October 20, 2020

کینسر کا شکار سنجے دت کی زندگی کو لاحق خطرات پر خاندان کی وضاحت

ممبئی:جدت ویب ڈیسک :کینسر جیسے موذی مرض کا شکار بالی ووڈ اداکار سنجے دت کی زندگی سے متعلق افواہیں گردش کررہی ہیں کہ ان کے پاس بہت کم دن رہ گئے ہیں جس پر ان کے خاندانی ذرائع نے وضاحت کی ہے ۔رواں سال اگست میں 61 سالہ اداکار سنجے دت کو پھیپھڑوں کے کینسر کی تشخیص ہوئی تھی جس کے بعد انہوں نے اداکاری سے بریک لے کر اپنا علاج کروانے کا اعلان کیا تھا۔
ایک اور بھارتی ویب سائٹ کے مطابق سنجے دت نے کینسر کو شکست دے دی ہے تاہم ابھی ان کی یا ان کی اہلیہ کی جانب سے اس بات کا باقاعدہ اعلان نہیں کیا گیا ہے ۔ لیکن توقع کی جارہی ہے کہ بہت جلد اس خبر کاباضابطہ اعلان کیا جائے گا۔ میڈیا رپورٹس کے مطابق گزشتہ روز سنجے دت کی پوسیٹرون ایمیشن ٹوموگرافی(پی ای ٹی) رپورٹس آئی تھیں جن کے مطابق سنجے دت کو کینسر فری قرار دے دیا گیا ہے ۔سنجے دت کے خاندانی ذرائع کے مطابق سنجے دت آج (گزشتہ روز) ٹیسٹ کے لیے گئے تھے جس کے بہت اچھے نتائج سامنے آئے ہیں خدا کی مہربانی اور تمام لوگوں کی دعاؤں سے ان کا علاج بہت اچھا چل رہا ہے ۔واضح رہے کہ سنجے دت کو کینسر کی تشخیص تو اگست میں ہوئی تھی تاہم انہوں نے تقریباً ایک ہفتہ قبل پہلی بار اس بارے میں بات کرتے ہوئے کہا تھا یہ میری زندگی کا حالیہ داغ ہے لیکن میں اسے جلد ہی شکست دے دوں گا۔ میں جلد اس کینسر سے آزاد ہوجاؤں گا۔بھارتی میڈیا رپورٹس کے مطابق سنجے دت کے حوالے سے خبریں گردش کررہی ہیں کہ سنجے دت کے پاس 6 ماہ یا کچھ ماہ کا وقت رہ گیا ہے ۔ سنجے دت کے ایک قریبی رشتے دار نے ان خبروں کی وضاحت دیتے ہوئے کہا کہ ایسا کچھ نہیں ہے ۔ سنجے دت کو پھیپھڑوں کے کینسر کی تشخیص ہوئی تھی جس کا علاج ممبئی میں شروع ہوا، ان کا علاج بہت اچھا چل رہا ہے ۔

October 20, 2020

معروف بھارتی گلوکار کمارسانو بھی کورونا میں مبتلا ہوگئے

ممبئی:ویب ڈیسک: اپنی سالگرہ منانے کے لیے اہل خانہ کے پاس امریکا جانے والے بھارتی گلوکار کمار سانو نے ایس او پیز کے تحت کورونا ٹیسٹ کرایا جو مثبت آگیا جس پر فضائی سفر کو معطل کرکے وہ گھر ہی میں قرنطینہ ہوگئے ہیں۔62 سالہ کمار سانو کو کورونا میں مبتلا ہونے کا پتہ اُس وقت چلا جب وہ اپنی سالگرہ منانے اہلیہ اور بیٹیوں کے پاس لاس اینجلس جانے کی تیاری کررہے تھے تاہم پرواز سے پہلے کورونا ٹیسٹ کی شرط کی وجہ سے علامتیں نہ ہونے کے باوجود ٹیسٹ کرایا جو حیران کن طور پر مثبت آگیا۔بھارتی میڈیا کے مطابق نوے کی دہائی میں شہرت کی بلندی کو چھونے والے پلے بیک سنگر کمارسانو میں بھی کورونا وائرس کی تصدیق ہوئی ہے تاہم ان کی طبیعت بالکل ٹھیک ہے اور ان میں کسی قسم کی علامت ظاہر نہیں ہوئی ہے ۔ ٹیسٹ مثبت آنے کے بعد گلوکار نے خود کو گھر میں قرنطینہ کرلیا ہے ۔کمار سانو کی اہلیہ سلونی نے بتایا کہ اگر وہ تب تک ٹھیک محسوس کرتے ہیں تو وہ 8 نومبر کو امریکہ آئیں گے اور اگر وہ نہ آسکے تو ہم سب ان کے ساتھ تہوار منانے ممبئی جائیں گے ۔

October 20, 2020

آمنہ الیاس نے بھی مزار قائد کے تقدس کی پامالی پر کیپٹن (ر) صفدر کو آڑے ہاتھوں لے لیا

کراچی: ویب ڈیسک :: قائد کے مزار کی بے حرمتی پر پوری قوم غصے میں ہے پاکستان شوبز انڈسٹری کی معروف ماڈل و اداکارہ آمنہ الیاس بھی کیپٹن (ر) صفدر پر برس پڑیں۔
تفصیلات کے مطابق سینئراداکار خالد انعم کے بعد معروف ماڈل و اداکارہ آمنہ الیاس نے بھی مزار قائد کے تقدس کی پامالی پر کیپٹن (ر) صفدر کو آڑے ہاتھوں لے لیا۔
سماجی رابطے کی ویب سائٹ انسٹاگرام پر ویڈیو شیئر کرتے ہوئے آمنہ الیاس نے کہا کہ ’کیپٹن (صفدر) کی جانب سے قائد اعظم محمد علی جناحؒ کی قبر پر جاکر نعرے لگائے جارہے ہیں کہ ’ووٹ کو عزت دو‘، سیاست اور گٹر میں اب کوئی فرق نہیں رہا۔‘
اداکارہ نے مزید کہا کہ ’یہ لوگ قائد اعظم کو یہ عزت دے رہے ہیں، مجھے یہ بتائیں کیا یہ لوگ اپنے والدین کی قبروں پر بھی جاکر ایسے ہی شور کرتے ہیں اور نعرے لگاتے ہیں اور مجمع اکٹھا کرتے ہیں صرف اپنے مفاد کے لیے۔آمنہ الیاس نے کہا کہ مریم نواز، بلاول بھٹو یہ بنیں گے ہمارے حکمران جو جلسوں میں جاکر انڈوں اور ٹماٹروں کے ریٹ بتاتے ہیں۔
انہوں نے کہا کہ اس میں ناکامی ان کی نہیں ہے بلکہ ناکامی ہماری حکومت کی ہے، حکومت اپنے بانی کے مزار کے تقدس کی حفاظت نہیں کرسکتی تو اور کسی کی کیا حفاظت کرے گی۔
واضح رہے کہ گزشتہ روز مسلم لیگ ن کے رہنما کیپٹن (ر) صفدر نے مزار قائد کے احاطے میں سیاسی نعرے لگوائے تھے، رات گئے عزیز بھٹی تھانے میں مقدمہ درج کرتے ہوئے علی الصبح انہیں گرفتار کرلیا گیا تھا، بعدازاں انہیں عدالت سے ضمانت پر رہائی ملی۔اداکارہ نے ویڈیو کے آخر میں حکومت سے مطالبہ کیا کہ کیپٹن (ر) صفدر اور دیگر کے خلاف سخت کارروائی عمل میں لائی جائے۔

October 19, 2020

فلم 50 کروڑپرتنقید؛ اعجازاسلم کا رد عمل دیکھیے

کراچی ویب ڈیسک ::نئی آنے والی فلم ’50 کروڑ‘ پرسوشل میڈیا صارفین کی جانب سے تنقید کے بعد اداکاراعجازاسلم کا رد عمل سامنے آگیا۔
نئی آنے والی فلم 50 کروڑکا ٹیزرریلیزہونے کے بعد ہی سوشل میڈیا صارفین فلم کی کاسٹ سمیت ممکنہ کہانی کوتنقید کا نشانہ بنا رہے ہیں اورکہہ رہے ہیں کہ یہ فلم معروف سیریز ’منی ہائسٹ‘ کا چربہ ہے۔
تاہم کچھ صارفین اورمداحوں نے فلم کی منفرد اندازمیں بنانے کو ہدایتکاروپروڈیوسرکوسراہا بھی۔ اس متعلق فلم کے اداکاراعجازاسلم نے وضاحت دیتے ہوئے مداحوں سے کہا کہ وہ تنقید سے پہلے فلم کا انتظارکرلیں۔ انہوں نے کہا کہ مداح فلم دیکھیں گے اوراس فلم کومختلف پائیں گے۔کہا کہ جب آپ فلم دیکھ لیں توپھربتائیں کہ کیا کمی ہے اورکیا اچھا ہے، لیکن وقت سے پہلے پرکھیں نہیں، اگرکچھ منفرد پراجیکٹ آرہا ہے تو اس کی تعریف کریں اورپراجیکٹ آنے کے بعد اپنی رائے کا ضروراظہارکریں۔

View this post on Instagram

#50crore #comingsoon #film #action

A post shared by Aijaz aslam (@aijazzaslamofficial) on

October 19, 2020

محتاط رہیں،انسٹاگرام فلٹرکاغلط استعمال مہنگا پڑسکتا ہے،ہانیہ کے ساتھ کیا ہوا؟

ویب ڈیسک ::انسٹاگرام فلٹر کا استعمال تصاویر کو خوبصورت بنا سکتا ہے ، لیکن محتاط رہیں کیونکہ آپ کو پریشانی کا سامنا بھی کرنا پڑ سکتا ہے۔ اداکارہ ہانیہ عامر کے ساتھ بھی کچھ ایسا ہی ہوا۔
ہانیہ عامرنےکچھ تصاویرکیلئے انسٹا کا “بے بی فیس” فلٹر استعمال کیا لیکن وہ یہ نہیں جانتی تھیں کہ اس کیلئے ایڈجسٹمنٹ کرنی پڑتی ہے بصورت دیگر آپ کے ہونٹ قدرے سوجےہوئے نظر آئیں گے
گزشتہ کچھ عرصے سے یہ فلٹر استعمال کرنے والی ہانیہ پرفالوورز نے سرجری کروانے کا الزام دھردیا اور اس حوالے سے اداکارہ کوتنقید کا نشانہ بھی بنایا گیا۔
انسٹاگرام پرہانیہ کی ایک ویڈیو وائرل ہے جس میں انہوں نے خود کواحمق قرار دیتے ہوئے صورتحال بیان کی کہ کیسے اس فلٹرکاصحیح استعمال نہ جاننے کی بناء پران کے ہونٹ موٹے نظر آتے رہے اور بالآخرایک دوست نے انہیں یہ بات سمجھائی۔
ایک اور ویڈیو میں ہانیہ نے “فلٹرہے” لکھتے ہوئے فالوورز کو گڈ مارننگ کہا۔
ہانیہ کی وضاحت کے باجود انسٹاصارفین کی تسلی نہ ہوئی، کسی نے لکھا ” فلٹر تو ہے لیکن جو لپ فلرہے اس کا کیا کریں؟۔ ایک اور صارف نے تبصرہ کیا” یہ کیا عجیب سی شکل بنا لی ہے”۔
انسٹا پر30 لاکھ سے زائد فالوورز رکھنے والی خاصی ایکٹورہتی ہیں اورہلے گلے کے علاوہ اکثراپنی گلوکاری کی ویڈیوز بھی پوسٹ کرتی رہتی ہیں۔
ہانیہ کا آنے والا پروجیکٹ ڈائریکٹرمہرین جبار کی میوزیکل ویب سیریز ” میرے دوست میرے یار سیزن 2 ” ہے جس میں ان کے ہمراہ عاصم اظہر بھی ہیں۔

 

October 18, 2020

فلم قائد اعظم زندہ باد کے ٹیزر نے دھوم مچادی

کراچی: جدت ویب ڈیسک :فہد مصطفی اور ماہرہ خان کی فلم قائد اعظم زندہ باد کے ٹیزر نے ریلیز ہوتے ہی سوشل میڈیا پر دھوم مچادی۔ فہد مصطفی اور ماہرہ خان کی فلم قائد اعظم زندہ باد کا انتظار لوگ کافی عرصے سے کررہے ہیں۔ اس فلم میں ماہرہ اور فہد کی جوڑی پہلی بار ایک ساتھ نظر آرہی ہے جب کہ فہد مصطفی فلم میں پولیس آفیسر کے ایکشن سے بھرپور کردار میں نظر آئیں گے۔ 45 سیکنڈ کے مختصر ٹیزر میں ایکشن، رومینس سمیت ہر وہ چیز موجود ہے جو آپ کو بالی ووڈ کی فلمیں بھلانے پر مجبور کردے گی۔ ٹیزر سے فلم کی کہانی کا اندازہ تو نہیں ہورہا لیکن ایک بات واضح ہوگئی ہے کہ فہد مصطفی ایکشن سے بھرپور پولیس آفیسر کا کردار اداکررہے ہیں اور یہ کردار ایکشن فلمیں دیکھنے کے شوقین لوگوں کو مایوس نہیں کرے گا۔ ٹیزر میں ماہرہ خان کی محض ایک جھلک ہی دکھائی دی ہے لیکن اس ایک جھلک سے بھی اندازہ ہوگیا کہ فلم صرف ہیرو کے گرد نہیں گھومتی بلکہ اس میں ماہرہ خان کا بھی بہت جاندار کردار ہے اس کے علاوہ وہ فلم میں بے حد خوبصورت بھی لگ رہی ہیں۔ ٹیزر کو یوٹیوب پر محض چند گھنٹوں کے دوران ایک لاکھ سے زائد لوگ دیکھ اور پسند کرچکے ہیں۔

October 18, 2020

ڈراما زیبائش میں ناقص کارکردگی پر زارا نورعباس کا جواز

کراچی:جدت ویب ڈیسک : اداکارہ زارا نور عباس نے ڈراما سیریل زیبائش میں ناقص کارکردگی اور ڈرامے کی ناکامی پر کہا ہے کہ اس ڈرامے میں کام کرنا ان کی غلطی تھی لیکن اپنی اس غلطی سے انہوں نے بہت کچھ سیکھا بھی ہے۔پاکستانی نجی چینل سے نشر ہونے والا ڈراما زیبائش ناقص اداکاری، خراب ایڈیٹنگ، پلاٹ میں بے شمار غلطیوں اور سب سے بڑھ کر اقربا پروری کے باعث پہلی ہی قسط سے شدید تنقید کی زد میں ہے۔ لوگوں نے اس ڈرامے کو اتنا زیادہ ناپسند کیا ہے کہ اس ڈرامے کی ہر قسط پر لوگ تعریف سے زیادہ تنقید کرتے نظر آتے ہیں۔ڈراما زیبائش میں اداکارہ زارا نور عباس کی کارکردگی لوگوں کو بالکل بھی پسند نہیں آرہی۔ ڈراما عہدوفا کے بعد لوگوں کی امیدیں زارا سے بے حد بڑھ گئی تھیں لیکن زارا نور عباس نے اس ڈرامے میں لوگوں کو شدید مایوس کیا۔ زیبائش میں اپنی ناقص کارکردگی اور ڈرامے کی ناکامی پر حال ہی میں زارانور عباس نے ایک انٹرویو دیا ہے۔

October 16, 2020

ملائیکہ اروڑا کا گرتے بالوں کا شرطیہ علاج

ویب ڈیسک ::گرتے بالوں کا علاج وہ بھی گھر میں،بال لمبے، گھنے اور چمکدار سب کو اچھے لگتے ہیں اور صرف عام لڑکیاں ہی نہیں مشہور اداکارائیں بھی اپنے بالوں کے حوالے سے مختلف حربے اپناتی نظر آتی ہیں۔ حال ہی میں بھارتی اداکارہ ملائکہ اروڑا نے اپنے گرتے ہوئے بالوں سے متعلق ایک ویڈیو پیغام جاری کیا ہے۔
جس میں انھوں نے بتایا ہے کہ:پیاز کو اچھی طرح پیس کر اس کے رس کو چھان لیں اور روئی کی مدد سے بالوں کی جڑوں میں لگائیں اور کچھ دیر کے لیے لگا رہنے دیں۔
اور خشک ہونے پر اپنے پسندیدہ شیمپو سے بالوں کو دھو لیں۔ ویڈیو کے آخر میں انھوں نے مزید بتایا ہے کہ:
’یہ عمل ایک ہفتے تک لگاتار دہرائیں، اس نسخے کے بہترین نتائج آپ کو مایوس نہیں کریں گے۔‘واضح رہے کہ ملائکہ اروڑا بھی کورونا وائرس میں مبتلا ہو گئیں تھیں لیکن اب وہ صحتیاب ہوگئی ہیں۔ مگر اس کے بعد ان کے بال بہت زیادہ جھڑنے لگے ہیں جس کی وجہ سے انھوں نے اپنے مداحوں کو بھی بال جھڑ سے نجات کا طریقہ بتا ڈالا۔

View this post on Instagram

Hair loss is one demon that we all have to face in our lives…for some it comes in phases and for some it's like an everyday problem. But we don't need to fear it…just need to tackle it the correct way. Apart from maintaining a healthy diet, we can use some simple diy tips to control the hair fall. Post my Covid19 recovery, even I have been experiencing an intense hair fall than usual, so apart from my daily dose of good ol' vitamins, I have also restarted my one ingredient diy hair fall therapy…Onion juice!. Just grate one fresh onion and extract it's juice, now apply the juice to ur scalp with the help of a cotton ball. Keep it for sometime and then wash it off with a paraben free shampoo. You'll see the results within a week and trust me..you'll not be disappointed. #MalaikasTrickOrTip #HairCare

A post shared by Malaika Arora (@malaikaaroraofficial) on