July 14, 2017

کم کم‘جوہی پرمار کی نئے روپ واپسی

ممبئی جدت ویب ڈیسک اداکارہ جوہی پرمار نے ڈرامہ سیریل کم کم سے بین الاقوامی شہرت حاصل کی، تاہم شادی کے بعد انہوں نے ٹیلی وژن کی دنیا کو خیر باد کہہ دیا تھا۔ بھارتی ٹیلی وژن نے ناظرین کو بہت مشہور ڈرامے دیئے، ان میں سے ہی ایک ڈرامہ کم کم تھا جس نے بین الاقوامی شہرت حاصل کی۔ ٹیلی وژن ناظرین کی ایک بڑی تعداد کو اس ڈرامے کا انتظار رہتا تھا۔ اس ڈرامے میں کم کم کا مرکزی کردار ادا کرنے والی اداکارہ جوہی پرمار نے بھی ناظرین میں بہت مقبولیت حاصل کی۔ تاہم جوہی پرمار نے شادی کے بعد ٹیلی وژن سے کنارہ کشی اختیار کر لی اور اپنی فیملی لائف میں اتنی مصروف ہوئیں کہ چاہتے ہوئے بھی ان کی ٹی وی پر واپسی نہ ہو سکی۔جوہی پرمار ایک بیٹی کی ماں ہیں اور پوری تندہی سے اس کی پرورش میں مصروف ہیں۔ انٹرٹینمنٹ انڈسٹری سے دور رہنے کی وجہ سے انہوں نے اپنا وزن بھی خاصا بڑھا لیا ہے۔ انڈین میڈیا کے مطابق جوہی پرمار ایک ٹیلی وژن شو کے ذریعے اپنی واپسی کر رہی ہیں۔

July 14, 2017

ایشوریا بمقابلہ سشمیتا سین

ممبئی جدت ویب ڈیسک بالی ووڈ کی نامور اداکارہ اور سابق ملکہ حسن سشمیتا سین نے اپنی حریف اداکارہ ایشوریا رائے کے بارے میں کہا ہے کہ ایشوریارائے مجھ سے زیادہ محنتی اور خوبصورت اداکارہ ہیں۔اداکارہ سشمیتا سین اور ایشوریا رائے کا شمار بالی ووڈ کی خوبصورت اور باصلاحیت اداکاراؤں میں ہوتا ہے، 1994 میں ایشوریا نے مس ورلڈ اور سشمیتا نے مس یونیورس کا خطاب جیت کر بین الاقوامی شہرت حاصل کی تھی لہٰذا ابتدا ہی سے دونوں اداکاراؤں کے درمیان میڈیا پرمقابلہ کرنے کے ساتھ انہیں ایک دوسرے کی حریف تصورکیا جاتا ہے۔ایشوریا رائے اور سشمیتا سین نے بھی کبھی میڈیا میں گردش کرنے والی افواہوں کی تردید نہیں کی بلکہ ہمیشہ اس معاملے پر خاموشی اختیار کیے رکھی تاہم اب سشمیتا سین نے ایشوریا کے بارے میں اظہارخیال کرتے ہوئے انہیں خود سے بڑی، محنتی اور خوبصورت اداکارہ قرار دے دیا۔ایک انٹرویو کے دوران جب سشمیتا سین سے پوچھا گیا کہ آپ اپنی اورایشوریا رائے کی کامیابی کے متعلق کیا کہنا چاہتی ہیں جس پرانہوں نے نہایت فراخ دلی کا مظاہرہ کرتے ہوئے کہا کہ ایشوریا رائے ان سے زیادہ محنتی اور خوبصورت ادکارہ ہیں، لوگ سوچتے ہیں ہم دونوں ایک دوسرے کی حریف ہیں لیکن یہ سچ نہیں ہے، ایشوریا اپنی زندگی اپنی شرطوں کے مطابق جیتی ہیں اورمجھے ایسا لگتا ہے انہوں نے فلم انڈسٹری میں مجھ سے بہتر اوراچھا کام کیا ہے جبکہ میں ان کے مقابلے میں زیادہ بہتر کام نہیں کرسکی۔اداکارہ نے مزید کہا کہ میں 8 گھنٹوں سے زیادہ کام نہیں کرسکتی جس کی وجہ سے مجھے پروڈیوسرزکا غصہ بھی برداشت کرنا پڑا لیکن ایشوریا اپنے کام کو پورا وقت دیتی ہیں اور بنا تھکے کام کرتی ہیں لہٰذا مجھے یہ کہنے میں کوئی عارنہیں کہ ایشوریا اور میرا کوئی مقابلہ نہیں بلکہ وہ مجھ سے زیادہ محنتی ہیں۔