January 25, 2021

حکومت مذاکرات کیلیے اپوزیشن کی منتیں کررہی ہے ، مریم نواز

اسلام آباد: جدت ویب ڈیسک:مسلم لیگ ن کی نائب صدر مریم نواز نے کہا ہے کہ حکومت مذاکرات کے لیے رابطے کر رہی ہے لیکن اسے این آر او نہیں دیں گے ۔مریم نواز نے کہا کہ حکومت ہر محاذ پر ناکام ہو چکی ہے ، آج ملک میں عوام کا برا حال ہے ، بجلی اور پٹرول کی قیمتوں کہاں پہنچ چکی ہیں، جو حال آج ملک کا ہے وہ آپ کے سامنے ہے ، میڈیا کو بھی پریشر میں رکھا گیا ہے ۔مریم نواز نے مزید کہا کہ حکومت مذاکرات کے لیے رابطے کر رہی ہے بلکہ اپوزیشن کی منتیں کررہی ہے لیکن اپوزیشن نے فیصلہ کیا ہے کہ ان کے ساتھ کوئی بات نہیں کرنی اور این آر او نہیں دیں گے ، اپوزیشن کی یہ منتیں کرنے آئے تھے لیکن اب اپوزیشن کوئی تعاون نہیں کرے گی۔پارلیمنٹ ہاؤس میں ن لیگ کی پارلیمانی پارٹی کے اجلاس میں شرکت کے موقع پر مریم نواز نے اسلام آباد میں میڈیا سے گفتگو کرتے ہوئے کہا کہ میں پارلیمانی پارٹی کے لیے میاں نواز شریف کا خاص پیغام لائی ہوں،جو یہ ہے کہ حکومت مکمل ناکام ہو چکی، اپوزیشن کے پاس تمام آپشنز موجود ہیں، اپوزیشن پی ڈی ایم کے پلیٹ فارم سے مناسب وقت پر پارلیمنٹ سے استعفوں کا آپشن استعمال کرے گی۔ارکان کی وفاداری بدلنے کی مبینہ حکومتی کوششوں سے متعلق سوال کے جواب میں مریم نواز نے کہا کہ مسلم لیگ ن سمیت کسی بھی سیاسی جماعت کے ارکان سے جتنے بھی رابطے کریں انہیں کچھ حاصل نہیں ہوگا، ن لیگ محفوظ ہے ، ن لیگ کے ٹکٹ کے لیے پورا پاکستان درخواست دے گا اور ان کے ٹکٹ کے لیے کوئی اپلائی نہیں کرے گا۔

January 25, 2021

فارن فنڈنگ کیس میں ہمیں پھنسانے والے اب خود پھنس چکے ہیں، وزیراعظم

اسلام آباد: وزیراعظم عمران خان کا کہنا ہے کہ فارن فنڈنگ کیس میں ہمیں پھنسانے والے اب خود پھنس چکے ہیں۔وزیراعظم عمران خان کا کہنا تھا کہ حیرت ہے سرکاری زمینوں کا قبضہ چھڑانے کو بھی سیاسی انتقام قرار دیا جا رہا ہے ، سرکاری زمینوں پر قبضہ کرنے والوں کو (ن) لیگ کی سرپرستی حاصل رہی، سیاسی سرپرستی کے بغیر کوئی بھی سرکاری زمین پر قبضہ نہیں کر سکتا، قبضہ مافیا کے خلاف آپریشن کا دائرہ مزید وسیع کیا جائے ، اور حکومتی ترجمان قبضہ مافیا کے خلاف آپریشن کی تفصیلات سے قوم کو آگاہ کریں۔وزیراعظم نے کہا کہ فارن فنڈنگ کیس میں ہمیں پھنسانے والے اب خود پھنس چکے ہیں، الیکشن کمیشن میں ہمارا موقف درست ثابت ہوا، براڈشیٹ کے معاملے پر شفاف اور منصفانہ تحقیقات کرانا چاہتے ہیں، قومی خزانے کو نقصان پہنچانے والے ہر کردار کو سامنے لائیں گے ، اپوزیشن کی خام خیالی ہے کہ وہ پروپیگنڈا کر کے حقائق چھپا لیں گے ۔وزیراعظم عمران خان کی زیرصدارت حکومتی رہنماوں کا اجلاس ہوا، جس میں سیاسی صورتحال پر مشاورت کی گئی، اور حکومتی رہنماؤں کو براڈشیٹ، فارن فنڈنگ کیس اور قبضہ مافیا ہے خلاف کریک ڈاؤن پر بریفنگ دی گئی۔

January 25, 2021

ایئرپورٹ سیکیورٹی فورس(اے ایس ایف) نے کتنا سونا پکڑا؟ رپورٹ جاری

کراچی: ایئرپورٹ سیکیورٹی فورس(اے ایس ایف) کی جانب سے 2020 میں کی جانے والی مختلف کارروائیوں کے دوران تقریباً 40 کلو سونا پکڑا گیا جس کی مالیت 2 ارب 87 کروڑ سے زائد ہے۔
تفصیلات کے مطابق ایئرپورٹ سیکیورٹی فورس نے اپنی سالانہ رپورٹ جاری کردی جس میں کہا گیا ہے کہ اے ایس ایف نے 2020میں مختلف ایئرپورٹ پر 40 کلو سے زائد سونا پکڑا۔ ضبط سونے کی مالیت 2ارب87کروڑ25لاکھ روپے سے زائد ہے۔ ایک ارب55کروڑ کی غیرملکی غیرقانونی کرنسی بھی پکڑی گئی۔سالانہ رپورٹ کے مطابق اے ایس ایف نے مختلف ایئرپورٹ 70کلو 537سے زائد ہیروئن برآمد کی۔2020 میں 3ہزار664کلوحشیش جبکہ 37کلوآئس ہیروئن برآمد کی گئی۔ اے ایس ایف نے مختلف ایئرپورٹ پر 2ہزار420غیر قانونی اسلحہ برآمد کیا۔ کارروائی کا سلسلہ بدستور جاری ہے۔خیال رہے کہ ایئرپورٹ سیکیورٹی فورس کی جانب سے رواں سال کے آغاز کے بعد بھی مختلف کارروائی سامنے آئیں۔ غیرقانونی اقدام میں ملوث ملزمان پر بھاری جرمانے ہوئے اور کئی کو جیل کی ہوا بھی کھانی پڑی۔

January 23, 2021

مولانافضل الرحمان کے بھائی اور داماد نیب کے ریڈار پر

پشاور :جدت ویب ڈیسک: قومی احتساب بیورو نیب نے مولانافضل الرحمان کے بھائی ضیاالرحمان اور داماد کو طلب کرلیا جبکہ مولانا فضل الرحمن کے خلاف دو الگ الگ انکوائریاں جاری ہے ۔ذرائع کے مطابق 2007 میں ضیائ الرحمن کو غیرقانونی طورپر پروانشل مینجمنٹ سروس میں شامل کیا گیا ہے ۔تفصیلات کے مطابق قومی احتساب بیورونیب خیبرپختونخوا نے مولانافضل الرحمان کے بھائی ضیاالرحمان کوطلب کرلیا، نیب ذرائع کا کہنا ہے کہ ضیاالرحمان کو 26 جنوری کو نیب آفس طلب کیاگیا ہے ۔سابق چیف سکریٹری صاحبزادہ ریاض نور بھی کو بھی نیب نے طلب کرلیا ہے جبکہ سابق سکریٹری اسٹیبلشمنٹ صاحب جان ، سابق سکریٹری گورنر احمد حنیف اورکزئی کو بھی طلبی کا نوٹس جاری کیا گیا، سابق چیف سیکرٹری اور سیکٹری ایسٹبلیشمنٹ کو 27 اور 28 جنوری کو نیب آفس پشاور طلب کیا گیا ہے ۔ذرائع کا کہنا ہے کہ نیب نے مولانا فضل الرحمن کے خلاف دو الگ الگ انکوائریاں شروع کررکھی ہیں جبکہ مولانا فضل الرحمن کے داماد فیاض علی کو بھی 28جنوری کو طلب کر رکھا ہے ۔اس سے قبل نیب مولاناکے ایک قریبی ساتھی موسی خان کو گرفتار کر چکا ہے ۔

January 23, 2021

خواجہ آصف کی دبئی کے معروف ریسٹورنٹ میں پارٹنرشپ رہی ہے ، نیب رپورٹ

لاہور:جدت ویب ڈیسک: نیب رپورٹ میں دعوی کیا گیا ہے کہ خواجہ آصف کی دبئی کے ایک معروف ریسٹورنٹ میں پارٹنرشپ رہی ہے ۔نیب کی مسلم لیگ ن کے سینئر رہنما خواجہ آصف سے ہونے والی تفتیشی موصول ہوگئی ہے ، جس میں نیب نے دعوٰی کیا ہے کہ خواجہ آصف کی دبئی کے ایک معروف ریسٹورنٹ میں پارٹنرشپ رہی ہے ۔نیب رپورٹ میں بتایا گیا ہے کہ خواجہ آصف کی ”طارق میر اینڈ کمپنی” میں بھی پارٹنرشپ ہے ، کمپنی کے بینک اکاؤنٹ میں 2009 میں 100 ملین کی ٹی ٹیز بھیجی گئیں۔رپورٹ میں بتایا گیا ہے کہ خواجہ آصف دبئی میں واقع جاپانی ریسٹورنٹ “زن” میں شراکت دار تھے ، اور انہوں نے دبئی کی کمپنی آئیمیکو میں ملازمت بھی اختیار کر رکھی ہے ۔رپورٹ میں کہا گیا ہے کہ خواجہ آصف کے مطابق 2012 میں انہوں نے ریسٹورنٹ سے شراکت داری ختم اور 2017 میں ملازمت ترک کر دی تھی، تاہم وہ ریسٹورنٹ میں شراکت داری اور کمپنی میں ملازمت کے حوالے سے نیب کو تاحال ریکارڈ فراہم نہیں کر سکے ۔

January 23, 2021

شیخ رشید ایک بار پھر نواز شریف سے معافی مانگیں گے ، رانا ثنا اللہ

لاہور:جدت ویب ڈیسک: مسلم لیگ ن پنجاب کے صدر رانا ثنااللہ نے کہا ہے کہ شیخ رشید ایک بار پھر نواز شریف سے معافی مانگیں گے ۔رانا ثنا اللہ کا کہنا تھا کہ پی ٹی آئی غیر ملکی فنڈنگ پر چلنے اور پھلنے والی جماعت ہے ، یہ فنڈنگ صرف غیر ملکی نہیں بلکہ ملک دشمنوں سے لی گئی، پی ٹی آئی نے ممنوعہ فنڈنگ کو استعمال کیا، انہوں نے اسرائیلی اور انڈین لابی سے پیسہ وصول کرکے اپنے پروپیگنڈے کے لیے استعمال کیا۔ 3 سال سے چور چور کا شور مچانے والا چور پکڑا جاچکا، لیکشن کمیشن میں پی ٹی آئی کا اعتراف جرم موجود ہے ، الیکشن کمشنر کے پاس ان کو سزا ینے کے علاوہ کوئی راستہ نہیں۔رہنمان لیگ کا کہنا تھا کہ آٹا، چینی اور ادویات چوروں نے مہنگائی کا بازار لگا رکھا ہے ، 30 سے 35 فی کلو فروخت ہونے والا آٹا 75 روپے تک پہنچ چکا ہے ، پی ٹی آئی کے خلاف پوری قوم آواز اٹھائے گی، شیخ رشید ایک بار پھر نواز شریف سے معافی مانگیں گے ۔لاہور میں میڈیا سے بات کرتے ہوئے رانا ثنا اللہ کا کہنا تھا کہ اے این ایف میں میرے کیس کو پونے دو سال ہوگئے ، میرے خلاف جعلی اور جھوٹا مقدمہ سیاسی انتقام کے لیے بنایا گیا، یہ مقدمہ سلیکٹڈ جعلی وزیراعظم کے کہنے پر درج کیا گیا، جس ویڈیو کا بیان اس وقت کے وزیر انساد منشیات اور ڈی جی اینٹی نارکوٹکس فورس دیتے رہے وہ آج تک عدالت کو فراہم نہیں کر سکے ، تمام جعلی مقدمات صرف ایک حکم سے ختم ہوجائیں گے ، اس قوم سے انہیں نے جو دھوکے بازیاں کی ہیں اس پر سلیکٹڈ ٹولے کے اف جلد ان ہی عدالتوں میں مقدمات چلیں گے ۔ براڈ شیٹ میں شہزاد اکبر کا کمیشن تھا، براڈ شیٹ کو 7 ارب روپے ادا کئے گئے ، براڈ شیٹ کمپنی کا مالک خود متنازع ہے ۔

January 23, 2021

. سوڈان میں اقوام متحدہ امن مشن میں پاکستان کی 2 بیٹیاں گل نساء اورصائمہ اشرف بھی شامل

پشاور:: سوڈان میں اقوام متحدہ کے امن مشن میں پاکستان کی دو بیٹیاں بھی شامل ہیں، اے ایس آئی صائمہ شریف اور پسماندہ ضلع ٹانک سے تعلق رکھنے والی گل نساء سوڈان میں قیام امن میں مصروف ہیں۔امن کے قیام کا مشن اندرون ملک ہو یا بیرون ملک، پاکستانی خواتین مردوں سے کسی طور پیچھے نہیں۔ خیبرپختونخوا بم ڈسپوزل اسکواڈ کی ایلیٹ لیڈی کمانڈو اقوام متحدہ کے امن مشن پر سوڈان پہنچ گئیں۔ گل نساء نے سیکنڈ لیفٹننٹ کی ذمہ داریاں سنبھال لی ہیں۔خیبرپختونخوا کے پسماندہ ضلع ٹانک سے تعلق رکھنے والی گل نساء نے یو این امن مشن میں شمولیت کے لئے باقاعدہ تحریری ٹیسٹ، ڈرائیونگ، کمپیوٹر ٹیسٹ اور انٹرویو میں کامیابی حاصل کی۔آئی جی پولیس خیبرپختونخوا نے دونوں خواتین اہلکاروں کا امن مشن کے لئے انتخاب کو قابل فخر قرار دیا۔گل نساء اورصائمہ اشرف کا اقوام متحدہ کے امن مشن کے لئے انتخاب بین الاقوامی سطح پر پاکستانی خواتین کی اہلیت کا اعتراف ہے۔

Two policewomen from KP representing Pakistan at UN peacekeeping mission in Sudan