January 23, 2021

شرمین عبید ‘ حلیمہ سلطان کو پشاور زلمی کا ایمبیسیڈر بنانے پر بھڑک اٹھیں

ویب ڈیسک ::گزشتہ سال پاکستان سپر لیگ (پی ایس ایل) کی فرنچائز پشاور زلمی کے چیئرمین جاوید آفریدی نے اعلان کیا تھا کہ انہوں نے پی ایس ایل کے چھٹے سیزن میں ترک اداکارہ اسرا بیلگیج کو پشاور زلمی کا برانڈ ایمبیسیڈر چنا ہے۔بعد ازاں سوشل میڈیا پر متعدد صارفین کی جانب سے اس فیصلے کی خوش آمد کی گئی تو وہیں کچھ لوگ اس فیصلے سے نا خوش بھی نظر آئے۔
اب آسکر ایوارڈ یافتہ پاکستانی فلمساز و ہدایت کارہ شرمین عبید چنائے نے بھی ‘حلیمہ سلطان’ کو پشاور زلمی کا ایمبیسیڈر بنانے پر برہمی کا اظہار کیا۔شرمین عبید چنائے نے کہا کہ ‘مجھے یہ بہت مزاحیہ لگا کہ ایک ترک اداکارہ جن کا ملک کھیل ہی نہیں کھیلتا، وہ کرکٹ کے لیے ایمبیسیڈر بنی ہے’۔
انہوں نے کہا کہ ‘پاکستانی اداکاراؤں کے ساتھ کیا ہے؟ کیا یہ سب غائب ہو گئی ہیں جو ہمیں غیر ملکی اداکاراؤں کی طرف جانا پڑا ہے؟’ فلمساز نے مزید کہا کہ ‘اگر ہم اسی طرح ترک اداکاراؤں کو کام دیتے رہیں جو پاکستانی اداکارائیں کر سکتی ہیں تو ہماری انڈسٹری میں اب جو کچھ بھی باقی رہ گیا ہے وہ سب ختم ہو جائے گا’پاکستان میں شہرہ آفاق ترکش ڈرامہ سیریل ‘ارطغرل غازی’ نشر کرنے کے بعد ترکش اداکار اور اداکاراؤں کی پاکستان میں مقبولیت میں بے حد اضافہ دیکھا گیا۔
ارطغرل غازی ڈرامے کے بعد نا صرف ترک اداکار و اداکارائیں پاکستان میں مقبول ہوئیں بلکہ انہیں یہاں کام بھی ملنا شروع ہو گیا جس پر متعدد پاکستانی فن کاروں نے اپنی آواز بھی اٹھائی۔

Esra Bilgiç Join Peshawar Zalmi As a Brand Ambassador Says Javed Afridi | Awais - RA Cricket - YouTube

January 23, 2021

سابقہ اداکارہ عائشہ خان کی نئی تصویریں انٹرنیٹ پر مقبول ہوگئیں

کراچی جدت ویب ڈیسک :شادی کے بعد شوبز انڈسٹری کو خیرباد کہنے والی پاکستان کی سابقہ اداکارہ عائشہ خان کی نئی تصویریں انٹرنیٹ پر مقبول ہوگئیں۔سوشل میڈیا پر زیادہ متحرک نہ رہنے والی سابقہ اداکارہ عائشہ خان نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر پوسٹ کی ہے۔مذکورہ تصویر میں عائشہ خان نے فیروزی رنگ کا خوبصورت جوڑا زیب تن کیا ہوا ہے جبکہ تصویر میں وہ خود بیحد حسین لگ رہی ہیں۔عائشہ خان نے تصویر شیئر کرتے ہوئے بتایا کہ اْن کا خوبصورت میک اپ نامور میک اپ آرٹسٹ فائزہ سیلون کی جانب سے کیا گیا ہے۔سابقہ اداکارہ کی تصویر پر جہاں انسٹاگرام صارفین کی جانب سے تبصروں کا سلسلہ جاری ہے تو وہیں خوبرو اداکارہ عائزہ خان نے بھی عائشہ خان کی خوبصورتی کی تعریف کی۔عائشہ خان کی مقبولیت کی بات کریں تو اْنہوں نے صرف 10 گھنٹے پہلے ہی اپنی نئی تصویر پوسٹ کی ہے جسے اب تک 52 ہزار سے زائد صارفین لائک کرچکے ہیں۔دوسری جانب عائشہ خان نے ایک تصویر اپنی انسٹا اسٹوری میں بھی شیئر کی۔واضح رہے کہ 15 اپریل 2018ء کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے جس میں عزیز و اقارب سمیت قریبی دوستوں نے شرکت کی تھی۔اْن کے ہاں سال 2019 میں 12 ربیع الاول کو بیٹی کی پیدائش ہوئی تھی جس کا نام اْنہوں نے ‘ماہ نور’ رکھا۔عائشہ خان نے 20 برس قبل یعنی 2000ء میں پاکستان کی میڈیا انڈسٹری میں قدم رکھا اور کئی کامیاب ڈراموں میں اداکاری کے جوہر دکھائے جن میں مہندی، وصل، خدا زمین سے گیا نہیں ہے، پارسا، خدا میرا بھی ہے، من مائل، وہ ایک پل اور دیگر شامل ہیں۔اداکارہ نے 18 سال کے کامیاب میڈیا کیریئر کے بعد میڈیا انڈسٹری کو چھوڑنے کا فیصلہ کیا تھا جس کا اعلان انہوں نے سوشل میڈیا پر کیا تھا۔دوسری جانب اْن کے شوہر میجر عقبہ پہلے پاکستانی ملٹری ا?فیسر ہیں جنہوں نے ا?ر ایم اے ایس میں پلاٹون کمانڈر کی حیثیت سے فرائض انجام دیئے اور اعزازی تلوار بھی جیتی۔

January 22, 2021

میراکا اداکار شان کو مشورہ جانیے اس ویڈیو میں

ویب ڈیسک ::ایک سوال کے جواب میں انہوں نے کہا کہ ریما خان ان سے سینیئر ہیں اور ان کی فلم باجی ریلیز ہونے کے بعد ریما کو چاہیے تھا کہ وہ ان کے لیے تحائف بھجواتیں۔پروگرام کے دوران میرا نے انکشاف کیا کہ انہوں نے 10 سال کی عمر میں ایک اشتہار کے ذریعے اداکاری کا آغاز کیا، تاہم انہوں نے واضح نہیں کیا کہ انہوں نے کس سال اداکاری کا آغاز کیا۔ایک سوال کے جواب میں انہوں نے اداکار شان کو مشورہ دیا کہ انہیں آگے آکر فلم انڈسٹری کی سیاست کی کمان سنبھالنی چاہیے۔انٹرویو کے دوران میرا نے خواہش ظاہر کی کہ وہ ہمایوں سعید کے ساتھ کام کرنا چاہتی ہیں اور ساتھ ہی انکشاف کیا کہ وہ فلم ساز ندیم بیگ کی فلم میں جلد ہی ایکشن میں دکھائی دیں گی، تاہم انہوں نے فلم کا نام نہیں بتایا۔بھارتی و پاکستانی فلم انڈسٹری میں فرق کے حوالے سے پوچھے گئے ایک سوال کے جواب میں میرا نے بتایا کہ بھارتی فلم انڈسٹری میں اداکاروں کا خیال زیادہ رکھا جاتا ہے۔

January 22, 2021

مفتی قوی کو صرف تھپڑ نہیں جوتے بھی مارے ہیں، حریم شاہ

کراچی جدت ویب ڈیسک :ٹک ٹاک اسٹار حریم شاہ نے کہا ہے کہ میں نے مفتی قوی کو صرف تھپڑ ہی نہیں جوتے بھی مارے ہیں۔مقامی چینل کو دیے گئے انٹرویو میں حریم شاہ نے کہا کہ میں نجی چینل پر ایک شو کر رہی ہوں جس کے لئے میں نے سوچا ہوا تھا کہ شو کے مہمانوں میں سب سے پہلے اْن لوگوں کو بلائوں گی جن کی وجہ سے میری کردار کشی ہوئی۔ اسی وجہ سے دنیا کے سامنے حقیقت لانے کے لئے مفتی قوی کو شو میں بطور مہمان مدعو کیا اور لاہور سے کراچی آنے کے لئے تمام اخراجات خود اْٹھائے۔انہوں نے بتایا کہ مفتی قوی کے ساتھ ایک لڑکی سیلفی وائرل ہوئی تھی، اْس دوران میں بیرون ملک تھی یہ بات پتا ہونے کے باوجود مفتی قوی نے جانتے بوچھتے ہوئے جھوٹ بولا کہ سیلفی میں حریم شاہ ساتھ ہے۔ جس کی وجہ سے مجھ پر بہت لعن طعن کی گئی لیکن میں نے یہ سوچ کر خاموشی اختیار کئے رکھی کہ ایک دن میں بدلہ ضرور لوں گی اور انہیں دنیا کے سامنے ذلیل و رسوا کرکے رہوں گی۔حریم شاہ نے یہ بھی کہا کہ میں نے کچھ عرصے ٹک ٹاک ویڈیوز بنانا بند کردیں تھیں اور باکو چلے گئی تھی تاہم اس دوران مفتی قوی نے مبشر لقمان کے شو میں شرکت کی اور میری نئی ویڈیو نہ آنے کی وجہ یہ بتائی کہ انہوں نے مجھ سے نکاح کر رکھا ہے اور جب میزبان مزید کچھ پوچھا تو اس پر مفتی صاحب ہنستے رہے۔ٹک ٹاکر نے مفتی قوی کے حوالے سے حیران کن انکشاف یہ بھی کیا کہ شو سے قبل اپنی ٹیم کے ہمراہ مفتی قوی کو ایک ریسٹورنٹ بھی لے کر گئی جہاں انہوں نے میرے ساتھ نا مناسب حرکت بھی کی لیکن اس وقت بھی میں نے خود پر قابو رکھا اور سوچا کہ اگر ابھی میں نے اپنا ردِعمل دیا تو تمام معاملات بگڑ جائیں گے اور جہاں تک تھپر مارنے والی ویڈیو کی بات ہے تو میں نے اب تک مفتی قوی کو صرف تھپڑ ہی نہیں بلکہ جوتے بھی مارے ہیں۔