April 4, 2020

ڈینیل پرل کیس کے فیصلے پرامریکا کا ردعمل فطری ہے،شاہ محمود قریشی

اسلام آباد:وزیر خارجہ شاہ محمود قریشی نے کہا ہے کہ ڈینیل پرل کیس کے فیصلے پرامریکا کا ردعمل فطری ہے،محکمہ داخلہ نے ملزمان کو90 روزکے لیے حفاظتی طویل میں لے لیا ہے ، حکومت سندھ کی جانب سے فیصلے کے خلاف اپیل بھی دائرکی جائیگی۔ ہفتہ کو وزیر خارجہ مخدوم شاہ محمود قریشی نے ڈائنیل پرل کیس کے حوالے سے اہم بیان میں کہاکہ امریکہ کی طرف سے ڈائنیل پرل کیس کے حوالے سے سامنے آنے والے تحفظات فطری ہیں۔ انہوںنے کہاکہ وہ ایک نمایاں صحافی تھے انہیں پہلے تاوان کیلئے اغوا کیا گیا اور پھر قتل کر دیا گیا یہ خبر پوری دنیا میں پھیلی اور پاکستان پر انگلیاں بھی اٹھائی گئیں ہمیں حدف تنقید بنایا گیا۔ انہوںنے کہاکہ پاکستان نے دہشت گردی کے خلاف جنگ میں بہت قربانیاں دیں پوری قوم نے مل کر دہشت گردی کے خلاف ایک طویل لڑائی لڑی اور اسے شکست دی۔ انہوکںنے کہاکہ ڈائنیل پرل کیس میں ملزمان گرفتار ہوئے مقدمہ چلا اور بالآخر تین ملزمان کو قید کی سزا ہوئی اور مرکزی ملزم شیخ عمر کو سزائے موت سنائی گئی۔ انہوںنے کہاکہ اپیل کا حق انہیں حاصل تھا چنانچہ ان کی اپیل کو سندھ ہائی کورٹ نے تسلیم کر کے، انسداد دہشت گردی کورٹ، حیدرآباد کی طرف سے دی گئی سزا کو معطل کرتے ہوئے، تین ملزمان کو بری جبکہ شیخ عمر کی سزائے موت کو سات سال قید میں تبدیل کرنے کے احکامات جاری کیے ،اس فیصلے سے تشویش پیدا ہوئی ۔ انہوںنے کہاکہ سندھ ہوم ڈیپارٹمنٹ نے پبلک سیفی ایکٹ کے تحت 90 روز کیلئے ملزمان کی نظر بندی کا فیصلہ کیا اور سندھ ہائی کورٹ کے فیصلے کے خلاف اپیل میں جانے کا بھی فیصلہ کیا گیا ، اپیل کا فورم موجود ہے اب یہ متعلقہ عدالت نے دیکھنا ہے کہ وہ سندھ ہائی کورٹ کے فیصلے کو برقرار رکھتے ہیں یا کالعدم قرار دیتے ہیں۔

April 4, 2020

(ن)لیگ بطور اپوزیشن جماعت تعمیر ی او رمثبت کردار ادا کر رہی ہے ،سعدرفیق

لاہور:پاکستان مسلم لیگ (ن) کے مرکزی رہنما خواجہ سعد رفیق نے کہا ہے کہ مشکل کی اس گھڑی میں پوری قوم نے اتحاد کا مظاہرہ کرنا ہے اور ہم نے حالات سے قطعاً مایوس نہیں ہونا ، مسلم لیگ (ن)بطور اپوزیشن جماعت اپنا تعمیر ی او رمثبت کردار ادا کر رہی ہے اور عوام کو کسی صورت تنہا نہیں چھوڑیں گے ۔ ان خیالات کا اظہار انہو ں نے پارٹی رہنما رانا آصف حسین ڈیال سے گفتگو کرتے ہوئے کیا ۔خواجہ سعد رفیق نے کہا کہ عوام سے اپیل ہے کہ خود کو گھروں تک محدود رکھیں اور حفاظتی تدابیر پر عمل پیرا ہو کر اس وباء کو پھیلنے سے روکنے میں اپنا کردار ادا کریں ۔ انہوں نے کہا کہ شہباز شریف نے صوبے کے سربراہ کے طور پر غیر معمولی کارکردگی دکھا کر اپنی اہلیت کو ثابت کیا ہے اور اپنے تجربے کی بنیاد پر حکومت کی رہنمائی کا فریضہ سرانجام دے رہے ہیں۔ مسلم لیگ (ن) بطور اپوزیشن جماعت اپنا تعمیری اور مثبت کردار ادا کر رہی ہے اور کرتی رہے گی ۔ خواجہ سعد رفیق نے کہا کہ مسلم لیگ (ن) کے رہنما اور اراکین اسمبلی مشکل کی اس گھڑی میں عوام کے شانہ بشانہ ہیں اور انہیں تنہا نہیں چھوڑیں گے۔ رانا آصف حسین ڈیال نے کہا کہ قیادت کی ہدایات پر سیاست سے بالا تر ہو کر مستحق خاندانوں کی مدد کر رہے ہیں ۔ مسلم لیگ (ن) ملک کی سب سے بڑی اور مقبول سیاسی جماعت ہے اور اس کی جڑیں عوام میں ہیں ، ہم اس برتری کو عوام کی مشکلات کے حل کیلئے استعمال کریں گے۔

April 4, 2020

پاکستان کی بڑی پیش رفت ,ویٹنی لیٹرز کے ٹرائلز تین اسپتالوں میں شروع ہورہے ہیں، فواد چوہدری

اسلام آباد : جدت ویب ڈیسک ::وفاقی وزیرفواد چوہدری نے ٹویٹ میں کہا کہ وینٹی لیٹرز کے ٹرائلز سی ایم ایچ راولپنڈی میں بھی ہوں گے، ٹرائل پی ای سی کے منظور شدہ ڈیزائنز کا کیا جارہا ہے۔
پاکستان میں وینٹیلیٹرز کے کلینیکل ٹرائیلز (Clinical Trials) جناح ہسپتال لاہور،انڈس ہسپتال کراچی اور سی ایم ایچ راولپنڈی میں شروع ہو رہے ہیں، پاکستان انجینرنگ کونسل کے دو approved design اس فائنل مرحلے کیلئے سلیکٹ کئے گئے ہیں، میڈیکل انجینرنگ میں یہ پاکستان کی بڑی پیش رفت ہے۔
انہوں نے مزید کہا کہ میڈیکل انجینئرنگ میں پاکستان کی یہ بہت بڑی پیشرفت ہے۔
فواد چوہدری نے کرونا مریضوں کےلیے تیار کیے گئے وینٹی لیٹرز سے متعلق بتایا کہ مذکورہ وینٹی لیٹرز کے کلینیکل ٹرائلز تین اسپتالوں میں شروع ہورہے ہیں۔
تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر جاری بیان میں کہا ہے کہ وینٹی لیٹرز کے کلینیکل ٹرائلز 3 اسپتالوں ‘جناح اسپتال لاہور، انڈس اسپتال کراچی میں شروع کیے جائیں گے۔خیال رہے کہ گزشتہ روز فواد چوہدری نے کہا تھا کہ ٹیسٹنگ کٹس کے اپنے طور پر ٹیسٹ کیے جس کے نتائج درست آئے، دوسرے مرحلے میں کٹس ڈریپ کو دی گئیں تاکہ وہ بھی ٹیسٹ کرلیں۔ان کا کہنا تھا کہ ڈریپ کی منظوری کے بعدٹیسٹنگ کٹس کا عام استعمال شروع ہو جائے گا، عام استعمال سے مطلب لیبارٹریز کو ٹیسٹنگ کٹس دے دی جائیں گی۔

April 4, 2020

فی الحال ہم تعمیرات کے شعبے کو کھول رہے ہیں۔ لوگ فاقوں مریں نہ ہی معیشت کا شیرازہ بکھرے۔وزیر اعظم

ویب ڈیسک :: وزیر اعظم عمران خان کا ٹوئٹ میں کہنا ہے کہ برصغیر میں بلند شرحِ افلاس کیساتھ ہمیں بندشوں میں حدددرجہ توازن درکار ہے۔ کرونا کا پھیلاؤ کم کرنے/مکمل طور پر روکنے کیلئے اگرچہ بندشیں ضروری ہیں تاہم اہتمام لازم کہ ان بندشوں کے باعث لوگ فاقوں مریں نہ ہی معیشت کا شیرازہ بکھرے۔ فی الحقیقت ہم ایک تنی ہوئی رسی پر گامزن ہیں۔
ہم تعلیمی اداروں، خرید و فروخت کے بڑے مراکز، شادی ہالز، اور ریستورانوں سمیت ایسے تمام مقامات بند کر چکے ہیں جہاں افراد کے جمع ہونے کا احتمال ہو۔ تاہم ان بندشوں کے تباہ کن اثرات سے بچاؤ کیلئے پہلے زرعی شعبہ کھلا رکھا گیا اور اب ہم تعمیرات کے شعبے کو کھول رہے ہیں۔