July 15, 2017

زندگی کی آخری فلم : ’’ مسٹر کباڑی‘‘ ریلیز ہونے کوتیار

ممبئی جدت ویب ڈیسک بالی وڈ کے آنجہانی اداکار اوم پوری کی زندگی کی آخری فلم ’’مسٹر کباڑی‘‘ اگست میں سنیما گھروں کی زینت بنے گی۔بھارتی ذرائع ابلاغ کے مطابق بالی وڈ نگری میں جاندار اداکاری کی بدولت اپنی الگ پہنچان بنانے والے آنجہانی اداکار اوم پوری کی زندگی کی آخری فلم اگست میں ریلیز کی جائے گی جس میں اوم پوری کو طنز و مزاح سے بھرپور کردار ادا کرتے دیکھا جاسکے گا۔فلم ’’مسٹر کباڑی‘‘ کی ہدایتکار اوم پوری کی پہلی بیوی سیما کپور ہیں جب کہ فلم میں مسٹر کباڑی کا کردار اداکار انو کپور نبھائیں گے۔سیما کپور کے مطابق فلم کی کہانی ایک ایسے کباڑی کے گرد گھومتی ہے جو اچانک امیر ہو جاتا ہے جس کے بعد نہ صرف وہ اپنے رہن سہن کو تبدیل کرتا ہے بلکہ اپنے کاروبار کو بھی فروغ دیتا ہے۔سیما کا کہنا ہے کہ فلم کے تمام اداکاروں نے اپنا اپنا کردار باخوبی نبھایا ہے جس کی وجہ سے امید ہے کہ فلم مداحوں کو پسند آئے گی۔فلم کی کاسٹ اوم پوری کے علاوہ ساریکا، وینے پاٹھک، راجویر سنگھ، کشیشورا اور بریجیندرا کالا بھی شامل ہیں۔واضح رہے کہ اداکار اوم پوری رواں سال جنوری میں دل کا دورہ پڑنے سے 66 سال کی عمر میں انتقال کرگئے تھے۔

July 15, 2017

سلمان خان انتہائی سنگین قدم اٹھانے کو تیار

ممبئی جدت ویب ڈیسک بالی وڈ اداکار سلمان خان نے کہا کہ اب مزید ایک یا 2 فلمیں ناکام ہوئیں تو اس دن سمجھوں گا کہ فلم نگری میں میرا وقت ختم ہوگیا۔بھارتی ذرائع ابلاغ کے مطابق سلمان خان کی حال ہی میں عید پر ریلیز ہونے والی فلم ’’ٹیوب لائٹ‘‘ باکس آفس پر بری طرح فلاپ ہوئی ہے۔اپنے ایک انٹرویو میں فلم ’’ٹیوب لائٹ‘‘ کی ناکامی پر پہلی بار لب کشائی کرتے ہوئے سلمان خان نے کہا کہ جس دن مزید میری ایک یا 2 فلمیں نہیں چلیں گی اس دن سمجھوں گا کہ میری اور مداحوں کی سوچ مختلف ہے یا پھر فلم نگری میں میرا وقت پورا ہوگیا ہے جس کے بعد پھر کچھ اور کروں گا۔انہوں نے کہا کہ ایسا وقت آنے سے پہلے ایک دو فلموں کی کوشش کروں گا لیکن پھر بھی فلمیں فلاپ ہوئیں تو ہمیشہ کے لیے اداکاری چھوڑ دوں گا۔سلمان خان کا کہنا تھا کہ مداح ہی مجھے یہاں تک لے کر آئے ہیں، میرے بعد ان کا کوئی اور سٹار ہوگا اور یہ ضروری بھی نہیں کہ فلم بین 80 سال تک مجھے ہی جھیلتے رہیں۔دبنگ خان نے کہا کہ جب تک مداح مجھے پسند کریں گے میں کام کرتا رہوں گا اور اپنے آپ کو تبدیل بھی کرتا رہوں گا ۔