November 18, 2019

بنگلہ دیش میں پیاز کی قیمت ریکارڈ سطح پر جاپہنچی،وزیراعظم نے استعمال ترک کردیا

ڈھاکا جدت ویب ڈیسک :ملک میں کھانوں کی قیمتیں بلندترین سطح پر پہنچنے کے باعث بنگلہ دیش نے فوری طور پر فضائی راستے سے پیاز درآمد کرنے کا فیصلہ کرلیا۔بنگلہ دیش میں پیاز کی قیمت اتنی بڑھ گئیں کہ وزیراعظم حسینہ واجد بھی اپنے مینیو میں کمی کرنے پر مجبور ہوگئیں۔فرانسیسی خبررساں ادارے کی رپورٹ کے مطابق بھارت میں حالیہ مون سون سیز کی دوران پیاز کی فصل کو خاصہ نقصان پہنچا تھا اور پیداوار معمول سے کم ہوئی جس کے سبب پڑوسی ممالک کو برآمد کرنے پر پابندی لگادی گئی تھی۔جنوبی ایشیا میں پیاز کی قیمتوں میں اضافہ ایک حساس معاملہ ہے جہاں قلت بڑے پیمانے پر عدم اطمینان اور سیاسی مسائل بھی پیدا کرسکتی ہے اور بنگلہ دیش میں بھارتی برآمدات رکنے کی وجہ سے اس کی قیمت میں ہوش ربا اضافہ ہوگیا۔واضح رہے کہ بنگلہ دیش میں عمومی طور پر اہم سبزیاں زیادہ سے زیادہ 30 ٹکا (55 پاکستانی روپے)فی کلو کی قیمت میں دستیاب ہوتی ہیں لیکن پابندی کے بعد سے قیمتیں 260 ٹکا (476)روپے فی کلو تک جا پہنچیں۔اس حوالے سے حسینہ واجد کے ڈپٹی پریس سیکریٹری حسن جاہد توشر نے بتایا کہ فضائی مال برداری کے ذریعے پیاز درآمد کی جارہی ہے اور وزیراعظم نے اپنے کھانوں میں پیاز کا استعمال ترک کردیا ہے۔

November 16, 2019

بھارت کا ایک اور جنگی طیارہ زمیں بوس ہو گیا

نئی دہلی: جدت ویب ڈیسک ::پڑوسی ملک بھارت کا ایک اور جنگی طیارہ خود کو فضا میں برقرار نہ رکھ کر زمیں بوس ہو گیا ہے۔
تفصیلات کے مطابق بھارت کا جنگی طیارہ مگ 29 ٹریننگ کے دوران گوا میں گر کر تباہ ہو گیا، طیارے میں موجود دونوں پائلٹ جان بچانے میں کام یا ب رہے۔
بھارتی میڈیا کی رپورٹس کے مطابق طیارے کے انجن میں آگ لگ گئی تھی جس کے باعث وہ گر کر تباہ ہوا، تاہم طیارہ اڑانے والے دونوں پائلٹس بروقت چھلانگ لگا کر بچ گئے۔
اطلاعات کے مطابق بھارتی طیارے نے جیسے ہی تربیتی اڑان بھری، کچھ ہی دیر میں گر کر تباہ ہو گیا، پائلٹس خود کو بروقت نکالنے میں کامیاب ہوئے۔ انڈین نیوی کے مطابق طیارے کے دائیں انجن سے ایک پرندہ ٹکرا گیا تھا جس کے باعث انجن میں آگ بھڑک اٹھی۔
طیارہ کھلی اور محفوظ جگہ گرنے کے باعث کوئی جانی نقصان نہیں ہوا، ڈیفنس منسٹر راجناتھ سنگھ نے ایک ٹویٹ کے ذریعے کہا کہ ہمیں خوشی ہوئی کہ دونوں پائلٹس نے خود کو محفوظ رکھا، میں ان کی صحت کے لیے دعاگو ہوں۔یاد رہے کہ 25 ستمبر کو بھی ایک بھارتی مگ 21 جنگی طیارہ شہر گوالیار میں گر کر تباہ ہو گیا تھا، اس حادثے میں بھی دونوں پائلٹ محفوظ رہے تھے۔ 8 اگست کو آسام کے علاقے تیز پور سے اڑنے والا لڑاکا طیارہ اچانک گر کر تباہ ہوا تھا جس کے نتیجے میں دونوں پائلٹ شدید زخمی ہو گئے تھے۔ پھر 27 اگست کو بھی بھارتی ریاست اترپردیش میں تربیتی طیارہ گر کر تباہ ہوگیا تھا، طیارے میں چھ مسافر سوار تھے جنھیں انتظامیہ نے محفوظ قرار دے دیا تھا۔ابھی گزشتہ ماہ 6 اکتوبر کو بھی بھارتی ریاست تلنگانہ میں ایک اور تربیتی طیارہ گر کر تباہ ہو گیا تھا جس کے نتیجے میں 2 پائلٹ ہلاک ہو گئے تھے۔

Image result for indian aircraft crashed at goa

Image result for indian aircraft crashed at goa

Image result for indian aircraft crashed at goa

November 16, 2019

نیدرلینڈز کی ملکہ میکسیما نے پاکستان کے دورے کا فیصلہ کر لیا

جدت ویب ڈیسک ::اسلام آباد: مغربی یورپ کے خوب صورت ملک نیدرلینڈز کی ملکہ میکسیما نے پاکستان کے دورے کا فیصلہ کر لیا ہے۔
تفصیلات کے مطابق نیدرلینڈز کی ملکہ میکسیما زوریٹا رواں ماہ پاکستان کا 3 روزہ دورہ کریں گی، ملکہ کا یہ دورہ 25 سے 27 نومبر تک ہوگا۔
ملکہ میکسیما دورے میں صدر ڈاکٹر عارف علوی اور وزیر اعظم عمران خان سے ملاقات کریں گی۔ ملک کی دیگر اعلیٰ شخصیات سے بھی ملاقاتیں ہوں گی، جن میں دونوں ممالک کے درمیان باہمی تعلقات کے فروغ پر خصوصی گفتگو کی جائے گی۔
یاد رہے کہ فروری 2016 میں بھی ملکہ میکسیما نے پاکستان کا تین روزہ دورہ کیا تھا، ملکہ اقوام متحدہ کے سیکریٹری جنرل کی خصوصی وکیل برائے ترقی ہیں۔
واضح رہے کہ رواں برس اگست میں پاکستان میں کاروباری ماحول میں بہتری کے باعث نیدرلینڈز نے پٹرولیم اور ایل این جی کے شعبے میں سرمایہ کاری کا اعلان کیا تھا، ڈچ کمپنی رائل ووپاک کے وفد نے مشیر تجارت عبدالرزاق داؤد سے ملاقات میں پاکستان میں 2 ارب 80 کروڑ ڈالر کی سرمایہ کاری کا منصوبہ پیش کیا۔
ڈچ کمپنی نے کیمیکل انڈسٹری میں مشترکہ منصوبے شروع کرنے پر زور دیا تھا، خیال رہے کہ رائل ووپاک دنیا بھر میں تیل، کیمیکل، خوردنی تیل اور قدرتی گیس سے متعلق مصنوعات کو ذخیرہ کرنے اور سنبھالنے میں مہارت رکھتی ہے۔دوسری طرف نیدرلینڈز میں انسانی حقوق کا مسئلہ بھی اٹھا ہے، اگست ہی میں ملک میں مسلمان خواتین کے برقعے پر پابندی کا متنازع قانون جبراً نافذ کر دیا گیا تھا، رپورٹس کے مطابق نیدرلینڈز میں مسلمان متعصبانہ رویے کا شکار ہو رہے ہیں۔
یکم اگست سے یہ قانون نافذ کیا گیا ہے کہ نیدرلینڈز میں جو بھی خاتون یا لڑکی نقاب یا برقع پہن کر اسکول، اسپتال یا کسی سرکاری دفتر میں جائے گی یا بسوں اور ٹرینوں وغیرہ میں سفر کرے گی تو اس پر بھاری جرمانہ ہوگا اور کسی قسم کی چھوٹ نہیں دی جائے گی

Related image

Image result for netherland queen visit pakistan

November 16, 2019

پندرہ سالہ ہاشم بہن کو بچانے پر سوشل میڈیا پر ہیرو بن گیا

جدت ویب ڈیسک ::منیلا: فلپائن میں 15 سالہ بھائی نے جان کی پروا کیے بغیر خونخوار مگرچھ سے مقابلہ کرتے ہوئے اپنی بہن کو بچالیا۔
غیرملکی خبررساں ادارے کے مطابق فلپائن میں 15 سالہ بھائی دلیری سے مقابلہ کرتے ہوئے 14 فٹ لمبے مگرچھ کے جبڑوں سے اپنی بہن کو بچانے میں کامیاب ہوگیا۔
رپورٹ کے مطابق فلپائن کے علاقے پلاوان کی ندی کے چھوٹے پل سے 15 سالہ بھائی ہاشم اپنی 12 سالہ بہن ہائنا کے ساتھ گزر رہا تھا کہ اچانک پانی میں چھپے 14 فٹ لمبے مگرمچھ نے بہن کی ٹانگ دبوچ کر اسے کھینچ کر لے جانے کی کوشش کی۔
مگرمچھ جیسے ہی پلٹا اور پتھر لگنے کے باعث اس کی گرفت ڈھیلی ہوئی اور بچی کے بھائی نے پوری طاقت سے بہن کو اپنی جانب کھینچ لیا۔
اس طرح 12 سالہ ہائنا مگرمچھ کے جبڑے سے آزاد ہوگئی، بھائی نے بہن کی زندگی تو بچالی لیکن اس کی ٹانگ پر گہرے زخم آگئے۔
ہائنا نے ڈیلی میل سے گفتگو کرتے ہوئے کہا کہ میں اپنے بھائی سے بہت محبت کرتی ہوں اس نے میری زندگی بچالی ورنہ میں مگرمچھ کی خوراک بن چکی ہوتی۔ہاشم کا کہنا تھا کہ پہلے میں پل کراس کررہا تھا جب میں نے پلٹ کر بہن کی طرف دیکھا تو ہائنا مگرمچھ کے منہ میں تھی اور وہ کھینچ کر لے جارہا تھا تاہم میں نے ہمت کی اور بہن کو بچانے میں کامیاب رہا۔رپورٹ کے مطابق ہائنا کی حالت خطرے سےت باہر ہے جبکہ 15 سالہ ہاشم بہن کو بچانے پر سوشل میڈیا پر ہیرو بن گیا ہے۔

Image result for Crocodile manila hashim sister

November 15, 2019

ملک بھر میں فری وائی فائی انٹرنیٹ دینے کا اعلان

لندن: جدت ویب ڈیسک :: برطانیہ کی لیبر پارٹی نے اعلان کیا ہے کہ انتخابات جیتنے پر پورے ملک میں مفت وائی فائی کی سہولت فراہم کی جائے گی۔
تفصیلات کے مطابق برطانیہ میں انتخابات قریب آتے ہی سیاسی جماعتوں نے ووٹرز سے وعدے کرنے شروع کر دیے، لیبر پارٹی نے انتخابات جیتنے پر پورے ملک میں فری وائی فائی انٹرنیٹ دینے کا وعدہ کر لیا ہے۔
خیال رہے برطانیہ میں 2 کروڑ 70 لاکھ گھر ہیں، مفت وائی فائی کے لیے 20 بلین پاؤنڈز کے اخراجات درکار ہوں گے۔ دوسری جانب کنزرویٹو پارٹی نے اس پالیسی کو تنقید کا نشانہ بناتے ہوئے کہا کہ ملک بھر میں فری وائی فائی کا منصوبہ خام خیالی ثابت ہوگا، کیوں کہ خدشہ ہے اس پر خرچ کی جانے والی ٹیکس کی رقم ضائع ہو جائے گی۔
یاد رہے کہ برطانیہ میں 12 دسمبر کو عام انتخابات ہونے جارہے ہیں جو وزیراعظم بورس جانسن کی جانب سے بریگزٹ پر قائم ڈیڈلاک کو توڑنے کے مطالبے پر شیڈول ہیں۔
برطانوی پارلیمنٹ نے قبل ازوقت انتخابات کا بل منظور کیا تھا، بل کے حق میں 438 جبکہ مخالفت میں 20 ووٹ پڑے، اپوزیشن لیڈر جیرمی کوربن کا کہنا تھا کہ قبل از وقت انتخابات کے لیے تیار ہیں، برطانیہ میں اب تبدیلی کا وقت آگیا ہے۔خیال رہے کہ برطانیہ کو 31 اکتوبر تک یورپی یونین سے نکل جانا تھا تاہم ڈیڈ لائن سے تین روز قبل برطانوی وزیراعظم بورس جانسن کی درخواست پر تین ماہ کی توسیع کی منظوری دی گئی ہے۔یاد رہے دو روز قبل برطانیہ میں عام انتخابات سے قبل جاری مہم کے دوران اپوزیشن جماعت لیبر پارٹی کی ویب سروس پر ہیکرز نے حملے کیے تاہم ان حملوں کو مکمل طور پر ناکام بنادیا گیا تھا۔
بعد ازاں لیبرپارٹی کے سربراہ جریمی کوربن نے پارٹی کے ڈیجیٹل پلیٹ فارم پرسائبرحملوں کوتشویشناک قراردیا تھا۔