August 16, 2017

ابو ظہبی دنیا کے محفوظ ترین شہروں میں شامل

ابوظہبی جدت ویب ڈیسک رواں سال کے محفوظ ترین سمجھے جانے والے عالمی شہرت یافتہ شہروں میں متحدہ عرب امارات کے دارالحکومت ابو ظہبی کو بھی محفوظ ترین شہر ہونے کا اعزاز حاصل ہوگیا۔العربیہ ٹی وی کے مطابق نومبیو ویب سائیٹ کی جانب سے دنیا بھر کے محفوظ ترین شہروں کی ایک فہرست جاری کی گئی ہے۔ اس فہرست میں عالمی سطح پر محفوظ شہروں میں ابو ظہبی کا نمبر 9 واں ہے جب کہ عرب دنیا میں اسے پہلا درجہ حاصل ہے۔زندگی گذارنے کے لیے محفوظ ومامون شہروں کے تعین کے لیے ویب سائیٹ کی جانب سے پوری دنیا سے مستند معلومات، لوگوں کے بیانات، ان کے طرز زندگی، معیشت اور دیگر کئی سوالات کے جوابات حاصل کیے گئے۔ ان بیانات اور مستند جوابات کی روشنی میں ان شہروں کی درجہ بندی کی گئی۔ رپورٹ کے نتائج میں بیانات، اعدادو شمار کو فی صد میں ظاہر کیا گیا۔ اس اعتبار سے ابو ظہبی کو 13.54 پوائنٹ ملے۔ یوں عرب دنیا میں یہ کم سے کم جرائم والا شہر اور دنیا بھر میں نواں محفوظ شہر قرار پایا۔ واضح رہے کہ یہ اعدادو شمار گذشتہ چھ ماہ کے ہیں۔سب سے محفوظ ترین شہر کا اعزاز سوئٹرزلینڈ کے بازل کو ملا ہے جس نے امن وامان کے حوالے سے 86.46 پوائنٹس حاصل کیے۔اس سروے پر بات کرتے ہوئے ابو ظہبی کی سیاحت وثقافت اتھارٹی کے ڈائریکٹر جنرل سفی سعید غباش نے کہا کہ ’ابو ظہبی میں امن ومان کا قیام ان کی اولی ترجیح ہے۔ انہیں اس بات پر فخر ہے کہ ابو ظہبی کا شمار دنیا کے کم سے کم جرائم والے شہروں میں ہوتا ہے۔

August 15, 2017

شمالی کوریا کے حکمران کم جونگ یون نے امریکہ کے زیر قبضہ گوام پر میزائل حملوں کی تیاری کا حکم جاری کردیا

جدت ویب ڈیسک :امریکہ کے ڈیفنس سیکرٹری جم میٹیس نے شمالی کوریا کی جانب سے دھمکیاں ملنے کے بعد کہا ہے کہ شمالی کوریا نے گوام پر میزائل چھوڑا تو اسکو اعلان جنگ سمجھا جائے گا۔ شمالی کوریا سے اکیس سو کلومیٹر کے فاصلہ پرواقع گوام بحرالکاہل میں واقع ایک جزیرہ ہے جو امریکہ کا حصہ ہے۔شمالی کوریا کے کے حکمران کم جونگ یون نے امریکی صدر ٹرمپ کو للکارتے ہوئے اپنی فوج کے سربراہ کو ہر طرح کے حملوں کا جواب دینے کا حکم دے دیا ہے ۔تازہ ترین خبروں کے مطابق شمالی کوریا کے حکمران نے امریکہ کے زیر قبضہ گوام پر میزائل حملوں کی تیاری کا حکم جاری کردیا ہے۔جس سے تیسری عالمی جنگ چھڑ جانے کے خدشات بڑھ گئے ہیں۔ برطا نوی روزنامہ ڈیلی ایکسپریس نے بھی کورین نیوز ایجنسی کے حوالہ سے خبر شائع کرتے ہوئے دعویٰ کیا ہے کہ شمالی کوریا کے حکمران نے ڈونلڈ ٹرمپ کو دھمکی دیتے ہوئے کہا ہے کہ اس جنگ سے بچنے کے لئے وہ اپنے لئے بہترین راستہ کا چناو¿ کرسکتے ہیں ۔کم جونگ یون نے امریکی صدر کے اس بیان کے بعدکہ اگر شمالی کوریا نے امریکی شہریوں کو ڈرایا دھمکایا تو وہ شمالی کوریا پر حملہ کردیں گے ، اپنی فوجوں کو میزائلوں سے لیس کرنے کا حکم دیتے ہوئے کہا ہے کہ وہ امریکہ کے اقدامات کاکچھ وقت مزید انتظارکریں گے ۔اُدھر امریکی ذرائع کا کہنا ہے کہ شمالی کوریا کے فوجی حملوں سے بچنے کے لئے امریکہ ایٹمی ہتھیاروں کااستعمال کرسکتا ہے جس سے لامحالہ تیسری جنگ شروع ہوسکتی ہے۔

 

August 15, 2017

کون بنے گا برطانیہ کا شہنشاہ ,باپ یا بیٹا؟

جدت ویب ڈیسک :۔تازہ ترین میڈیا رپورٹ کے مطابق برطانیہ کے سٹے بازوں نے شہزادہ چارلس کے کنگ بننے یا نہ بننے پر سٹہ لگاتے ہوئے اعلان کیا ہے کہ کیا بوڑھا شہزادہ چارلس برطانیہ کے تخت پر جلوہ گر ہوگا یا وہ اپنے چونتیس سالہ بیٹے ہیری کے سر پر تاج برطانیہ رکھ کر اس ذمہ داری اور خواہش سے دستبردار ہوجائے گا ۔بکیوں کی بھاری تعداد نے 11/2 کی شرح سے دعویٰ کیاہے کہ شہزادہ چارلس ہیری کے سر پر تاج رکھ دے گا جبکہ آن لائن بکیوں کا کہنا ہے کہ اس بات کا 1/10 چانس ہے کہ 68 سالہ پرنس آف ویلزشہزادہ چارلس برطانیہ کے 42 ویں شہنشاہ بن سکیں گے۔ سٹہ بازی اب کھیلوں وغیرہ تک محدود نہیں رہا بلکہ سٹہ باز سیاست و وراثت کے معاملات پر بھی معروف شخصیات پر جوا کھیل جاتے ہیں ۔ان دنوں برطانیہ کے نئے شہنشاہ بننے کے حوالے سے کچھ ایسی ہی ایک دلچسپ صورتحال پیدا ہوچکی ہے۔ برطانیہ کے ولی عہد شہزادہ چارلس کا اپنی والدہ ملکہ برطانیہ کی حیات میں شہنشاہ بننا ہمیشہ سے زیر بحث رہا ہے ۔برطانیہ کا جومیڈیا شہزادہ چارلس کے سر پر تاج برطانیہ دیکھنا چاہتا تھا لیکن اب اس کا بھی نقطہ نظر تبدیل ہورہا ہے