسٹس ہائیکورٹ کو بھجوا دی گئی ہے۔عثمان ڈار کی درخواست پر اسلام آباد ہائیکورٹ کے جسٹس عامر فاروق نے لارجر بنچ تشکیل دینے کی سفارش کردی اور معاملہ چیف جسٹس کو بھجوا دیا۔

 

September 21, 2017

پاک بحریہ کےنئےسربراہ کیلئے وائس ایڈمرل ظفرمحمودعباسی، وائس ایڈمرل عارف اللہ حسینی وائس ایڈمرل شاہ سہیل مسعود اور وائس ایڈمرل وسیم اکرم کے نام زیر غور

اسلام آبادجدت ویب ڈیسک : : پاکستان نیوی کا نیا چیف کون ہوگا ؟ تلاش شروع ہوگئی تفصیلات کے مطابق پاک بحریہ کے نئے سربراہ کی تقرری کا عمل شروع ہوگیا ہے ، نیوی کے سینئرموسٹ افسران پر مشتمل سمری وزیراعظم کو ارسال کردی گئی ہے۔وائس ایڈمرل سید عارف اللہ حسینی فہرست میں دوسرے نمبر پر ہے اور اس وقت ڈپٹی چیف آف آپریشنز کے عہدے پر فائز ہیں جبکہ وائس ایڈمرل وسیم اکرم کا سنیارٹی میں تیسرا نمبر ہے اور اس وقت بطور ڈپٹی چیف آف ٹریننگ اینڈ ایویلیوایشن کے عہدے پر فرائض سرانجام دے رہے ہیں۔پاک بحریہ کے نئے سربراہ کیلئے وائس ایڈمرل ظفرمحمودعباسی، وائس ایڈمرل عارف اللہ حسینی، وائس ایڈمرل شاہ سہیل مسعود اور وائس ایڈمرل وسیم اکرم کے نام زیر غور ہیں۔وزیر دفاع خرم دستگیر نے تقرر کی سمری وزیراعظم کو بھجوانے کی تصدیق کرتے ہوئے کہا کہ صرف یہ بتا سکتا ہوں نئے نیول چیف کی سمری بھجوادی ہے۔نئے نیول چیف کا فیصلہ وزیراعظم شاہد خاقان عباسی کریں گے، جس کے بعد وزیراعظم کی سفارش پر صدرممنون حسین نیول چیف کی منظوری دیں گےوائس ایڈمرل ظفرمحمودعباسی سنیارٹی فہرست میں پہلے نمبر پر ہے اور اس وقت چیف آف سٹاف کے عہدے پر موجود ہیں جبکہ وہ کمانڈنٹ پاکستان نیول اکیڈمی، کمانڈر سرفیس شپس اور ڈی جی پاکستان میری ٹائم سِکیورٹی ایجنسی بھی تعینات رہے۔