May 27, 2020

بھارتی اداکارہ نے خود کشی کر لی۔

جدت ویب ڈیسک ::بھارتی اداکارہ نے خود کشی کر لی۔اداکارہ پریکشا مہتا نے سب سے پہلے ڈراما کلاسک افسانہ نویس سعادت حسن منٹو کے ڈرامے ‘کھول دو’ میں کام کیا تھا، جس سے اس نے زبردست پذیرائی حاصل کی، اس کے بعد اس نے متعدد اہم ڈراموں میں کام کیا، کئی ایوارڈ بھی جیتے۔غیر ملکی میڈیا کے مطابق بھارتی ریاست مدھیہ پردیش کے شہر اندور کی رہنے والی اور ممبئی میں متعدد ٹی وی سیریلز میں کام کرنے والی اداکارہ پریکشا مہتا نے خود کشی کر لی۔
میڈیا رپورٹس میں کہا گیا ہے کہ 25 سالہ اداکارہ ذہنی دباؤ میں تھی، اور کرونا وائرس کی روک تھام کے لیے نافذ لاک ڈاؤن کی وجہ سے کام نہ ملنے پر پریشانی کا شکار تھی۔
اندور پولیس نے واقعے کا مقدمہ درج کر کے مزید تفتیش شروع کر دی ہے، پولیس موت کی درست وجہ جاننے کی کوشش کر رہی ہے کہ آیا اداکارہ نے کیریئر کی وجہ سے خود کشی کی یا کسی اور وجہ سے۔دوسری طرف سیریل کرائم پیٹرول کی اداکارہ پریکشا مہتا کی فیملی نے یہی خدشہ ظاہر کیا ہے کہ کام نہ ملنے کی وجہ سے اداکارہ انتہائی قدم اٹھانے پر مجبور ہوئی۔ پولیس کا کہنا تھا کہ یہ واقعہ اندور کے ہیرا نگر پولیس اسٹیشن کے علاقے بجرنگ نگر میں پیش آیا، اداکارہ نے رات گئے گلے میں پھندا لگا کر جان دی۔اداکارہ کے والد نے میڈیا کو بتایا کہ ممبئی میں وہ ایک ٹی وی سیریل میں کام کر رہی تھی، اس دوران لاک ڈاؤن ہوا اور اسے کام چھوڑ کر گھر آنا پڑا، جیسا کہ ممبئی میں کرونا وائرس کے مریضوں کی تعداد بڑھتی جا رہی ہے اور لاک ڈاؤن مسلسل جاری رکھا جا رہا ہے، امکان ہے وہ اس سے ڈپریشن میں آ گئی تھی۔Crime Patrol Actor Preksha Mehta Commits Suicide at 25, Read Her ...

 

Crime Patrol actor Preksha Mehta commits suicide at 25, leaves ...

May 27, 2020

کراچی طیارہ حادثہ میں جاں بحق ماڈل زارا عابد کی پہلی اور آخری مختصر فلم ریلیز

جدت ویب ڈیسک :کراچی طیارہ حادثے میں جاں بحق ہونے والی ماڈل زارا عابد کی پہلی اور آخری مختصر فلم سکہریلیز کردی گئی۔کراچی ماڈل کالونی میں تباہ ہونے والے پی آئی اے کے طیارے پی کے 8303 میں دیگر مسافروں کے ہمراہ پاکستان کی نامور ماڈل زارا عابد بھی شامل تھیں جو حادثے کے نتیجے میں اپنی جان سے ہاتھ دھوبیٹھیں۔ زارا عابد نے نہ صرف ماڈلنگ کی دنیا میں نام کمایا تھا بلکہ وہ مختصر فلمسکہ کے ذریعے فلموں میں بھی قدم رکھنے جارہی تھیں۔تاہم ان کی پہلی فلم ہی آخری فلم ثابت ہوئی اور اس فلم کی ریلیز سے قبل ہی زارا عابد دنیا چھوڑ گئیں۔ زارا عابد کی موت کے بعد ان کی فلم سکہکو یوٹیوب پر ریلیز کیاگیا ہے۔ یہ 10 منٹ دورانئے کی مختصر فلم ہے جس میں زارا عابد دو کرداروں میں نظر آرہی ہیں جن میں سے ایک کردارایک ماڈرن اور سیلف انڈیپنڈنٹ خاتون کا ہے جب کہ دوسرا ایک عام گھریلو لڑکی کا کردار ہے جسے زارا عابد نے بخوبی نبھایا ہے۔

May 27, 2020

میری اعجاز اسلم کے ساتھ بڑی مضبوط دوستی ہے جو17سالوں سے برقرار ہے’ فیصل قریشی

لاہور جدت ویب ڈیسک :نامور اداکار فیصل قریشی نے کہا ہے کہ میری اعجاز اسلم کے ساتھ بڑی مضبوط دوستی ہے ،ہماری دوستی کا آغاز2003ء میں ہوا تھا اوریہ سلسلہ آج بھی بر قرار ہے ۔ایک انٹر ویو میں فیصل قریشی نے کہا کہ میں کراچی سے لاہور آگیا تھا اور کراچی میں ایک ایوارڈ شو میں میری نامزدگی ہوئی لیکن جب میں حال میں داخل ہوا تو میرا ایوارڈ ہمایوں سعید کو دیا جا چکا تھاجس پر اعجاز اسلم نے کھڑے ہو کر احتجاج کیا اور اس کے بعدہم ایک دوسرے کے لازم و ملزوم ہو گئے ۔انہوں نے کہا کہ میں نے ایک دفعہ اپنے دوست اعجاز اسلم کو ڈرامے سے کٹ کرا کے کامران جیلانی کو شامل کرایا کیونکہ اس ڈرامے میں میرے چھوٹے بھائی کا کردار تھا اور اعجازاسلم کی شکل مجھ سے نہیں ملتی تھی اس لئے کامران جیلانی کو شامل کیا گیا اور دلچسپ بات یہ ہے کہ یہ اعجاز اسلم کی ہی پروڈکشن تھی او ران کا بڑا پن ہے کہ انہوں نے اس کا برا نہیں منایا ۔

May 26, 2020

کینسرمیں مبتلا نادیہ جمیل گزرتے دنوں کے ساتھ مزید حوصلہ مند

کراچی :جدت ویب ڈیسک :کینسرمیں مبتلا نادیہ جمیل گزرتے دنوں کے ساتھ مزید حوصلہ مند، اداکارہ کا کہنا تھا کہ خود کو بہت کمزورمحسوس کررہی ہوں کہ اپنا سر بھی نہیں اٹھا پارہی،چھاتی کے سرطان میں مبتلا ہونے والی اداکارہ نادیہ جمیل ہرگزرتے دن کے ساتھ ہمت و حوصلے سے کام لے رہی ہیں۔ ناموراداکارہ وسماجی کارکن نادیہ جمیل بریسٹ کینسرمیں مبتلا ہیں۔ اداکارہ نے سماجی رابطے کی ویب سائٹ ٹوئٹرپراپنے مداحوں سے مخاطب ہوتے ہوئے کہا کہ کینسرکے باعث ان کی دوسری کیموگرافی مکمل ہوگئی ہے جس کے باعث ان کے سرپربال نہیں رہے اوروہ خود کو بہت کمزورمحسوس کررہی ہیں کہ وہ اپنا سر بھی نہیں اٹھا پارہی ہیں۔اداکارہ نے کہا کہ اس سب کے باوجود میرے حوصلے ہرگزرتے دن کے ساتھ مضبوط ہوتے جارہے ہیں۔ یہ ایک تکلیف دہ اورمجھے مضبوط بنانے والا سفرہے۔ اداکارہ نے مزید کہا کہ ہرروز اللہ مجھے محبت، شکرگزاری اوربقا پرسلامت رکھے۔ میں آپ سب سے بہت محبت کرتی ہوں۔

May 25, 2020

مشکل وقت میں بچے ہمارے چہروں پر مسکراہٹ لے آئے۔عائزہ خان

کراچی جدت ویب ڈیسک :: کرونا وائرس کے باعث پوری دنیا مشکلات کا شکار ہے جس کی وجہ سے ملک میں عید بھی سادگی سے منائی جارہی ہے لیکن اس مشکل وقت میں بچے ہمارے چہروں پر مسکراہٹ لے آئے۔

اداکارہ عائزہ نے بھی عید سادگی سے منائی جس کا ذکر انہوں نے سماجی رابطے کی ویب سائٹ ٹویٹر پر کیا۔

عائزہ خان نے کہا کہ ہماری زندگی مکمل طور پر تبدیل ہوچکی ہے، اس سے پہلے ہم نے کبھی بھی ایسا نہیں سوچا تھا، اللہ ان لوگوں کو طاقت عطا فرمائے جو اپنے پیاروں کو کھو بیٹھے، اللہ ہماری مغفرت فرمائے، عید مبارک۔.

انہوں نے لکھا کہ ’بچے معصوم ہیں وہ نہیں جانتے کہ ہمارے آس پاس کیا ہورہا ہے، وہ ہمیشہ ہمارے چہروں پر مسکراہٹ کی امید کرتے ہیں، یہ عید میں نے بچوں کے لیے وقف کردی۔……

 

 

 

May 25, 2020

اندوہناک طیارے حادثے پر ہر شخص کا دل غمزدہ ہے، بالی ووڈ کے دو معروف اداکاروں نے بھی واقعے پر افسوس کا اظہار کیا

جدت ویب ڈیسک  ::پاکستان میں پیش آنے والے اندوہناک طیارے حادثے پر ہر شخص کا دل غمزدہ ہے، بالی ووڈ کے دو معروف اداکاروں نے بھی واقعے پر افسوس کا اظہار کیا ہے۔

ایک روز قبل پیش آنے والے افسوسناک واقعے پر بھارت کے لیجنڈری اداکار شترو گھن سنہا نے افسوس کا اظہار کرتے ہوئے تعزیتی پیغام جاری کیا۔ اُن کا کہنا تھا کہ ’طیارہ حادثے کی خبر سُن کر میں افسردہ ہوگیا، میری دلی ہمدردیاں اُن تمام متاثرہ خاندانوں کے ساتھ ہیں جن کے پیارے اس حادثے میں کھو چکے ہیں‘۔

انہوں نے لکھا کہ ’میں دعا گو ہوں کہ جو لوگ اس واقعے میں زخمی ہوئے اور جنہیں ریکسیو کیا گیا اللہ انہیں جلد صحت یاب کرے اور وہ دوبارہ صحت مند زندگی کی طرف لوٹ آئیں‘۔

بالی ووڈ اداکار انیل کپور نے سماجی رابطے کی ویب سائٹ پر لکھا کہ آبادی والے علاقے میں گر کر تباہ ہونے والی طیارے کی خبر میرے لیے ناقابل یقین ہے، میری تمام تر ہمدردیاں اور دعائیں متاثرہ خاندانوں کے ساتھ ہیں۔

انہوں نے حادثے میں زخمی ہونے والے افراد کی جلد صحت یابی کے لیے دعا کی اور لکھا کہ ’یہ قومیت کا نہیں بلکہ انسانیت کا مسئلہ ہے‘۔

یاد رہے کہ لاہور سے کراچی آنے والی پرواز پی کے 8303 میں 90 مسافر اور 8 کریئو ممبران شامل تھے، پائلٹ نے طیارے کی باحفاظت لینڈنگ کے لیے ہر ممکن کوشش کی مگر بدقسمت طیارہ کراچی ایئرپورٹ کے قریب واقع ماڈل کالونی کے آبادی والے علاقے میں گر کر تباہ ہوا۔………………